بجد بقى كفاية كده يا سلفيين !
تحديث لجزء من برنامج على قناة الحياة بتظهر فيه كاميليا شحاتة علشان نخلص م الموضوع ده
عمري ما شوفت ناس عندهم الكم ده من الغباء زي ما شوفته في السلفيين ، إشاعة و مافيش اي دليل مادي عليه أن في واحدة أسلمت و محتجزة في كنيسة في امبابه ، على طول يفتحوها مجزرة ، و يتعدوا على الكنيسة بالأسلحة النارية و في مصابين واحتمال قتلى ، كل ده بسبب إشاعة فارغة ... بجـد كفاية بقى غباء ... كفاية بقى تخلف ..
يوم ما تحاول تتناقش مع اي حد فيهم عمرك ما تلاقي إجابة دايما يدخلك في متاهة أحنا بنتبع السلف الصالح ، سلف أيه ! ، لو السلف كده يقى ينعل أبوه بجد ، و قال زعلانين على بن لادن القاتل الإرهابي و عملوا ليه صلاة غائب و ناسيين كام مصري مات بسببه و بسبب تفكيره المتخلف ، شيء غريب لما شيخ كنت في يوم من الأيام بحترمه وهو الشيخ حافظ سلامة القيه هو اللي بيؤم الصلاة على "كلب" ، بصراحة وقعت من نظري و بقيت أبص ليك بحتقار و قرف
كفاية كده أحسن لو طولت هشتم بشتيمة يعاقب عليها القانون
كويس أنك مش طولت ياعمرو
ردحذفالسلفيين اللي أول مرة نسمع عنهم بعدالثورة غلطانين فعلآ
بس أنامش واثقه في كلام كاميليا كلامهافي تناقض وحساهاحفظاه
وماعلينامنهاخالص ومن عبيركمان لاهتزودالمسلمين بدخولهاالأسلام ولاهتنقص من المسيحين
علي الجميع ضبط النفس والحذر مصرعلي الحافة
تحياتي
أهلا يا افرو
ردحذفأنا شوفت الحوار بالكامل و مافيش تناقض في كلامها ، واحدة بتؤكد أنها لسه مسيحية و واضح أن الشخص اللي فجر القضية دي من البداية كان عارف موضوع خلافها مع جوزها ، طيب و هنفترض أنها كان مضغوط عليها ... خلاص سيبوها و بعد الموضوع ما يهدى لو هي فعلا مضغوط عليها بعد الضغوط دي ما تنتهي خنعرف الحقيقة فين .. لكن هما للأسف عندهم قدر من الغباء الغير عادي ..ز انا روحت النهاردة امبابة و شوفت اللي حصل شىء مخيف بجد و كل الناس بتقول أن اللي عمل الموضوع ده بلطجية لكن اللي فتح الباب ليهم من البداية السلفيين
بالراحة شوية يا عمرو ،أنت كتبت التدوينة و انت لسه سخن دلوقتي أكيد هديت شوية ، كلنا عارفين أن السلفيين مالهومش في موضوع السياسة و هما فجأة لقوا الساحة فاضية و عايزين يثبتوا وجودهم لكن قلة خبرتهم بتوقعهم في الغلط و بدل ما يكسبوا شعبية كل يوم الناس بتبعد عنهم أكثر ... ياريت يغلطوا كده كثير لغاية لماالناس تطردهم من البلد
ردحذفأهلا رشا .. ليكي وحشة والله
ردحذفلكن للأسف اللي بيحصل فوق طاقة الاحتمال كل الناس أعصابها تعبت من اللي بيحصل الحالة الاقتصادية كل يوم بتسوء و الحاجة بتغلى بشكل غير طبيعي و واضح أننا خلال شهر أو أثنين مش هنلاقي الأكل ... نيجي في وسط كل ده ندبح في بعض علشان واحدة هربت من جوزها و حبت واحد تاني حاجة تغيظ بجد !!!!