اضحك كركر و أوع تفكر !
السيد الاستاذ المحامي المعروف ممدوح اسماعيل أحد المحامين المحسوبين على تنظيم الجهاد والجماعات الدينية تقدم بمذكرة للنائب العام بمنع أحمدي نجاد من دخول مصر ،و الأسباب أتحددت في أثنين الأول أنه سب الصحابة و اتهم أثنين منهم بالردة ، و السبب الثاني أن رئيس مشكوك في أساسه ، لان الانتخابات في إيران الناس بتقول عليها مزورة.
طيب معلش يا عم ممدوح ممكن حضرتك ترفع قضية بالنيابة عن شعب مصر ضـد اللي مطلع عنينا و شافط دمنا و مخلينا ملطشة للي يسوى و اللي ميسواشي أنه يتنازل عن الحكم و يسيب البلد و يخرج و احنا و الله هنسامحه بس يخرج منها و نختار الأصلح بعيد عنه.
يا عم ممدوح الله يخليك و يزود عدد شعر دقنك كمان كمان ، تبص ناحيتنا شوية ده انت بترفع قضية كل 23 ثانية ، ترفع لنا القضية اللي تعبانا دي و تخلصنا من ابن الايه ، انت مش كنت في الجهاد و قلتم عليه انه شيطان ، ياله بقى أديني بفكرك بالذي مضى و الا انت خلاص نسيت و توبت من الجهاد و اكتفيت بالقضايا اللي من نوع نجاد.
و الله يا عم الحاج هندفعلك اتعابك و كل اللي أنت عايزه ، بس تخرجهلنا من البلد التعبانة دي هو و عيلته ،و أنا مستعد أعمل حملة تبرعات علشان اتعاب حضرتك و اتعاب القضية و أهي تبقى دعاية لحزب الشريعة و يتسيط بين الناس و يمكن تمسكوا الحكم يا عم و تهيصوا بس حاسبوا على الشعب الغلبان ده أحسن خلاص ما بقاش منه حاجة بعد ما ما أتمص دمه ، و أضحك بس أوع تفكر.
الناس دي غاوية شهرة مش أكثر و على رأيك ربنا يزود شعر دقنك مليون شعرة و برده مش هترفع قضية على اللي بالي بالك :)
ردحذف