Free Mass - آراء على هامش الحياة

واضح أن ويكليكس هتفضح الناس كلها ، اكتشفت جريدة جارديان البريطانية أن من ضمن الوثائق المنشورة على موقع ويكليكس ، واحدة تخص المخرج الأمريكي ستيفان سبليبرج ، و ذكر في الوثيقة أن السيد سبيلبيرج تبرع بمبلغ مليون دولار لصالح الجيش الإسرائيلي أثناء النزاع في جنوب لبنان عام 2006 ، و أن جامعة الدول العربية قررت وقتها منع افلامه من التداول في جميع الدول العربية خلال اجتماع عقد في إبريل 2007 حضره مندوبي 14 دولة عربية و كلها صوتت لصالح حظر أفلام المخرج الأمريكي ، و حضر كذلك في الاجتماع مندوبين من ماليزيا ، إيران ، اندونيسيا ، و باكستان ، و أن الدول العربية التي لم تحضر هذا الاجتماع هي الدول الموقعة اتفاقات سلام أو اتفاقات تجارية و هي : مصر ، قطـر ، فسلطين ، الأردن ، موريتانيا ، جيبوتي ، و الصومال ، و اشارت الوثيقة أن سبيلبيرج استخدم ارباحه الشخصية في افلام قائمة شانديلر ، و ميونيخ لدعم مؤسسات صهيونية لبناء مستوطنات.

مش ممكن ..الكلام مش عايز يطلع من كثر الضحك ، افتت جمعية اصار السنة المحمدية في البحيرة بإهدار دم دكتور البرادعي الخبر منشور على مصراوي ، على فكرة الجمعية دي من فترة كانت فعلا عاملة يافطة كبيرة كتبوا عليها أن الجمعية بتبايع الرئيس محمد حسني مبارك أميرا للمؤمنين ... و طبعا ده جزء من الفكر السلفي و هو عدم الخروج على الحاكم ، لكن اللي بيتابع كويس ياخد باله أنه من حوالي سنة بقى في نشاط غير عادي للسلفيين على الإنترنيت على المنتديات و المدونات بصراحة كنت مستغرب ليه لكن حاليا أعتقد اني بدأت أفهم اللعبة ماشية أزاي ... حاسس أن كان فيه صفقة كده ملعوبة تحت الترابيزة لضرب الإخوان ، المعروف أن العلاقة بين الإخوان و السلفيين مش ماشية قوي في غيرة من ناحية المشايخ الكبار السلفيين للشهرة اللي واخدها الإخوان و دي ملحوظة قوي في كلامهم و ردود أفعالهم ناحيتهم ، لكن الموضوع دلوقتي كبر قوي ، الإخوان خلاص قوتهم ضعفت مابقوش الفزاعة اللي تخوف السلطة ، فبدأت الحرب على البرادعي و الحركات الوطنية المشابهة خصوصا أن اليومين جماعة 6 إبريل عاملة استبيان لأكثر الشخصيات فساد في مصر و معروف طبعا مين الشخصية دي من

  نشر موقع ويكليكس وثيقة هي عبارة عن رسالة من السفارة الأمريكية بالقاهرة لوزارة الخارجية الأمريكية بتؤكد أن حسني مبارك مش قادر يقنع الجيش ان ابنه يكون يورث الرئاسة و القادة الكبار في الجيش أعلنوا أنهم مش مقتنعين بيه ، و أن من متابعة السفارة الأمريكية للشارع السياسي المصري و ردود الأفعال ، أن التوريث هيكون مشكلة و هتحصل اضطرابات كبيرة خصوصا و أن الإصلاحات الاقتصادية اللي بيقودها جمال و المجموعة الملتفة حواليه فشلت في كل خططها و بسبب الحرب اللي بتشنها الحكومة الأمريكية و حلفائها في أوروبا بدأ العديد من المتطوعين في عمل حاجة اسمها Web Site Mirror بيتم نشرها على ويكبيديا كاملة و بيتم تحديثها يوميا يمكن زيارة الصفحة و معرفة العناوين المختلفة للموقع من هنا من الحاجات اللي كانت جديدة من امبارح أن المحكمة اللي كانت بتنظر قضية Julian Assange قررت نشر تحديثات لحظية لأحداث المحكمة على التويتر ، و علقت على الموضوع ده جريدة الجارديان البريطانية أن قاضي المحكمة اقرت مبدأ جديد لأول مرة في تاريخ القضاء البريطاني المعروف عنه التقليدية و الصرامة في تعاملاته و هو "العدالة المفتوحة"

النهاردة على الصبح كده خبر أذيع على قناة العربية مصحوب بشريط فيديو بتظهر فيه فتاة سودانية بيتم جلدها في الشارع بشكل اقل ما يوصف أنه وحشي ، بصراحة المشكلة دي موجودة في السودان من فترة مش قصيرة ، أنا اشتغلت في السودان فترة طويلة ، و شوفت اللي بيعملوه افراد النظام العام .. و هما حاجة كده عاملين زي هيئة الأمر بالمعروف اللي في السعودية مهمتها على الورق حفظ المجتمع و الدين لكن هما في الحقيقة مجموعة من المصابين بكل الأمراض النفسية اللي ممكن تقرا عنها في حياتك مجموعة من قساة القلوب متخلفين عقليا ... المهم البنت اللي بيتم جلدها مش مسلمة ، و سبب جلدها أنها كانت لابسة بنطلون ... نيجي بقى للأهم البنت عندها 16 سنة يعني "طفلة" ، الأغرب أنها كانت لابسة بنطولن تحت العباية "ملحوظة صغيرة الحكومة الفاشية الدينية السلفية السودانية بتجبر المسيحيات على لبس الحجاب" من فترة كانت تعرضت الزميلة الصحفية لبنى حسين لموقف مشابه لما اتهموها أنها بتلبس بنطلون رغم أنها كانت لابسة ثوب فوق البنطلون لكن لما الحكومات الفاشيست اللي بتحكم باسم الدين و خصوصا لما يكون توجهها سلفي من العادي

    خبر بتتنقاله اليومين دول وكالات الأنباء و الجرائد الاوروبية ، ان هناك انشقاق كبير بين المسئولين عن موقع ويكيليكس ، و أن احد الشركاء اسمه "هيربرت سنوراسون" ، صرح لجريدة "تايمز" اللندنية أن أسينج لا يدير الموقع بشكل ديمقراطي و انه ديكتاتور ، كمان لمح أن موضوع اتهامه بالاغتصاب وضع الموقع و العاملين فيه في موقف محرج و أنه و مجموعة من العاملين في الموقع قرروا الاستقالة و افتتاح موقع آخر أطلقوا عليه أسم Openleaks ، و من المقرر افتتاحه الأسبوع القادم .... بصراحة أنا حاسس إن الموضع كبر و طرطش ، و كله عايز ياخد حتة من التورتة ، الشهرة اللي أخدها "أسينج" خلت ناس كثير تغير منه و عايزة حتة منها ، و ده نفس اللي أتقال على التويتر الأخبار بتتقال بين المتابعين لويكليكس ، أما احزاب القراصنة فأعلنت إنها خلف أسينج و لا تعترف بما يدعيه "هيربرت" ، و هناك وقفات احتجاجية بيتم الدعوة ليها حاليا على التويتر خلال الأسبوع القادم في كل من جنيف ، و لندن و أوسلو و احتمال مدن تانية تدخل معاهم ... الحاجة التانية و اضح أن ويكليكس فعلا عمل هزة في العلاقات الدبلوماس

  واضح إن السيد جوليان أسينج مؤسس موقع ويكيليكس ، صداع مزمن في راس العم سام و حلفائه ، و بما أنه واضح أنه مش هيجبها لبر ... قرروا التخلص منه بأي شكل و اتهموه بأنه تحرش بأحد الفتيات بين قوسين كده ... محدش يعرف هي مين ! ، لدرجة أن المحامي بتاعه سأل النهاردة القاضي الانجليزي بعد ما قبضوا عليه عن اسمها القاضي رفض ، حتى وثيقة توقيفه اللي أتضح أنها مش مذكرة توقيف و طلعت مذكرة استجواب مش مكتوب فيها أسم البنية الغلبانة دي اللي الأخ جوليان هتك عرضها ... المهم هرجع لموضوع أحزاب القراصنة اللي أتكلمت عنه من يومين ... ناس كثير ممكن تنخدع في أسم القراصنة ، لكن الناس دي ليها أهدافهم اللي وضحوها في الوثيقة الخاصة بالحركة فبيقولوا : " أن تكون شبكة الإنترنيت شبكة مفتوحة ، و ألا تكون هناك قيود على حرية تبادل المعلومات و الثقافات" كمان أتكلمت الوثيقة عن قوانين حق المؤلف و براءات الاختراع و أكدوا أنهم بيحترموا قوانين حق المؤلف ، لكن هما بينادوا بإصلاحات لإيجاد توازن من أجل تعزيز الحركة الثقافية في العالم لكن قوانين حقوق الطبع و النشر تقيد تلك الفكرة ، فنشر الثقافة و المعرفة لا يجب أن ي

بعد الهجمة الشرسة اللي بيتعرض ليها موقع wikileaks ، بدأ العديد من المنظمات الحرة و النشطين لحقوق حرية الرأي في تنظيم حملة قوية ، و بالفعل أقدم حزب القراصنة السويدي على تقديم الدعم اللوجيستي للموقع من خلال توفير خوادم الإستضافة و الحماية الإليكترونية ، كذلك موقع قراصنة الخليج التابع لمجموعة لحركة القراصنة العالمية في تقديم خدمة توفير ملفات التورنت الخاصة بموقع ويكيليكس من خلال خوادم التراكرز الخاصة به و المؤسسات الأخرى المتحالفة معه ... ممكن ناس كثير قوي تقول ايه حكاية أحزاب القراصنة و دي أول مرة اسمع عنها ... يمكن فعلا في مصر عدد كبير ميعرفش الموضوع ده رغم أ أكثرنا بيستخدم موقع زي the pirate bay في البحث عن ملفات التورنت علشان ينزل الأفلام أو الألبومات اللي هو عايز يتفرج عليها و هو ما يعرفش أن الموقع ده وراه حكاية طويلة جدا و أنه كان البذرة الأولى لبداية حركة القراصنة العالمية ... الحكاية طويلة شوية بدأت سنة 1998 لما توصل شاب صغير من مواليد 1980 اسمه Shawn Fanning ، ابتكر موقع لتبادل ملفات الموسيقى و سمى الموقع ده باسم Napster ، و أنتشر الموقع بشكل غير طبيعي و بقى عدد مشتركيه بيع

  " تقدمت قنوات الحياة و بانوراما والرأي للحصول علي حق بث جلسات مجلس الشعب و التليفزيون المصري يرد بأنه حصري. الغريب ان مديري التسويق في تلك المحطات حينما تم سؤالهم عن السبب في رغبتهم في نقل جلسات مجلس الشعب أجابوا : إن أجواء الاثارة و الكوميديا التي احاطات انتخابات المجلس جعل الجميع يشعرون بأن الجلسات ستكون أكثر فكاهة ، كما ان الجلسات ستكون وسيلة لتعلم الاطفال الطاعة و الموافقة علي رغبات اولياء أمرهم و هي أشياء أصبحنا نفتقدها في عالمنا العربي ، كما ان بالجلسات تمارين رياضية خفيفة كرفع اليد اليمني لأعلي ، و توقع الجميع ان دقيقة الاعلان قد تصل ل600 ألف جنيه مصري قبل البداية و بعد النهاية وقد تصل أثناء الفواصل 750 ألف جنيه مصري ، ولكن ضاعت أحلامهم أدراج الرياح وذلك لرفض التليفزيون المصري مطلبهم و التشديد علي أن العرض حصري " طبعا الخبر ده مش حقيقي بس كانت نكتة تداولت في الفترة الأخيرة بعد حالة هستريا الضحك اللي منتشرة اليومين دول على الانتخابات خصوصا و إن المجلس سيقتصر بس على أعضاء الحزب الملاكي ، و خروج احزاب الأجرة و النص نقل ، برلمان ما فيهوش معارضة طبعا قمة الممارسة

  يبدأ بعـد غد مهرجان القاهرة  لأفلام حقوق الإنسان  عروض المهرجان يوميا  من 6 إلى 10 مساءاً لمدة أربعة ايام في ساقية الصاوي، قاعة الكلمة ، أخر شارع 26 يوليو الزمالك

  مش عايز أعلق علشان ما أغلطش و اقول كلام محبش أقوله