Free Mass - آراء على هامش الحياة

في مسرحية للرائع يوسف إدريس بعنوان "المهزلة الأرضية" تذكرت حوار بين شخصيتين من شخصيات المسرحية هما صفر ، و محمد الثالث صفر :طب و تعمل كدة ليه؟ حد يعمل كده ؟ حد يحب يخش مستشفي المجانين برجليه ؟ محمد الثالث: ... أنا ! الأخوان خسروا كل مرشحيهم في المرحلة الأولى و باقي ليهم 15 تقريبا في الإعادة ... ما أحنا قلنا بلاها انتخابات و نقاطعها ، قالوا أحنا نحب ندخل مستشفى المجانين برجلينا ، أعتقد أن مافيش فرق بين محمد الثالث و الاخوانجية الاثنين دخلوا المستشفى برجليهم ، الكل عارف من البداية أن الانتخابات هتتزور ، و اللي حصل المرة اللي فاتت مش هيتكرر ، مش علشان كان ليهم نشاط في المجلس السابق ، لا ... لأن الأوضاع أتغيرت و الضغوط الأوروبية و الأمريكية على النظام انتهت ، امريكا مشغولة بالأزمة الاقتصادية و فضايح الويكي ليكس ، أوروبا حالها من حال أمريكا مش فاضيه للديمقراطية في مصر أو غيرها عندها هم ما يتشال ... ما أحنا قلنا بلاها السراية الصفرا ... لكن في ناس بتموت في شغل المجانين !

متابعة للعملية الانتخابية من خلال المنظمة المصرية لحقوق الإنسان ، بعد أن عانى البعض من صعوبة الدخول على موقعهم ، هذه المرة سوف أنشر البيان الأول و الثاني الذي صدروا اليوم و سوف أنشر باقي البيانات تباعا بيان رقم (1) نتائج أعمال مراقبة التحالف المصري لمراقبة العملية الانتخابية "بروز ظاهرة العنف منذ اللحظات الأولي للعملية الانتخابية" تجري اليوم الأحد الموافق 28/11/2010 انتخابات مجلس الشعب لاختيار 508 مرشحاً من بينهم 64‏ مرشحة على مقاعد الكوتة . وذلك من أصل ‏5181‏ مرشحا ومرشحة بينهم‏4801‏ مرشح ومرشحة على المقاعد العادية، ‏ و‏380‏ مرشحة على المقاعد المخصصة المرأة وذلك وفقا للإحصائيات الصادرة عن اللجنة العليا للانتخابات. و تجري الانتخابات في 222 لجنة انتخابية تتبعها 44 ألفا و500 لجنة فرعية على مستوي الجمهورية تحت إشراف قضائي على اللجان العامة من خلال 2286 قاضيا، علاوة على 267 ألف موظف من العاملين بالحكومة والهيئات والمؤسسات العامة لتولي مهام رئاسة وعضوية اللجان الفرعية. و قد شهدت الانتخابات جملة من الانتهاكات والتجاوزات تمثلت في المبادرة باستخدام العنف والقوة منذ الساعا

مش هتكلم … الصور بس هي اللي هتتكلم

النهاردة عايز أتكلم على مسلسل the office ، رغم اني مش من هواة المسلسلات و ما عنديش صبر أني أتابعها لكن بترشيح من صديق قالي أتفرج على المسلسل ده و أداني أسطوانة عليها الموسم الأول بالكامل هو عبارة عن 6 حلقات ، المهم فضلت عندي الأسطوانة حوالي شهر و انا مش مهتم أني أتفرج عليها ، لغاية لما أتصل بيا علشان شغل بنحضره مع بعض و خدنا الحديث للمسلسل بصراحة اتكسفت منه جدا و أنا بكلمه و اعتذرت ليه أني كنت مشغول و ماجتش فرصة أني أتفرج عليه ، المهم ألح أني أتفرج و أقوله رأي ... و فعلا بسبب البرد الواحد بقى يكن شوية في البيت و قلت فرصة أتفرج على المسلسل و أشوف حكايته أيه ... في البداية استغربت من طريقة الإخراج و التناول و تركيبة الشخصيات اللي مش ممكن تتجمع في مكان واحد ، ، ممكن نقول أن المسلسل تركيبة ما بين الأفلام التسجيلية و برامج تلفزيون الواقع و الست كوم ، خليط غريب بس عبقري ... بعد ما أتفرجت دخلت على النت أقرى المكتوب عن المسلسل و اشوف تقيم الناس عليه ايه ، كعادتي دايما اول حاجة بمر عليها كان موقع IMDB فوجئت بالتقييم العالي اللي واخده المسلسل 9.3/10 ، و عدد المصوتين عليه تعدي الـ 53 ألف شخ

آخر يوم في العيـد كان لازم يقفل بابتسامة ، أتلمت شلة الفقر لأول مرة مجتمعة من سنين ، اللي كان مسافر رجع في أجازة العيد و اللي موجود في مصر أنتهز الفرصة بعد ما خلص كل واجبات العيد من زيارات عائلية و خلافه لنجتمع على القهوة اللي شافت أحلى سنين عمرنا من ايام ثانوي ... الظاهر أن لمتنا دي قلبت على كوميديا لمت علينا القهوة كلها بدأت من صديق الدراسة القديم "اشرف" ، بالرغم أنه يعمل في مجال الإليكترونيات و بقى في منصب كبير لكن زي ما هو من أيام الصعلكة هوايته السخرية و النكتة و بيحول أي قعدة أو مناقشة لحالة من هستريا الضحك ... البداية كانت نقاش عن الانتخابات و قعدنا نتناقش على فرص المرشحين عندنا في الدايرة اللي بقينا مش عارفين أولها من آخرها بعد ما بقى حي المعادي ضمن محافظة حلوان يعني بقينا من الأقاليم مش من العاصمة ... المهم النقاش فجأة قلب بتهريج على الموضوع ده و صديقنا العزيز "أشرف " أنتهز الفرصة و هاتك يا نكت كلها نكت تودي في داهية هحاول أفتكر شوية منها ... اوباما اتصل بمبارك قاله ابعتلي ناس من عندك عشان الانتخابات عندي صعبة السنة دي ، مبارك قاله من عينيه و بعتلة

في البداية كل عيد و الجميــع بخير ! الفيلم ده هدية العيد بدعوكم لمشاهدته " القـتل الرحيـــم " تلك الكلمة رنت في أذني منذ المشهد الأول في الفيـلم ، كيف تقتل غيرك ولكن برحمـة ، ستعرف ماذا أعني خلال السطور القادمة ... نتعرف على بطل القصة "ريان" ، و هو يعمل في إحدى شركات الموارد البشرية و التي من المفترض أنها تؤهل و تختار الموظفين للشركات ، إلا أننا نرى العكس من ذلك طوال الفيلم فعمله الوحيد هو إقصاء الموظفين من وظائفهم و طردهم في الشارع ، فمع الأزمة المالية التي عصفت بالعالم خلال الثلاث سنوات الأخيرة شاهدنا كيف استغنت الشركات عن آلاف العاملين حتى يحافظ أصحاب الأسهم الكبيرة على مكاسبهم ، فلا مانع من طرد عدد من الموظفين ليستمر العمل في تلك الشركات و لا يهم ماذا سيحدث لهؤلاء ! -  هذا ما سأحصل عليه بعد 30 سنة خدمة في الشركة ، يرسلون شخص تافه مثلك ... ليقول لي أنت بلا عمل ... Fuck You -  "ستيف" هذا المسكين لم يجتمع معي من قبل أو قابلني في إحدى ممرات الشركة ... هذا لأني لا أعمـل هنا ، أعمل لصالح شركة اخرى ترسلني لتافهين مثل مدير "ستيف" اللذين لا

  منذ فترة , بتابع مدونة "أفكار حرة" ، تعجبني جراءة تلك الفتاة و إصرارها على أفكارها ، لكن فجأة توقفت عن الكتابة و لم تظهر أمامي اية موضوعات جديدة لها منذ أسبوعين , و اليوم قررت زيارة المدونة لتظهر لي رسالة أعتبرها رسالة عزاء و هي " لم يتم العثور على المدونة التي كنت تبحث عنها " ، فجأة اختفت من على الفضاء السيبراني مدونة كنت أحترمها و أتابعها. منذ شهور قامت "مباحث أمن الدولة" بزيارة سريعة لصاحبة المدونة و اتذكر أنها كتبت عن تلك الزيارة بمدونتها قائلة " بدل ما اجيب لماما هديه عيد الام جبتلها امن الدوله فى البيت " ، لكنها استمرت في الكتابة و لم تتوقف ، و منذ أسبوعين كتبت تدوينه عن حملة مدوني مصر ضـد الحرس الجامعي ، و فجأة توقفت عن الكتابة ، ثم اختفت المدونة ... فلم تعد الأفكار ... حرة الشيء الثاني اللي خلى الأفكار الحرة مابقتش حرة ، برنامج "العاشرة مساء" في الفترة الأخيرة بصراحة بقى عامل زي مسلسلات الست كوم ... من غير طعم و لا ريحه فين "منى الشاذلي" اللي ولعت الدنيا ايام قضية "خالد سعيد" ، فين منى الشاذلي لما

مش عارف أقول أيه لكن رسالة وصلت ليا النهاردة من صديق افزعتني بصراحة ، و هي عن الحالة اللي وصل ليها الفنان عبد العزيز ميكوي ، هذا الفنان المحترم الذي رفض أن يتاجر بفنه ملتزما بأن يقدم فن محترم وصل به الحال إلى هذه الدرجة أن يصبح شبه مشرد مين فينا ممكن ينسى "علي طه" في فيلم القاهرة 30 ، الشاب الثوري الاشتراكي المؤمن بقضية العدالة ، و دوره في فيلم "لا وقت للحب" ، و فيلم "لا تطفئ الشمس" ... آخر عمل ليه كان ظهوره عام 2003 في دور صغير بمسلسل "أوراق مصرية" ، للأسف الشديد هذا هو الحال الذي وصل ليه ... العدالة اللي كان بيدور عليها علي طه في فيلم القاهرة 30 بقت قمة الظلم في 2010 ، العدالة اللي بنحلم بيها كلنا بقت وهــم كبير عمالين نكتب و نهتف ، لكن في النهاية وهــم كبير العدالة بقت بس للي عنده سلطة و مال وجاه مش لأي بني آدم … لا التانين مش بني أدمين دول كلاب وسخة لازم نتخلص منهم جوايا غضب غير عادي ، أنا مش بكتب علشان الناس تشوفه و تقول لا حول الله ... أنا بكتب من الغضب اللي جوايا .... غاضب حاسس إني عايز أكسر أي حاجة قدامي … يا نقابة أنتي فين

أغنية حلوة مش عارف عمالة تلعب في ودني من الصبح .. الظاهر هعملها ... ، المهم رجعنا للحر تاني و الظاهر أن الصيف بيحبنا قوي لدرجة انه مش عايز يسيبنا شوية و لازق لزقة أمريكاني غلسة. روحت و أكلت و ريحت و شربت الشاي التمام و اتفرجت على ماتش الزمالك و أتنكدت و اتفرجت على ماتش الأهلي و أتنكدت ... النهاردة كان المفروض اقابل واحد علشان شوية شغل بس الظاهر أنه مش بتاع شغل و مش مهتم و لا حتى أتصل يعتذر أو يأجل لكن ياله دي عادة المصريين الإلتزام و الوقت مالهمش ثمن ، و انا بلف في النت من عادتي كل فترة أعدي على شوية جرايد أجنبية منهم جريدة الـ telegraph بحس أنها جريدة محترمة و متزنة أكثر من جرايد تانية فوجئت بخبر بيتصدر الجريدة أن شركة مترو جولدن ماير بتتعرض للإفلاس ... ياه واحدة من أهم شركات الإنتاج السينمائي في العالم بتتعرض للإفلاس رغم كل الإيرادات اللي بتحققها الأفلام اليومين دول يبقى في حاجة غلط ، ده فيلم زي Avatar مثلا التكلفة الإنتاجية وصلت لـ 460 مليون دولار متقسمة 310 مليون دولار كتكلفة إنتاجية ، و 150 مليون دولار كتكلفة إضافية علشان الخدع و الحبشتكات دي لكن الإيرادات على مستوى العالم

  اليومين دول مولد سيدك الانتخابي ... انتخابات في أمريكا بتدور التصويت بدأ فيها قبل ما ابدء أكتب في التدوينة دي بساعات قليلة ، و انتخابات في مصر كلها كام يوم و هنبدأ نسمع صويت و صريخ و ردح و طبعا ما فيش مانع من شوية ملح و فلفل يعني شوية بلطجة و فيها أكيد خمسة ستة هيموتوا ، و يطلع علينا اسم النبي حارسه و صاينه يقول انتخابات نزيهة ، و يجي الثاني أبن الخدامة يقول سرقوني يا بيه زوروا الانتخابات ... يعني مسلسل بيتعاد في مصر كل 6 سنين و اتعودنا عليه .. لكن خلينا في اللي بيحصل النهاردة لأنه برده ممكن يؤثر علينا بشكل كبير الحزب الجمهوري ، بالإضافة لحزب آخر أكثر تطرف من الحزب الجمهوري وهو حزب الشاي و ده بعيد عن السامعين بيمثل أكثر التيارات فاشية و كرها للعرب ، و من الواضح انه في تحالف بين الحزب الجمهوري مع حزب الشاي ضد الحزب الديمقراطي بدعوى إن أوباما فشل في إخراج أمريكا من الأزمة المالية الحادة اللي بيعاني منها الاقتصاد الأمريكي ، فالبطالة و صلت لـ 9.6% لأول مرة في تاريخ أمريكا ، و بيهاجموا أوباما لأنه حث الحكومة الأمريكية على شراء أصول الرهونات الخاصة بالفقراء اللي وقعوا في فخ القروض ال

  الظاهر أن مقولة أن "الغباء موهبة نادرة" بقت مقولة خاطئة الغباء النهاردة بقى ظاهرة كاسحة ناطحة مسطحة زى عقول أصحابها لدرجة أنهم يقتلوا الناس في العراق علشان موضوع تاني في مصر ... عجبت لك يا زمن ! قعدت ساعة و نص على النت أجري ما بين المنتديات السلفية و مواقعهم اشوف ردود الفعل على الخبر ده ... لقيت شيء غريب في كل المنتديات و المواقع ...لا يوجد أي تعليق عليه كأنه غير موجود و المرة الوحيدة اللي لقيت الخبر موجود في أحد المنتديات مشرفين المنتدى أغلقوا الموضوع و بعد شوية لقيته أتحذف ... تجاهل غريب !! طبعا معروف أن تنظيم القاعدة و تنظيم دولة العراق الإسلامية بانتمائهم للفكر الوهابي السلفي ، و طبعا الحادث كان من القذارة أنهم يقدروا يردوا عليه فواضح ان التعليمات وصلت ليهم تجاهلوا الحادث مش عايزين مشاكل اليومين دول كفاية اللي حصل للقنوات بتاعتنا اللي كانت راس حربة موجه لعقول الشباب ... مش ناقصة حرب جديدة. نيجي للحادث الثاني اللي انا شايفه على قد تفكيري المتواضع انه ما يقلش أهمية عن موضوع الكنيسة العراقية ، و هو زيادة الحد الأدنى من المرتبات ... الموضوع ده هيعمل أزمة جديدة