Free Mass - آراء على هامش الحياة

دخلت على الفيس بوك النهاردة لقيت الكاريكاتير ده مبعوت ليا رسمه واحد أسمه سامح على ما أظن  

  اللي قعد زيي يتفرج على الجلسة الافتتاحية للبرلمان و عارف اللي في النوايا كان متأكد من اللي بدأه ممدوح اسماعيل بتحريفه لقسم المجلس ، و دي بداية بتؤكد اننا رايحين لمرحلة النضال في الشارع هيكون اكثر قسوة من مواجهة كلاب المخلوع ، وقوف اصحاب الذقون المهملة في الشوارع المؤدية استعراض خسيس للقوة بيؤكد ان السلفيين هيحولوا الصراع في الفترة اللي جاية بين الشعب و نفسه الصراع هيكون بين فكر وهابي قذر جاء لتغير ملامح الانسان المصري ليصبغه بصبغة بدوية قاسية باستخدام الدين شعار ليه و في المقابل فكر ثوري يريد التغيير للأفضل و النظر للمستقبل و ليس للماضي ... أعجبني ما كتبه أحد زملاء الشارع هذا القسم على صفحات التويتر ردا على من هم على شاكلة ممدوح اسماعيل " أقسم بالله العظيم أن يكون الشارع برلماني والميدان مجلسي و الثورة دستوري و الكفاح سلاحي و النضال درعي و أن أبذل روحي في سبيل الثورة " و تعليق الصحفية هويدا طه على ما نراه اليوم مستعينة بكلمات جمال حمدان قائلة " جمال حمدان في شخصية مصر:امام مصر طريقان لاثالث لهما اما ثورةتاريخية او انحدارتاريخي ، لم يعرف عالمنا الكبير اننا سنجم

منـذ ظهور سلسلة أفلام هاري بوتر كنت مبهور بالقصة و الأخراج ، لكن بالأمس و أنا أشاهد حديث الدكتور الببلاوي أحسست اني أستمع إلى الساحر الشرير "فولدمورت" عدو هاري بوتر الطفل الطيب الذي حمل على أكتافه مصادفة أن يحارب هذا الكائن الشرير ، الببلاوي هنا يمثل الساخر الشرير و الثوار الحقيقيين أصبحوا يمثلون هاري بوتر فهم حملوا على أكتافهم حمل ثقيل خاصة بعد الانتخابات الاخيرة ، فالاخوان يمثلون الإسلام الطبقي الرأسمالي و برنامجهم الاقتصادي لا يختلف عن برنامج ننوس عين أمه أللي قاعد في طره ، و السلفيين ايدك منهم و القبر هما بيمثلوا الاسلام البدوي الصحراوي فموضوع الاقتصاد و المجتمع مش في دماغهم القضية بالنسبة ليهم توزيع المعونات اللي بيشحتوها من الخليج كأن الشعب المصري اتحول لشعب من الشحاتين لما تيجي تقرا برنامجهم الاقتصادي متلاقيش حاجة .... نيحي بقى للمهم عصبة الليبراليين اللي نجحوا في المجلس كلهم بيمثلوا الطبقة البرجوازية اللي برده هتحارب علشان مكاسبها مش علشان الشعب ، و في الناحية الثانية بيقف الشعب بيحلم مستني الفرج على ايد بطل زنهار يجي يغير اللي هما ما قدروش يغيروه كأن الثورة ما قمتش

الظاهر أن الكلاب عرفوا ان نباحهم مش هيجيب نتيجة فشالوا الصفحة بتاعتهم من على الشبكة و أختفوا بعد ما عرفوا أن عصر القهر أنتهى و أن شمس الحرية سطعت و هيزيد نورها ... صفحة هيئة الأمر بالمعروف و النهي عن المنكر في مصر اختفت من على شبكة الفيس بوك النهارده بشكل مفاجئ و من غير إنذار ، واضح أن المسئولين عن الصفحة عرفوا بعد ما شافوا الويل اليومين اللي فاتوا أن اللي بيعملوه ده أقل حاجة يتوصف بيها أنه غباء × غباء ، بصراحة عمري ما شفت حد أتشتم أد ما أتشتم الناس لدرجة انهم كانوا ساعات بيصعبوا عليا و اقول طيب طالما انك مش قد العملة دي بتعملها ليه ... نقول أيه ناس غاوية تتشتم و خلاص فاكرين أنهم علشان كسبوا شوية كراسي في البرلمان خلاص هيتحكموا الناس مش عارفين أنها مرة و خلصت و الناس هتعرف كويس أنهم مش هيعملوا حاجة و مش هيكونوا مش أكثر من أراجوزات في مولد سيدك البرلماني و ان المجلس اللي فرحانين بيه من غير صلاحيات يعني وجوده زي عدمه و الدستور مش هنسمح ليهم أنهم يكتبوه و هنقف و نحارب ضـد اي كلمة ممكن تتفسر على هواهم ... النهارده رجعت البيت متأخر شوية و قلت ياض أفتح التلفزيون و اتفرج و انت قاعد تتغدى