تنظيم القاعدة بيقتل 37 مسيحي عراقي علشان كامليا المصرية !!
الظاهر أن مقولة أن "الغباء موهبة نادرة" بقت مقولة خاطئة الغباء النهاردة بقى ظاهرة كاسحة ناطحة مسطحة زى عقول أصحابها لدرجة أنهم يقتلوا الناس في العراق علشان موضوع تاني في مصر ... عجبت لك يا زمن !
قعدت ساعة و نص على النت أجري ما بين المنتديات السلفية و مواقعهم اشوف ردود الفعل على الخبر ده ... لقيت شيء غريب في كل المنتديات و المواقع ...لا يوجد أي تعليق عليه كأنه غير موجود و المرة الوحيدة اللي لقيت الخبر موجود في أحد المنتديات مشرفين المنتدى أغلقوا الموضوع و بعد شوية لقيته أتحذف ... تجاهل غريب !!
طبعا معروف أن تنظيم القاعدة و تنظيم دولة العراق الإسلامية بانتمائهم للفكر الوهابي السلفي ، و طبعا الحادث كان من القذارة أنهم يقدروا يردوا عليه فواضح ان التعليمات وصلت ليهم تجاهلوا الحادث مش عايزين مشاكل اليومين دول كفاية اللي حصل للقنوات بتاعتنا اللي كانت راس حربة موجه لعقول الشباب ... مش ناقصة حرب جديدة.
نيجي للحادث الثاني اللي انا شايفه على قد تفكيري المتواضع انه ما يقلش أهمية عن موضوع الكنيسة العراقية ، و هو زيادة الحد الأدنى من المرتبات ... الموضوع ده هيعمل أزمة جديدة يا جدعان .. زيادة المرتبات أو زيادة الحد الأدنى ده معناها اقتصاديا زيادة حجم التضخم مع زيادة المعروض من النقد في السوق و بالتالي هتقل القيمة الشرائية للعملة و بالتالي هتزيد الأسعار دي نظرية أقتصادية معروفة و مثبتة ... يا جماعة قبل ما طالبوا بحاجة أدرسوها الله يخليكم هتودونا في داهية إذا كنتم النهاردة زعلانين أن كيلو الطماطم بقى 6 جنيه بكرة هيبقى 50 علشان الناس اللي بتطالب زيادة المرتبات ... المفروض ترجع الدولة تمسك بأيد من حديد تاني الأسواق و تحدد نسب الربح علشان تظبط الأسعار لكن السبهللة اللي أحنا عايشين فيها دي هتودينا في داهية ... الظاهر أن الغباء بقى معدي من العراق لمصر يا قلب لا تحزن !!!
اللي جاي بقى عمر أفندي هيتباع تاني و المرة دي اللي هيشتريه أخواني أبن أخواني يعني بكرة هيتغير من محلات "عمر أفندي" لمحلات "البنا أفندي" و سلملي على الخصخصة !
لاحول الله يارب الثلاثه اخبار اكرث من بعض
ردحذفالبهايم اللى فى العراق واللى عملو ناس مالهاش زنب بتدبح علشان حاجه ربنا خالقها ومحللها ماهو اللى خلق الاديان وكان قادر يقضى على كل دين قبل ما التانى ينزل وهو عز وجل اللى قال فلا اكره فى الدين لالالا والاكاده
انهم مالهمش فى كامليات دى ولا ليهم فينا
وهنا فى المقابل تعتيم اعلامى مع سبق الاصرار والترصد بهايم قصدهم بهايم
والخبر التانى بردو بهايم حكومه بهايم وشعب لامؤخزه ههههههههههه بردو
ولا حاكم ولا رابط
الخبر التالت اللى قهرنى انا لو اعرف كنت روحت اشتريته دانا لسه قبضه جمعيه
واسميه مارو افندى ههههههههههه
ياعنى جت عليا
انا قولت هى حلها ازازه ميه نار كبيييييييييييييييييره تتكب بالطياره تزيح الهم احسن الريحه عمى
والله كتر خيرك على الاخبار من ساعه عمرو ماخلع والواحد جله احباط وبطلت اعرف الاخبار
تحياتى
الجزء الاول لاتعليق عليه
ردحذفاما عن رفع الحد الادني للاجور ففعلادا غباء مستفحل الحد اللي هيبقي اخره
جنيه هيودي الناس في داهية وشوف بقي الاسعار هتجنن ومششششششششش هتعقل تاني خالص
امابشأن " أخوان أفندي" فأنا لايهمني من يشتري ومن يبيع لأن المزاد بقي علني واللي قص الشريط بتاعه الحكومة
ملحوظة/ أحب "حسن البنا" واحترامه ولا أحب الأخوان ولاغيرهم كلها مصالح
مفيش افضل من الاستقلال بس اللي مش يكونوا لابسين أثواب أخري أسفلها
السؤال اللي مجنني بجد هو القاعدة ديمقراطي ولا جمهوري ؟ وليه مش بينشط الا لما الانتخابات في امريكا بتيجي ؟حاجة بجد عليها علامة استفهام؟ هو مين اللي موت الناس في الكنيسة؟ الجيش اللي راح يحررهم قتلهم ولا القاعدة؟ هو عمر افندي بس اللي بقى اخواني ما الامريكين اللي بقى زي المزبلة تبعهم تحس انك داخل بوفية محطة مصر
ردحذفهاي richardCatheart
ردحذفعندك حق من يوم ما عمرو أديب كان البرنامج بتاعه من افضل برامج التوك شو خصوصا أن اليومين دول البرامج التانية زي العاشرة مساء و بالمصري بقوا مالهمش طعم الكل خايف ليروح زي ما راح عمرو أديب
أفرو حاجتين ما لهمش دين .... المال و السياسة لكن بتحكمهم المصلحة و المكاسب
ردحذفاعتقد أنهم ماتوا أثناء محاولة أقتحام الكنيسة من قبل قوات الأمن لكن المبدأ نفسه استخدام العنف و الأرهاب لفرض الفكر ... شىء تاني تروح تقتحم كنيسة و تهدد الناس بالموت علشان موضوع واحدة اسملت أو لأ يعني خلاص هو ده اللي هيرجع للأمة الأسلامية كرامتها ... يا عم روح شوف البركان اللي في أندونيسيا و كام مسلم مات أو اتشرد هناك و حاول تساعد ، من أسبوع وصلت ليا دعوة للمساهمة لإنقاذ المنكوبين بما أني عضو في أحد منظمات الأغاثة و أخدت دورة كاملة في الأنقاذ .. و لولا العمل و معنديش فرصة آخد أجازة كنت سافرت و محطتش في دماغي اللي هناك دول مسلمين أو حتى بوذيين لكن بس أنهم بني أدمين محتاجين مساعدة
ردحذفالسلام عليكم ورحمة الله وبركاته
ردحذفكم هى رخيصة دماء وأعراض المسلمين حتى على المسلمين أنفسهم.. مئات المسلمين قتلوا بحسب فضيحة ويكيليكس ومع ذلك استقبلها المسلمون بمنتهى الهدوء والروقان .. مش مشكله دول مسلمين .. أما اذا قتل مسيحيون على يد القوات العراقية أثناء عملية إقتحام فاشلة .. الكل ينبرى بشجاعة للشجب والإدانة عشان نبين للناس التانية إننا متحضرين ونرفض الإرهاب .. لكن عندما يمارس هذا الإرهاب ضدنا وضد أهلنا فى أى بلد مسلم
هشششششششششششششش لا حس ولاخبر
أنا حرة أهلا بيكي دايما و بآرائك
ردحذفموضوع الويكيليكس مش مقصود بيه ارواح المسلمين بعينهم لكن روح اي بني آدم ممكن يموت في حرب ليها مصالح خاصة الشعوب العادية مالهاش دعوة بيها ، لكن هنا أنك تقتحم مكان للعبادة علشان تفرض رأيك بالقوة و تهدد ارواح الناس و تتسبب في موتهم بسبب قضية هما مالهمش دعوة بيها أعتقد انه عمل غير إنساني يستوي مع اللي فضحهم الويكيليكس ..ز حاجة تانية راجعي المنشور على موقع الويكيليكس لا يحدد ديانة المقتول و لكن جنسيته فقط فالموضوع ليس أديان ولكن الإنسان سواء كان مسلم أو اي ديانةأخرى
على فكرة لو قريت المعلومات الواردة فى الوثائق سوف تجد فيها:
ردحذففرق الأعتقال و الرعب التى يديرها نورى المالكى الشيعى المعروف بطائفيته الشديدة
وسوف تجد أيضا
تنسيق إيرانى -مالكى على تصفية السنة
دور إيراتى سرى فى تمويل وتسليح الميليشيات الشيعية
مثلث الشر فيه المالكى وإيران الشيعيان وأمريكاالصهيونية التى لا ملة لها تفتكر من هم الضحايا فى وسط مثلث الشر؟؟؟؟؟