Free Mass - آراء على هامش الحياة

أخدني الحماس و نزلت امبارح مع الورد اللي فتح في جناينك يا مصر و هتفت لغاية لما صوتي راح القصاص ... القصاص ، لكن لما رجعت البيت و لقيت في ناس على التويتر عايزة تدق طبول الحرب ، اقول ليهم مش وقته الطريق قدامنا طويل و الظروف مختلفة عن الماضي ، الموضوع مش حماسة و بس لكن لازم نفكر الأول هنحارب إزاي و مين معانا و مين ضدنا ، خصوصا أن ما فيش حليف قوي سياسيا و عسكريا ممكن يقف معاك في الخطوة دي يعني هتبقى داخل الحرب عريان المهم دلوقتي أحنا قولنا رأينا و بينا موقفنا من اللي حصل لكن أننا ندق طبول الحرب في وقت أحنا مش جاهزين ليه مش منطقي بالمرة ، الأول لازم نبني بلدنا من الداخل ، الهزيمة الحقيقية للصهاينة و الأمريكان أن يكون عندنا أكتفاء ذاتي و استقلال اقتصادي ، علشان يحصل ده محتاجين شغل كثير ، محتاجين إعادة تخطيط أقتصادي و أجتماعي و سياسي ، لازم نحدد الخطوة القادمة تكون أيه و نتفق على دستور متوافق مع كل التيارات السياسية و الفكرية ، لان دولة بلا توافق هتكون عاملة زي جارتنا اللي بتتقسم دلوقتي مليون حتة ، يا ريت نفكر بعقولنا شوية و نبطل ناخد مواقف على اساس عاطفي مالوش علاقة بالواقع ، للأسف أحنا

  لما قريت موضوع قضية اسماء محفوظ و تحويلها للتحقيق لأنها تعدت على المجلس العسكري لأنها قالت رأيها بصراحة ، في الأول قلت أزمة و هتعدي و تحقيق روتيني و تخرج ، لكن لما عرفت ان النيابة العسكرية قررت الإفراج عنها بكفالة 20,000 جنيه ، افتكرت على طول قانون قديم كان موجود ايام الملكية أسمه التعدي على الذات الملكية بيعاقب كل من ينتقد الملك بالحبس أو الغرامة أو ليهما و أعتقد ان القانون ده أتلغي في 2/8/1952 و تم العفـو عن كل المحكوم عليهم في تلك الجريمة الشنعاء ، بس الظاهر أن القانون ده بعث مرة أخرى من غياهب صفحات التاريخ لكن باسم جديد ... اسمه العيب في ذات المجلس العسكري ، كل ده بسبب تويتايه غاضبة من أسماء بسبب حالة التيه اللي احنا عايشين فيها و بقينا مش عارفين هي كانت ثورة و الا انقلاب عسكري ، و ان اللي بيحصل كله مش أكثر من تمثيلية غبية وقعنا فيها بطهرنا و مثليتنا وسط قذارة السياسيين و العسكريين اللي واضح انهم مش بس بيسرقوا الثورة لكن بيشوهوها مرة باسم المعونات و مرة يقولوا لواحد من المشايخ بسك عليه فيهوهو بالتكفير مرة و بالإلحاد مرة تانية. آه صحيح الجملة اللي غرمت اسماء 20,000 جنيه بتق

اللي تابع أحداث لندن على شاشات البي بي سي سواء العربية أو العالمية ، هيلاقي وجه سبه كبير قوي بين ماسبيرو و البي بي سي ، الاثنين وصفوا المحتجين بالبلطجية و المشاغبين ، واحد كل همه أنه يصور النيل ، و الثاني بيصور حاجات تانية غير اللي بتحصل ، أيام المخلوع حسني ، كان عامل لجان اليكترونية بتتابع مواقع التواصل الاجتماعي و المدونات و لما زهق قطع النت و اتصالات المحمول ، أما ديفيد كاميرون فيدرس دلوقتي امكانية غلق شبكات التواصل الاجتماعي على الانترنت و وقف الرسائل النصية عبر الهواتف اثناء و صرح ان اجهزة المخابرات والشرطة تدرس اذا كان "صحيحا وممكنا" قطع الاتصال. الموضوع ده خلى الواحد يبص للدول الأوروبية المتقدمة بنظرة مختلفة شوية ، معلش هتكلم عن نفسي ، كنت دايما ببص لأنجلترا أنها أم الديمقراطية في العالم ، و أنهم بيعالجوا المشاكل من خلال دراسة علمية و سياسية و أجتماعية يقدروا من خلالها أنهم يوصلوا لأقرب الحلول الصحيحة ، على فكرة لانه مافيش حاجة أسمها صح مطلق ده وهم ساعات بنقع فيه ... ديفيد كاميرون وعد مجلس العموم البريطاني أنه هيستعيد السيطرة على الأمور مرة ثانية و أنه هيستخدم ا

منذ ثلاث سنوات و السقطات الأقتصادية التي يعاني منها العالم ينبىء إلى حالة انهيار عالمي ، فبعد الأزمة الاقتصادية في العشرينات و التي أستمرت إلى أواخر الثلاثينات أوصلت العالم إلى حرب عالمية حصدت ملايين البشر ، و اليوم ها هي الرأسمالية اليوم تحاول إعادة التاريخ مرة أخرى ربما لن تصل إلى الحرب العالمية لعدم تطابق المقومات إلا أن الدعوات بدأت تنتشر على صفحات الفيس بوك و اليوتيوب للثورة على الراسمالية حتى في أمريكا نفسها. فالراسمالية بالرغم من أنتصارها المزعوم على الاشتراكية بعد أنهيار الاتحاد السوفيتي و تفكك حلف وارسو ، أزدادها جموحا و أندفاع للسيطرة على العالم ، و وقعت في الكثير من الأخطاء ، و قد أعلن الداعين للحراك الأمريكي عن شعارهم وهو "أحتياجات الأنسان و ليس جشع الشركات" ، كما كتبوا على موقعهم على الشبكة مطالبهم و هي جاءت كالتالي : - الحكومة التي يهيمن عليها المصالح الاقتصادية للنخبة ، تسير في الاتجاه المعاكس مما يريده الشعب ، جدول أعمال الشعب الاميركي هو جدول أعمالنا · الغاء دعم الاغنياء والشركات من الضرائب · انهاء الحروب و اعادة القوات الى الوطن ، و خفض الإنفاق العسك

  أول ما خرجت الناس يوم 25 كانت أول حاجة بتهتف بيها عدالة اجتماعية ، و النهاردة الأحزاب و القوي السياسية بتتخانق و سايبة الناس بتاكل في نفسها ، ووسط كل ده يخرج علينا الدكتور حازم الببلاوي وزير المالية ، وهو بيهتف بعلوا الصوت الدولة تتبنى آليات اقتصاد السوق ، بس على فكرة هنعمل حسابكم برده و هنراعي الأبعاد الاجتماعية .... طب أزاي ، على اي أساس ، آليات السوق مافيش حاجة بتحكمها غير قواعد المكسب و الخسارة ، و طبعا الخسران الوحيد هو المواطن الغلبان اللي طلع يوم 25 و حاطط كفنه على أيده و حلف ما يرجع بيته إلا لما يهد النظام ... و يا ألف خسارة أنضحك عليه ، و شالوا العبيط اللي كان قاعد على الكرسي لكن اللي بيحكموا من ورا الكرسي لسه موجودين و بيحكموا و بيقرروا نيابة عن اللي مات و ضحي بعمره علشان يقدر يلاقي لقمة العيش ... الأسبوع ده حصلت فيه حاجات كثير قوي للي متابع ، أمريكا تقريبا على شفا الانهيار الاقتصادي مرة تانية ، البورصة شبه منهارة ، أوروبا بتعاني بشدة من حالة عدم استقرار اقتصادي ، حتى اسرائيل الناس هناك هاجت و عاملة أحتجاجات ، و السادة الرأسماليين الكبار و معاهم المجلس العسكري و شوية

المجلس العسكري بعت تحياته لكل الثوار و أهالي الشهداء في ميدان التحرير أمبارح ، و بصراحة تحيته كانت فوق الوصف ، و عن نفسي بشكره شكر برده مايتوصفش ، على العموم الفنان البرازيل الجميل اللي  كارلوس لاطوف عمل كاريكاتير بيعبر عن تحيات المجلس العسكري بمناسبة رمضان … و كل سنة , انتم طيبين