جلسات مجلس الشعب .... حصري على موجة كوميدي !

 

" تقدمت قنوات الحياة و بانوراما والرأي للحصول علي حق بث جلسات مجلس الشعب و التليفزيون المصري يرد بأنه حصري.

الغريب ان مديري التسويق في تلك المحطات حينما تم سؤالهم عن السبب في رغبتهم في نقل جلسات مجلس الشعب أجابوا : إن أجواء الاثارة و الكوميديا التي احاطات انتخابات المجلس جعل الجميع يشعرون بأن الجلسات ستكون أكثر فكاهة ، كما ان الجلسات ستكون وسيلة لتعلم الاطفال الطاعة و الموافقة علي رغبات اولياء أمرهم و هي أشياء أصبحنا نفتقدها في عالمنا العربي ، كما ان بالجلسات تمارين رياضية خفيفة كرفع اليد اليمني لأعلي ، و توقع الجميع ان دقيقة الاعلان قد تصل ل600 ألف جنيه مصري قبل البداية و بعد النهاية وقد تصل أثناء الفواصل 750 ألف جنيه مصري ، ولكن ضاعت أحلامهم أدراج الرياح وذلك لرفض التليفزيون المصري مطلبهم و التشديد علي أن العرض حصري "

طبعا الخبر ده مش حقيقي بس كانت نكتة تداولت في الفترة الأخيرة بعد حالة هستريا الضحك اللي منتشرة اليومين دول على الانتخابات خصوصا و إن المجلس سيقتصر بس على أعضاء الحزب الملاكي ، و خروج احزاب الأجرة و النص نقل ، برلمان ما فيهوش معارضة طبعا قمة الممارسة الديمقراطية اللي مش موجودة في أي مكان في العالم حزب الصوت الواحد و الكملة الواحدة و الرأي الواحد و لا مكان لرأي اي حد تاني و اللي يحبنا ما يضربش نار لأن العروسة حامل و يمكن الواد يقع .... و عجبي !

ويكيليكس فضايح أمريكية على عينك يا تاجر !

الظاهر ان العم سام خلاص مبقاش قادر يستحمل الفضايح فقرر أنه يقتل البنية علشان يداري خيبته القوية ، من يومين و موقع ويكيليكس بيتعمل عليه هاكرز بشكل مستمر ، و شركة أمازون اللي كانت مستضيفة الموقع على السيرفرات بتعاتها طلبت نقل الموقع ، و لما نقلوه تم سحب أسم الدومين من المالك ، فاشترى الراجل 3 دومينات جديدة و أتنقل الموقع من امريكا لسويسرا ، الدومينات الجديدة لموقع ويكيليكس

http://wikileaks.de
http://wikileaks.fi
http://wikileaks.nl

الجديد ن أحزاب القراصنة بدأت في دعم موقع الويكيليكس و الموضوع ده عايز قعدة طويلة بكرة هحكي موضوع احزاب القراصنة دي لأنه موضوع طريف و جديد