سأقود نفسي إلى السجن !

حملة ظهرت خلال اليومين اللي فاتوا للتضامن مع الفتاة السعودية منال الشريف اللي تحددت كل الأفكار المتخلفة و قررت تقود سيارتها بنفسها و فعلا نزلت منال من بيتها و معها واحدة من صديقاتها المؤمنة بقضيتها و قرروا أنهم يصورا التحدي ده ضـد مجتمع متخلف و عنصري ، لكن للأسف النظام اللي عايش في عصور الظلام و القهر قبض عليها بعد نشر الفيديو بتهمة تعتبر الأغرب و الأعجب في تاريخ البشرية في العصر الحديث و خصوصا في القرن الواحد و العشرين اللي المرأة من القرن اللي قبله ساقت مكوك فضاء مش سيارة ، آه التهمة هي تحريض النساء على قيادة السيارات يا خراشي يا ولاد ...

manal Shrifده يوصلنا لنقطة تانية خاصة بينا ليه السعودية خايفة من الثورة المصرية و هتموت من تطورتها و نجاحاتها علشان كده التمويل زاد بشكل كبير للتيارات السلفية و الأخوان لضرب الثورة من اساسها و بدل ما تكون ثورة شعب للحرية هتبقى تدمير شعب عن طريق العنصرية الدينية ، وأكبر دليل على كده هو اللي حصل في الفترة الأخيرة لما السعودية طلبت من مجلس التعاون الخليجي ضم كل من المملكة الأردنية و المملكة المغربية للمجلس علشان يكونوا حلف الممالك ضـد الثورة المصرية بالتحديد

المهم منال عملت فيديو هتحكي فيه حكايتها مع قيادة السيارات و أن رفض النظام في السعودية لقيادة المرأة السيارة شيء في غاية التخلف

تعليقات

  1. اولا حمد الله ع السلامة
    من التحرير

    هو تقريباً زى الثورة الفرنسية لما كل ملوك أوربا اجتمعوا على عداء فرنسا علشان الملكية متنتهيش

    بس هنا علشان التخلف مينتهيش

    ردحذف
  2. أهلا يا رامي
    مش بس زي أيام الثورة الفرنسية و التحلف الأوربي ضـدها ، لكن حتى عندنا لما قامت ثورة يوليو 52 أتعمل حلف بغداد ضـدها و النهارده بيتكرر نفس الموقف ... أستنى شوية خلال اليومين اللي جايين هيتعمل حملة غير عادية هيقودها الإعلام الخليجي لشق التيارات الوطنية المصرية بأي شكل و هيقلباو التيارات على بعضها و اكبر مستفيد طبعا هيكون أمريكا و اسرائيل لانهم شركاء أصلاء في مجلس التعاون

    ردحذف
  3. اكيد ده مالوش علاقة بالدين ولكن بالعادات الحجرية في السعودية لو بصيت على التعليقات المعارضة لها في اليوتييوب شتيمة تنم عن شخص لا يمت للدين بأنملة... على الرغم من غرورها ونظام المنظرة والدور اللي هي فيها وخروجها بعد كدة من السجن وتغيرها لكلامها بكرة يفتخرو بها على انها اول سعودية ساقت سيارة والايام بيننا...

    ردحذف
  4. مافيش حاجة في الدين اسمها المرأة حرام انها تسوق عربيتها ، لكن المجتمع البدوي القايم على ذكورية عنصرية هي اللي أرست المبدأ الغريب ده و اللي ينرفزك أكثر أنهم دخلوا الدين في الموضوع بفتاوى مضحكة عاملة زي فتوى أهدار دم ميكي ماوس ، أما عنها فهي زيها زي كل السعوديين المنظرة و الفشخرة الفاضية هي كل حاجة في حياتهم

    ردحذف
  5. لا تستغرب كثيرا فمصر فى طريقها لما هو اسوأ من ذلك بعد تحالف العسكر مع الظلام و كأننا فى طريقنا لتجربة ايران او طالبان

    ردحذف
  6. tears
    معتقدش أننا ممكن نوصل لده لكن في ناس عايزة توصلنا لده بأي شكل ، المجلس العسكري مشكتله على ما أعتقد أنه مش بيعرف يتعامل إلا مع الكيانات المنظمة و التيارات السياسية الموجوده للأسف يا إما تايهة أو بعيدة عن الشارع فالمجلس مش قادر يتعامل معاها على العكس من الأخوان تنظيمهم و تواجدهم الملحوظ في الشارع بيريح العسكريين و بيهديهم أحساس أنه ممكن يتعامل معاهم ككيان منظم

    ردحذف

إرسال تعليق

المشاركات الشائعة من هذه المدونة

و رحل مفكر آخر “نصر حامد أبو زيد“

تنظيم القاعدة بيقتل 37 مسيحي عراقي علشان كامليا المصرية !!

الرأسمالية : قصة حب !