Free Mass - آراء على هامش الحياة

السيد الدكتور العلامة الشيخ أيمن الظواهري باعت ليكم رسالة مهمة " إذا لم تجلب المظاهرات العربية بالإسلاميين للحكم فإن العنف سيكون إلزاميا " ، يعني بالمفتشر لو الإسلاميين ما ممسكوش الحكم هنطربقها على دماغكم ... طيب الواحد هنا بقى يقول أيه ! ، بجـد ما فيش غير تعليق واحد مختصر ... جذل ... مفيد .... قوي ... حاسم حمــــــــــــــــــــررررررا فكرتني بصورة لواحدة رفعت يافطة مخصوص لمبارك في لندن قبل ما يتنحي بيومين مارضيتش أنزلها بس هتنزل المره دي تكريما للشيخ أبو لسان مر و عقل فل !  

  كل الناس أتكلمت على القطاع العام و أزاي أتباع بتراب الفلوس و من ساعتها الاقتصاد المصري بيقع و بينهار ، ما يغركمش الكلام اللي بيتقال في التلفزيون محدش هيستفيد من أي حاجة غير أصحاب رؤوس الأموال باقي الناس مش أكثر من عبيد بتشتغل عندهم عايزين حقنوقنا ترجع لينا أصحابها الحقيقيين ناضل معانا لعودة أموالك المنهوبة

بسبب الاحداث اللي عمالة تجري بسرعة الصاروخ في البلد اليومين دول الواحد بقى مش عارف يتابع الأخبار في العالم .. على فكرة انجلترا فيها احتجاجات قربت تاخد شكل الثورة على جيمس كاميرون رئيس الوزراء الانجليزي اللي قرر اتخاذ قرار بالتقشف الاقتصادي و بسببه هتزد معدلات التضخم و كمان هتزيد معدلات البطالة بسبب تسريح الشركات لعدد كبير من العمال و الموظفين ... أمبارح لأول مرة من فترة طويلة أفتح الماسينجر ، لقيت اغلب الناس اللي أعرفهم أوف لاين قلت مش مشكلة أحسن برده أنا يدوبك هقرى شوية أخبار و ادخل انام لغاية لما نط قدامي صديق انجليزي كنت أتعرفت عليه من فترة في منتدى رياضي ايام كاس العالم للقارات بعد مباراة البرازيل الشهيرة كنت ضيفته عندي و أتكلمنا كذا مرة مع بعض عن حاجت كثير منها مثلا بعد نجاح الثورة في تنحي مبارك بعتلي رسالة تهنئة جميلة جدا ... المهم و أحنا بنرغي لقيته بيسألني تفتكر هننجح أننا نخلي كاميرون يستقيل من الحكومة ... بصراحة معرفتش أرد عليه لأني مش عارف ابعاد الموضوع آخر حاجة كنت اعرفها من فترة انه أعلن سياسة التقشف و ان فيه اعتراضات لكن أكثر من كده معلوماتي شبه معدومة ، كل تركيزي كان ع

لم يتوقع أكثر المتفائلين أن يكون الاقبال على الاستفتاء بهذا الشكل ، طوابير بلغت عشرات الأمتار خارج اللجان المخصصة للاستفتاء ، لتجذر أهم مكاسب الثورة و هو عودة الوعي السياسي مرة اخرى لهذا الشعب المقهور منذ أكثر من ثلاثين عام و ادراكه ان مشاركته السياسية سوف يكون لها تأثير على مستقبل البلاد و بالتالي مستقبله على المستوى الفردي. سيدات و أطفال ، شباب و شيوخ ، الكل حرص على التواجد مبكرا للإدلاء بصوته لم يقف المرض أو الإعاقة حائلا ، الابتسامة على الوجوه ، و لم لا فنحن نحتفل بأبهى و أجمل عروس على الإطلاق ، لم يشوه تلك اللوحة الجميلة سوى تجاوزات من استخدام الدين كفزاعة لرفض التعديلات الدستورية ، و رفع شعار التصويت بنعم للمحافظة على هوية الدولة الإسلامية ، نغمة شاذة في وسط هذا العرس ، و على الجانب الآخر تم حشد إخواننا المسيحيين لرفض التعديلات الدستورية ، فضلا عن الحركات السياسية ذات الطابع المدني ، جعلت البعض في حالة تخوف من القادم ، فإقصاء آراء الآخرين باسم الدين و استخدام المساجد للترويج لرأي محدد في وقت يعاني فيه المجتمع المصري من غياب الثقافة السياسية الحقيقية ، و ابتلائه بنسبة امية تصل إ

  أحد المظاهر اللي تم رصدها في الاستفتاء

  النهاردة يوم الامتحان يكرم المرء أو .... ، كلام كثير جدا من اموافقين على التعديلات الدستورية أنهم مش عايزين الفترة تطول ، و بيتحججوا مرة علشان الاستقرار ، و مرة علشان الاقتصاد ، لكن للأسف حجتهم غلط ، النهاردة لو وافقنا على التعديلات أو الفترة الزمنية لوضع دستور هتطول و ممكن توصل لسنة و نص و يمكن أكثر و هقول أزاي ده هحصل بالتفصيل إذا تم الموافقة على التعديلات ، سيتم بعدها الدعوة إلى انتخابات لمجلسي الشعب و الشورى ، و طبعا كلنا عارفين انه هيتم انتخابه بنفس الشروط اللي موجودة في الدستور المعطل ( شكلا ) ، و كمان هتبقى بأسلوب الانتخاب الفردي ، طيب كان فيه تصريح من المجلس العسكري أنهم هيغيروا قانون الانتخابات علشان تبقى بالقائمة النسبية لو صدق التصريح يبقى قدامنا حوالي شهر لغاية لما القانون يتم صياغته بشكل جيد ، و 6 اشهر علشان الانتخابات لأنها مش هتبقى في يوم و ليلة ، كمان هيبقى فيه شرط قاضي لكل صندوق أنتخابي و ده طبعا هيخلينا نعمل الانتخابات على مراحل و هتاخد هنا من اسبوع لـ 10 ايام ، و الفرز هياخد مش اقل من أسبوع كده يبقى أحنا ضيعنا حوالي 8 اشهر لغاية لما المجلس يتم انتخابه ني

    لو بتعرف في القانون هشام بسطاويسي بيقول لا لو بتعرف فقيه دستوري زكريا عبد العزيز وثروت بدوي بيقولوا لا لو إنت ليبرالى ساويرس بيقول لا لو إنت مع الثورة البرادعى بيقول لا لو إنت قومي عمرو موسى بيقول لا لو بتثق في القانونيات تهاني الجبالي ونهى الزيني بيقولوا لا لو بتثق في اساتذة السياسة اسامة الغزالي حرب وحسن نافعة واحمد يوسف احمد بيقولوا لا لو بتحب عبد الحليم قنديل وجورج اسحق بيقولوا لا لو بتثق في الدكاترة محمد غنيم ومحمد ابو الغار واحمد زويل بيقولوا لا لو بتحب الادب جمال الغيطاني وبهاء طاهر وعلاء الاسواني بيقولوا لا لو أنت إسلامى عمرو خالد بيقول لا طب لو إسلامى بس من كاليفورنيا معز مسعود بيقول لا و لو ملاكش فى السياسة و بتحب السيما منى زكى بتقول لك لا لو بتحب الاذاعة ابلة فضيله بتقول لك لا كلنا هنقـول لا

  النهاردة الموضوع سخن قوي ، نزلت مع بعض الأصدقاء لتوزيع منشور صغير في أحد الأحياء الشعبية لتوضيح ليه نقول لا ، بدأنا من قهوة صغيرة و بدانا نوزع المنشور و نتكلم مع الناس ببساطة و كان النقاش في غاية الجمال ، و قدرنا نقنع عدد مش قليل كانوا محسموش رأيهم بالتصويت برفض التعديلات ، لكن الأهم اللي مقتنعين بالتصويت بنعـم ، الحجة الأساسية عندهم الاستقرار و الاقتصاد ، و لما حاورنا بعضهم في النقطة دي أن الفترة الزمنية تقريبا مش هتتأثر ، لكن اللي هيزيد أن لو قولنا "نعم" هنضطر للدعوى لانتخابات برلمانية و رئاسية و كلنا عارفين يعني ايه انتخابات و اللي كان بيحصل فيها ، من بلطجة و تعديات في وقت الشرطة فيه مش قادرة تتحكم في الشارع لغاية دلوقتي ، و الجيش مش مهمته الأساسية أنه يشرف على الأمن و معندوش الخبرة الكافية لده ، بصراحة ناس كثير منهم كانت تقريبا بدأت تقتنع خصوصا الشباب منهم و عندي إحساس أنهم اقتنعوا بس كان في شوية عند ، لكن الكبار في للسن مصممين على التصويت بنعم ، خصوصا ان عدد كبير منهم شاف اللقاء اللي عمله يسري فودة مع أحد أعضاء المجلس العسكري اللي أصدر القرار ... المهم بدأنا نتحرك م

    هنزل أقول "لا " علشان دماء الشهداء ماتروحش هدر هنزل أقول "لا" علشان أحافظ على حريتي هنزل أقول " لا " علشان بحب النيل و التمشية على الكورنيش و لمة الأصحاب و بسمة الأطفال هنزل أقول "لا" علشان محبس نفسي في قمقم و اخدع نفسي و أقول اتحررت هنزل أقول "لا" علشان ولادي يعيشوا عيشة أحرار مش قطيع هنزل أقول " لا " علشان بحب أم كلثوم و الحجار و منير و السنباطي و حليم هنزل أقول " لا " علشان بطرس و جرجس و مينا و جورجيت هنزل أقول "لا" لأني حاربت علشانها و غيري مات في حبها هنزل أقول " لا " ليكي يا مصر هنزل أقول " لا "

  مش عارف أعبر عن مدى فرحي ببداية استعادتنا كشعب مصر لحقوقنا المسلوبة ، كان قرار هيئة قضايا الدولة ببطلان عقـد شركات الوليد بن طلال اللي أخد 100 ألف فدان و في النهاية ما أستصلحش غير 600 فدان بس ، بداية للإحساس بالانتصار ، لكن لسه الطريق طويل و صعب و كله مطبات و حفر ، عندنا أكثر من 1200 حالة بيع لمصانع قطاع عام أتباعت بأقل من نص ثمنها ، لازم علينا نحط خطة واضحة من دلوقتي لتطوير المصانع و مراجعة العمالة و المترتبات و كيفية تنميتها لزيادة فرص العمل في أقرب فرصة. تخيلوا 100 ألف فدان أتباعوا بـ 5 مليون جنيه فقط ، يعني يقف الفدان بـ 50 جنيه يا بلاش في فُجر أكثر من كده ، لو فتحنا ملف القطاع العام هنلاقي بلاوي مالهاش أول من آخر هناخد أمثلة صغيرة : شركة المراجل البخارية الشركة بدأت في الستينات و كانت تنتج دروع الدبابات و معدات المحطات الكهربائية و هي بعتبرها الخبراء واحدة من أهم ثلاث شركات في العالم في هذا المجال و مالهاش مثيل في الشرق الأوسط و أفريقيا إلا في إسرائيل ، الشركة سنويا كانت بتحقق ارباح رائعة ففي عام 1991 قدرت الشركة توقع عقود توريد محطات كهربائية لعدد من الدول بمبلغ 600

يؤكد ائتلاف شباب الثورة أنه وبعد التصويت الداخلى على رفض او قبول التعديلات الدستورية كان رأى اغلبية الأعضاء هو المشاركة فى الاستفتاء ورفض هذه التعديلات ويؤكد الائتلاف أن مطالب جماهير الثورة لا تنازل عنها وليس بمقدور أحد ان يتفاوض عليها ويقبل بأقل منها ومرة أخرى نؤكد أننا نطالب بالاتى  : 1- اعلان دستورى مؤقت لإدارة المرحلة الانتقالية يتضمن المطالب الثورية ويحدد صلاحية الحكومة الانتقالية والمجلس الرئاسى المدنى 2- تشكيل مجلس رئاسى مدنى مكون من 3 افراد احدهما عسكرى يتولى مع الحكومة الانتقالية ادارة شون البلاد والتمهيد لانتخابات تشريعية ورئاسية 3- تشكيل جمعية تأسيسية لوضع دستور جديد للبلاد 4- تعديل القوانين المكمل للدستور مثل قانون الاحزاب وقانون مباشرة الحقوق السياسية وقانون مجلسى الشعب والشورى 5- الغاء مجلس الشورى والذى لم يكن له اى ادوار فعالة ذات قيمة فى الحياة السياسية ويؤكد الائتلاف احترامه الكامل للرأى الاخر وان الفيصل فى النهاية سيكون لصناديق الاقتراع

في الفترة الأخيرة ظهرت دعوات للتصويت بـ "لا" للتعديلات الدستورية للتعبير عن مطابتهم بدستور جديد ، تناسى اصحاب تلك الدعوة أن الاستفتاء سيكون فقط عبارة عن سؤال واحد هل توافق على التعديلات الدستورية ؟ نعـم / لا إذا في حالة الموافقة معروف أنك موافق على التعديلات ، بكل ما فيها تجاوزات و آراء مختلفة أهمها ما ذكر في المادة 175 و التي تعتبر مادة تدعوا للتمايز ضـد حاملي الجنسيات المزدوجة ، فأصحاب تلك الجنسيات ممنوعين من الترشح بنص المادة. النقطة الأكثر وضوحا و هي فور الموافقة على التعديلات الدستورية سيتم الدعوة لانتخابات مجلسي الشعب و الشورى و بعدها يتم الدعوة لانتخاب رئيس الجمهورية ، في وقت مازالت فيه النصوص التي تعطي رئيس الجمهورية صلاحيات غير محدودة ، مما يفتح الباب لننصب فرعون جديد من حقه رفض الدعوى لتأسيس جمعية تأسيسية لكتابة دستور جديد ، و هذا حقه يعطيه له الدستور و القانون فرئيس الجمهورية له حق الاعتراض على قرارات البرلمان بمجلسيه ، و التعديلات لا تلزم الرئيس بالدعوة لوضع دستور جديد بل هي اختيارية له حسب المادة 189 المعدلة. الأهم مازال أغلب المحافظين و أعضاء المجالس

الطفولة و التلقائية ، الحزن و الألم ، الغربة و المهانة... هذه هي أسس موسيقى الجاز فقد ولدت على يد الأفارقة السود اللذين تم استجلابهم كعبيد للعمل في مزارع القطن الأمريكية في أوائل القرن التاسع عشر بدأت كنوع من البكائيات المغناة ، إلا أنها و مع اختلاف ثقافات الأشخاص التي بدؤوا في غنائها منهم من غرب القارة و آخرين من وسط القارة بالإضافة إلى احتكاكهم بثقافات الرجل الأبيض الغربي بدأت هذه الموسيقى تتطور خاصة بعد إلغاء نظم العبودية في منتصف القرن التاسع عشر على يد أبراهام لينكولن و بدأ السود في ارتياد أماكن لم يكن مصرحا لهم فيها بالدخول فعرفوا أماكن عرض الموسيقى و بدأت محاولات لعمل مسارح خاصة بالفنون السوداء و بالفعل نجح بعضهم في مدينة نيو أورليانز في افتتاح أول ملهى مخصص لموسيقى السود في أمريكا و بدأ معها الاحتكاك الفعلي مع ثقافة الرجل الأبيض وبدأت المقارنة بين الموسيقى البيضاء المنظمة ذات القواعد الثابتة و الموسيقى الأفريقية ذات الإحساس الفطري و الأدوات الموسيقية البدائية ليبدأ عددا من الموسيقيين السود في تطوير موسيقاهم و إدخال الآلات الموسيقية الحديثة عليها إلا أنهم حافظوا على الروح الأساس

  مع بداية ثورة 25 يناير طلع علينا مرتضى منصور يهاجمها ووقف في ميدان مصطفى محمود بيوصف الثوار بأفظع الأوصاف ، و بعـد الثورة ما نجحت و تنحى مبارك خرج علينا مرتضى في قناة الحياة و المحور يقول أني أكثر واحد أتظلم في عهد المخلوع ، و لما أتقال أن الرئيس المخلوع هيوكله للدفاع عنه ، طلع و قال أنا هقول رأيي في مؤتمر صحفي ، و عمل مؤتمر و جاله عدد كبير من الصحفيين ، و أعلن أنه رفض يدافع عن الرئيس السابق و طلع بيان بكده ، المهم في نفس المؤتمر أعلن مرتضى عن تأسيسه لحزب جديد و الظاهر أنه مالاقاش حد يدخل الحزب ده و أختفى موضوع الحزب فجأة ، النهاردة طلع علينا في ميدان مصطفى محمود اللي معلش هسميه ميدان المخابيل ، أنه هيعمل مؤتمر صحفي ( الظاهر أن المؤتمرات الصحفية عنده عاملة زي الإدمان ) يعلن فيه ترشيحه للفريق أحمـد شفيق رئيس للجمهورية ، معلش هكرر جملة قالها عمرو أديب من يومين في البرنامج بتاعه بقى واحد ما قدرش يبقى رئيس وزراء 10 ايام هينفع يبقى رئيس جمهورية بسلطاته و بابا غنوجه ... الراجل ده مش أكثر من مهووس بالشهرة عايز يتشعبط في أي حاجة و خلاص علشان الجرايد تكتب عنه و التلفزيون يستضيفه ... حد

بدون تعليق

  طبعا هيجي ناس تقول ربنا يستر ، و ما تقولش كده ، لكن اللي حصل من بداية موضوع كنيسة أطفيح بحلوان ، و النار  زادت تحت الرماد و كلها شوية و تنفجر ، أمبارح المسيحيين عملوا مظاهرات في كل أنحاء القاهرة تقريبا عند التلفزيون و على طريق الاوتوستراد ، و على طريق المحور و في أماكن تانية ، لكن كان واضح أن الموضوع مش الكنيسة بس لكن الموضوع أكبر من كده حالة من الخوف و الهلع ، لما أتكلمت مع بعض المتظاهرين كلهم اجمعوا على حاجة واحدة ، عايزين يحسوا بالأمان ، الناس حاسة ان الفترة اللي جاية هيكون فيها تغيرات كثير خصوصا أنه تزامن في نفس الوقت مع حملة شملت تقريبا كل المساجد يوم الجمعة اللي فاتت ، كلها بتتكلم على حاجة واحدة الدولة الدينية ... النهاردة الصبح كان لازم يجي دور السلفيين و الأخوان اللي أتجمعوا عند مكتب رئيس الوزراء و فجروا مرة تانية موضوع كامليا شحاتة ، و لما أتكلمت مع بعض المتظاهرين ، صحيح هما في البداية قعدوا يتكلموا عن موضوع كامليا شحاتة لكن مع مرور الوقت وزيادة عدد المتناقشين معايا تفجر موضوع الدولة الدينية و المادة الثانية من الدستور ، و ان السبب الحقيقي لتظاهرهم هو التظاهرات اللي ع

مش عارف أيه الحكمة لما واحد يكذب و يطلع إشاعة ، النهاردة لقيت رسالة مش عارف من مين أن أم الشهيدة سالي زهران زعلانة من عرض صورتها من غير حجاب ، و يرجو نشر صورة لها بالحجاب و هي تحمل أبنتها ... أولا سالي غير متزوجة فهي كانت طالبة في كلية الأداب قسم اللغة الإنجليزية و لم يتعدى عمرها 22 سنة ثانيا : سالي لم تكن محجبة و عندما صور حوار مع أهلها في منزلها سوهاج لم نرى صورة واحدة لها بالحجاب .. مش عارف ليه موضوع الحجاب و لما تشوف الصور اللي جابوها في البداية تعتقد أنها لسالي لكن الحقيقة أنها لشخصية أخرى لأن الصورة متصورة في ميدان التحرير بالقاهرة و الشهيدة سالي لم تكن ضمن المتظاهرين بميدان التحرير نيجي بقى للأهم هما جابوا ابنها ده منين !! نيجي للأخطــر ، لما تبدأ تعترض مع اي حد بينشر الصورة دي تلاقيه فجأة تحول 180 درجة و بدأ يتكلم معاك أنها مش شهيدة و انها ماتت منتحرة على أساس القصة اللي وردت على لسان امها ، لكن يا صديقي المتحمس أقول له أنت نسيت حاجة مهمة ، أنها كانت مصممة على النزول مرة أخرى للشارع لمشاركة الثائرين و حاولت بكل طاقتها لدرجة التهديد بالانتحار ، و على حسب رواية أم