ويكيليكس على المحك !

 

Julian Assange

واضح إن السيد جوليان أسينج مؤسس موقع ويكيليكس ، صداع مزمن في راس العم سام و حلفائه ، و بما أنه واضح أنه مش هيجبها لبر ... قرروا التخلص منه بأي شكل و اتهموه بأنه تحرش بأحد الفتيات بين قوسين كده ... محدش يعرف هي مين ! ، لدرجة أن المحامي بتاعه سأل النهاردة القاضي الانجليزي بعد ما قبضوا عليه عن اسمها القاضي رفض ، حتى وثيقة توقيفه اللي أتضح أنها مش مذكرة توقيف و طلعت مذكرة استجواب مش مكتوب فيها أسم البنية الغلبانة دي اللي الأخ جوليان هتك عرضها ...

المهم هرجع لموضوع أحزاب القراصنة اللي أتكلمت عنه من يومين ...

ناس كثير ممكن تنخدع في أسم القراصنة ، لكن الناس دي ليها أهدافهم اللي وضحوها في الوثيقة الخاصة بالحركة فبيقولوا : " أن تكون شبكة الإنترنيت شبكة مفتوحة ، و ألا تكون هناك قيود على حرية تبادل المعلومات و الثقافات"

كمان أتكلمت الوثيقة عن قوانين حق المؤلف و براءات الاختراع و أكدوا أنهم بيحترموا قوانين حق المؤلف ، لكن هما بينادوا بإصلاحات لإيجاد توازن من أجل تعزيز الحركة الثقافية في العالم لكن قوانين حقوق الطبع و النشر تقيد تلك الفكرة ، فنشر الثقافة و المعرفة لا يجب أن يجرم بأي شكل من الأشكال ، و أن وجود شبكة الإنترنيت فرصة لتصبح تلك الشبكة أكبر مكتبة عامة في تاريخ البشرية ، أننا نطالب أن حق المؤلف في استغلال العمل تجاريا ينبغي أن يقتصر على خمس سنوات فقط بعد نشره ، فقوانين حقوق النشر حاليا مجحفة في حق المستخدمين ، فتحويل المنتج الفني و الثقافي إلى سلعة جعلها منتج طبقي لمن يدفع أكثر ، و من لديه المال أصبح يملك المعرفة و العلم.

كمان أتكلموا في الوثيقة الخاصة بيهم عن براءات الاختراع خصوصا بالنسبة للأدوية ، و ان ما يحدث حاليا هو إجحاف للشعوب الفقيرة ، فالأدوية يجب أن تكون متاحة للجميع لا لمن يدفع ثمنها ، و انه يجب زيادة دعم الحكومات لمراكز الأبحاث لتوفير الأدوية لكل إنسان على وجه الأرض بتكلفة بسيطة ، فمن العار أن نتاجر بأرواح لبشر ...

في المجمل هي أهداف تعتبر متزنة بالرغم من أسمهم الغريب لكن بصراحة احترمتهم

اللي عايز وثائق ويكيليكس كاملة ممكن ينزلها من هنا عن طريق التورنت

تعليقات

  1. عمرو
    دخلت أقولك كل عام وأنت أفضل وإلى الله أقرب وكل المسلمين بمناسبة العام الهجرى الجديد
    أما صاحب ويكيلكس ربنا معاه ,,هو دخل عش الدبابير ,, أنا أحييه على شجاعته اللى فضحت ناس كتير

    ردحذف
  2. و أنتي بكل خير و عام سعيد عليك و على الجميع

    ردحذف
  3. عمرو

    شكراً على الخبر وكل عام وانت بخير

    ومش عارف هل انت عارف انك منضاف معانا فى قوايم بيت المدونين ولا لاء

    عموما هنا هتلاقينا وتلاقي لنكك

    http://bloggers-house.blogspot.com

    خليك معانا نستفيد بارائك وبافكارك

    ردحذف
  4. موجود في بيت المدونين يا ويكا ألف شكر على أهتمامك و مرورك

    ردحذف

إرسال تعليق

المشاركات الشائعة من هذه المدونة

و رحل مفكر آخر “نصر حامد أبو زيد“

تنظيم القاعدة بيقتل 37 مسيحي عراقي علشان كامليا المصرية !!

الرأسمالية : قصة حب !