Free Mass - آراء على هامش الحياة

من يدافعون عن أنظمة الحكم السادية في المنطقة العربية ، يجب أن يتوقفوا قليلا و يفكروا ، يا ترى من الإسلام أن يتم جلد سيدة بسبب ارتدائها بنطلون ، و الغريب أنه مش محزق و لا ملزق ، و كمان متغطي بالتوب السوداني المعروف ، يعني الست حشمة و زي الفل ، لكن اقول أيه تلكيكة لأن قلمها زي السم في حلقهم. أربع فتيات أكبر ما فيهم عندها 18 سنة و أصغرهم عندها 14 سنة تم جلد كل واحدة منهم 10 جلدات لأنهم لابسين بنطلونات.   حد يفهمني في أيه ، أنا عشت و اشتغلت في السودان و كنت بسمع كلام كثير عن موضوع النظام العام ، و إن الفترة اللي أنا كنت فيها الموضوع خف شوية لكن الظاهر أنه رجع تاني لكن بشروط أنه يتم استخدام قانون النظام العام في التنكيل بكل معارض أو من عرق غير العرق الحاكم ، معلش هي دي الحقيقة ، الحكومة السودانية حكومة عرقية في الأساس دينية في المظهر ، يتحكم بأسم الدين والعرق ، البنات تم محاكمتهم و جلدهم سريعا لأنهم جنوبيات مش محسوبين من البني أدمين على حسب رأي النظام الحاكم في السودان. الصحفية الشجاعة قامت بعمل دعوة لكل السودانيين لحضور جلدها و محاكمتها ،  و تم نشرها من خلال الانترن...

معلش كان المفروض أني أكمل التدوينة بتاعة فيلم دكان شحاتة هأجلها علشان خاطر عم الحاج أوباما ، اللي طلع واد نمس بتاع حركات مش هيه ، و الله ما كنتش أعرف أيه اللي حصل لغاية لما أمبارح واحد بعت ليا رسالة على الموبايل  بيقولي يا عم خش على النت شوف صور أوباما مع ساركوزي ، و الله ما أهتمتش قوي لكن قبل ما أنام قلت يا واد خدلك بصة سريعة مش هتخسر حاجة ، رحت داخل أبص قعدت أدور في أيه و لقيت الصورة … يا واد يا نمس ، فكرتني على طول بأيام الدعاية الانتخابية لأوباما كان فيه قناة على اليوتيوب أسمها Obama Girl كانت بتجيب شوية أغاني عن أوباما أن البنات مش شايفين رجالة في الكرة الأرضية زيه المهم  مش هطول و هسيبكم مع الصورة و بنات أوباما       علامات Technorati: Crush On Obama , Sarkuzy , playboy

ربما تأخرت في الكتابة عن الفيلم لكني لم أرد التعجل في الحكم ، فقد سمحت لي الظروف أن أشاهد الفيلم في أسابيعه الأولى ، لكن عادة ما تكون المشاهدة الأولى سريعة خصوصا إني منذ فترة ليست بالقصيرة عزفت عن الذهاب للسينمات و اكتفيت بالحصول على الأفلام فور صدور نسخة ألـ DVD ، أو إذا تثنى لي الحصول على نسخة جيدة من الشبكة أحاول اقتنائها ، و لكن هذه المرة المشاهدة جاءت مضاعفة مرة على شاشة السينما و المرة الثانية عندما استطعت الحصول على نسخة جيدة منه DVDScreen و هي النسخة التي توزع على النقاد قبل عرض الفيلم لتسهيل الكتابة عنه ، لذا جاءت نسخة رائعة الجودة. أعود للفيلم الذي يأخذنا في رحلة خاصة جدا ، من لحظة البداية مع الاحتفال بخروج شحاتة من السجن في الاحتفالية التقليدية التي عادة ما نراها على شاشة السينما بالنداء على المساجين لتعريفهم بانتهاء مدة أحد المسجونين ، و لنعرف من خلال الاحتفالية أن شحاتة انتهت مدة سجنه و أنه سيرث من ظهر أبوه – كما ذكر في النداء – ميراثه ، وهو العصب الأساسي للصراع بين شحاتة و أخواته ، لتبدأ بعدها القصة مع كلمات جمال بخيت و ألحان و صوت أحمـد سعد “ مش باقي مني غير شوية ...

لا يزال النظام المباركي يواصل الركوع و السجود للهيمنة الصهيونية الأمريكية في المنطقة ، مرت علينا منذ يومين غواصة إسرائيلية لتعبر قناة السويس في حماية الجيش المصري ! الخبر طبعا مر على الجميع كأنه شيء لا يعنيهم فالجميع مشغول بكأس القارات و ضربة الجزاء اللي الحكم محتسبهاش ، و ماتش ايطاليا و أزاي كسبنا أبطال العالم ، لكن في وسط كل ده و بهدوء شديد مرت غواصة إسرائيلية في قناة السويس متجهة إلى خليج العقبة ، و الغريب في الخبر اللي أتنشر على جريدة “يديعوت أحرونوت” ، للأسف عرفت الخبر من منتدى صهيوني ، وقعدت أدور على الخبر بعدها لقيته منشور في أكثر من موقع عربي زي جريدة القدس ، و الشرق الأوسط كمان على مصرواي ، لكن للأسف محدش خد باله لأننا كنا يا عيني مشغولين بكاس القارات ، و المعلم و أبو تريكة و مشاكل عمرو زكي و مين أخد حريم معاه في أوضته في الفندق ، المهم دي تصميمات الغواصة اللي عبرت قناة السويس العلم الصهيوني يرفرف فوق قناة السويس ن ليسخر من دماء آلاف الشهداء اللي ماتوا في نفس المكان الموضوع ده هيفجر قضية تانية و هي اتفاقية القسطنطينية اللي أتوقعت سنة 1888 ، و لغاية دلوقتي م...

موضوع غريب على أغلب المنتديات العربية على الانترنيت ، ياترى مايكل جاكسون أسلم و الا لأ ، كأن إسلامه هيرجع القدس مرة ثانية لينا ، و حتى لو كان أسلم ففي الأغلب أنه هيكون على نفس مذهب أخيه جيرمين الذي أعلن إسلامه منذ سنوات على مبدأ جماعة أمة الإسلام و التي أسسها أليجا محمـد في الخمسينات من القرن الماضي ، أدعى وقتها اليجا أنه نبي و أن محمد صلى الله عليه وسلم هو تجسيد لشخصية الله على الأرض ، و من المعروف أن مالكوم أكس أنضم إلى هذه الجماعة في أوائل الستينات و تم تعينه مديرا لأحد المراكز الرئيسية لهم في ولاية بوسطن ، إذا فإسلامه هيكون مثار جدل. جاكسون كان دائما ما تسار حوله الأقاويل في حياته و اليوم كثرت هذه الأقاويل مع موته الغامض ، و زاد عندما أعلن أن مراسم وفاته ستتم وفق الشريعة الإسلامية ، ثم عادت أسرته و أكددت انه سيتم دفنه ولكناه لم تحدد ما هي المراسم التي ستتبع و سنضطر للإنتظار إلى يوم الثلاثاء القادم لمعرفة ما إذا كانت المراسم سوف تكون على حسب الشريعة الإسلامية أم لا … الجدال غريب حول موضوع جاكسون غريب و مثار للسخرية بالفعل ، خناقات و كلمات حادة بين المجادلين هل مايكل مسلم...

الظاهر أنه يوم باين من أوله ، في الصباح بمارس الرياضة اليومية و هي الجري السريع ما بين المواقع للتعرف على آخر الأخبار ، بما إن الواحد خلاص بطل يشتري جرايد إلا في النادر ، نظرا لحالة التقشف الاقتصادي اللي بنعشها ، كان بقالي فترة ما مرتش على جريدة الأسبوع قلت أبص عليها النهارده فوجئت ان الموقع تعرض لهجوم من هاكر خرب الصفحة الرئيسية للموقع و دمره و بدل منها موجود الصفحة الخاصة بالمخترق. من الواضح ان هناك ثغرة في التصميم انا مش خبير لكن عيب قوي أن جريدة كبيرة زي الاسبوع يبقى فيها ثغرة من السهل اختراقها بالشكل ده ، مش واضح بالظبط الاختراق ده سببه أيه يا ترى واحد هاوي بيحاول يثبت جدارته ، و إلا اختراق مقصود بسبب مواقف مصطفى بكري من الفساد اللي موجود في البلد ، على العموم المخترق يشير لنفسه انه تركي من خلال الاسم اللي اختاره لنفسه despotTURK. انا قلت من البداية يوم باين من أوله خبر قليل الأدب على الصبح إطلاق اسم جمال مبارك على أحد ميادين اسيوط علامات Technorati: جريدة الاسبوع , جمال مبارك , فساد

السيد الاستاذ المحامي المعروف ممدوح اسماعيل أحد المحامين المحسوبين على تنظيم الجهاد والجماعات الدينية تقدم بمذكرة للنائب العام بمنع أحمدي نجاد من دخول مصر ،و الأسباب أتحددت في أثنين الأول أنه سب الصحابة و اتهم أثنين منهم بالردة ، و السبب الثاني أن رئيس مشكوك في أساسه ، لان الانتخابات في إيران الناس بتقول عليها مزورة. طيب معلش يا عم ممدوح ممكن حضرتك ترفع قضية بالنيابة عن شعب مصر ضـد اللي مطلع عنينا و شافط دمنا و مخلينا ملطشة للي يسوى و اللي ميسواشي أنه يتنازل عن الحكم و يسيب البلد و يخرج و احنا و الله هنسامحه بس يخرج منها و نختار الأصلح بعيد عنه. يا عم ممدوح الله يخليك و يزود عدد شعر دقنك كمان كمان ، تبص ناحيتنا شوية ده انت بترفع قضية كل 23 ثانية ، ترفع لنا القضية اللي تعبانا دي و تخلصنا من ابن الايه ، انت مش كنت في الجهاد و قلتم عليه انه شيطان ، ياله بقى أديني بفكرك بالذي مضى و الا انت خلاص نسيت و توبت من الجهاد و اكتفيت بالقضايا اللي من نوع نجاد. و الله يا عم الحاج هندفعلك اتعابك و كل اللي أنت عايزه ، بس تخرجهلنا من البلد التعبانة دي هو و عيلته ،و أنا مستعد أعمل حملة تبرعا...