يا ترى مين الشاطر !
ناس كثير جالها نوع من الهلع بسبب ترشيح الجماعة لخيرت الشاطر لمنصب الرئاسة و أعترف أني في البداية كنت مرعوب بسبب معرفتي أن خيرت الشاطر فكره أقرب للسلفيين منه للوسطية ، لكن في نفس الوقت كنت بقرأ على صفحات الأخوان على الفيس بوك و على موقعهم الرسمي عن برنامج سياسي و اقتصادي و اجتماعي متكامل في فكر الشاطر ، و قعدت مستني أشوف برنامج الأخ الشاطر ده بيقول أيه !!
أول حاجة اتصدمت فيها أنه في برنامجه عايز يخصص كل حاجة حتى الكهرباء و المياه …. يا ليلة سودا ... الراجل عايز يبعنا تاني زي المخلوع ، قعدت شوية مصدوم بس لما فكرت شوية عرف ليه الأمريكان موافقين عليه ، و ليه الأخوان دلوقتي وافقوا على ترشيحه و رحبوا بيه ، لأنه مش هيغير حاجة ، و هيهدها أكثر ما هي مهدودة ، و هيجيب أجلها بأيده المباركة ...
لسه رجل الأعمـال خيرت الشاطر بيتكلم عن دور السوق الحرة في التنمية ، كأنه كان عايش في هاواي الثلاثين سنة اللي فاتت اللي اتدمرت مصر فيها بسبب السوق الحرة ، و كلنا شوفنا الأخت حرة عملت أيه في الاقتصاد العالمي من سنة 2008 و لغاية دلوقتي الاقتصاد في العالم كله مش عارف يقف على رجليه بسبب الأخت سوق حرة ...
الأخ الشاطر عايز يعمل طفرة تعليمية عن طريق خصخصة التعليم و إلغاء المجانية ... يا صباح الفل
الأخ الشاطر مش عايز يرجع المصانع اللي أتسرقت من دم الشعب المصري
الأخ الشاطر مش عايز أي بند في الدستور بيتكلم عن حقوق العمال
أخيرا الأخ الشاطر جي يكمل اللي عمله مبارك
دمه تقيل جدا ....والله ما عارف حتى اسمعه مش طايقه ربنا يستر وما ينجحش ....واحد اتغني على حساب ضرب العملة المحلية والتجارة في الدولار ومقنع نفسه ان ده حلال مش بعيد ان يبيع الهو عشان يطلعله سبوبة وكله بالحلال....
ردحذفاحنا عاوزين رأيك يا ام عمر انت شايفه ايه ؟؟؟؟؟؟؟
ردحذفتراكيب
ردحذفانا برده عمري ما هضمته ، ده ياريته أتغنى بفلوسه دي كلها تبرعات خليجية مشبوهة
استاذ فاروق
ردحذفأنا قلت رأي الراجل ده مش قادر أهضمه ، و عن نفسي عملت توكيل لحمدين صباحي و هنتخبه ، و ابو الفتوح مع كامل أحترامي ليه من نفس عباية خيرت الشاطر ، نفسي حمدين صباحي و خالد علي يبقوا مع بعض
حمدين رئيس و خالد علي نائب برنامجهم تقريبا واحد ، حمدين بخبرته و حنكته و خالد بجراءة الشباب و ثوريته