أضحك علشان الصورة تطلع حلوة !!
بقالي فترة ما بكتبش حاجة معلش كنت مسافر لأن أكل العيش مر .... و ساعات بيبقى علقم كمان ... المهم أديني رجعت و صممت أني أعيد في مصر ... و أجلت السفر شهر ، طبعا في الفترة الأخيرة كنت بشوف الأوضاع من بره بشكل أوضح بصراحة الوضع مخيف و غريب و محدش يقولي بكره هيبقى أحسن ، الكل خارج مصر بيتكلم عن حاجة واحدة أن الثورة تاهت بوصول التيار الديني العنصري المسمى الأخوان للسلطة و حتى لو كان وصل بديمقراطية وأنتخابات صحيحة لكن ياريت مننساش أن "هتلر " وصل للحكم عن طريق الانتخابات و هما ما يفرقوش كثير عن هتلر نفس الأيديولوجية الفاشية العنصرية ...
في الفترة الأخيرة كثرت اللجان الاليكترونية الاخوانية ، و ياريت فضلت على قد كده لكن حتى المساجد اللي كان الواحد عارف أن الخطباء فيها معتدلين تم استبعادهم و حطوا بدلهم ناس تبعهم بتدعي ليهم في كل جمعة و بتكفر أي حد ينتقضهم او يبين عوراتهم القذرة ...
النهارده على الصبح الواحد صحي على خبر يفطس من الضحك تحويل ثلاث رؤساء تحرير لنيابة أمن الدولة و التهمة العيب في الذات الملكية ... آسف العيب في ذات الريس كأنه ملاك أو أله لا يجوز الاقتراب منه ... فكرتني لما مبارك سجن ابراهيم عيسى لما أتكلم عن احتمالية وفاة الرئيس ... واضح ان ما فيش حاجة اتغيرت غير اننا جبنا رئيس بدقن و جلابية !!
تعالوا بقى نضحك شوية على الصورة الجميلة دي علشان نتعرف أكثر على اللي مش أخوان شكلهم أيه !
انا برة وباقول لك مفيش بديل للاسف للاخوان هم انضف حاجة والباقي زبالة سلفييين على ليبراليين على جهاديين...تعاطف المتأسلمين معهم مؤقت...وناس مخها على قدها....عصر مبارك كان دورة مية مفيش سياسي نضيق الا البرادعي عشان كان برة...كلة زبالة....الاخوان هو الجميز لحد ما يجي التين...كل سنة وانت طيب ...وارجع شغلك وسيبك من الافاقيين بتوع اربعة وعشرين...مين يحكم مصر ؟ وربنا كلهم زبالة
ردحذفمختلف معاك المرة دي ... الأخوان مش أفضل الاختيارات ... أنا معنديش أمل في مجموعة الليبراليين الموهومين و لا حتى في اليسار اللي عايش في برج عاجي لوحده بقى أكثر برجوازية من البرجوازيين نفسهم ، لكن الشارع لازم يفرز رؤة جديدة للمستقبل لان الاخوان لو استمروا هنتحول لدولة فاشية و هينتهي حلم الديمقراطية و هتلاقي الناس بتتندم على ايام مبارك
ردحذفحمدلله على السلامه يا عمرو .. السفر مش بيمنع عن الكتابه بردو :) ..
ردحذفالله يسلمك يا مها
ردحذفكنت ممتنع عن الكتابة لان الرؤية ضبابية و البوصلة تايهة مني ... حاسس أن أي كلمة كنت هكتبها مش هتعبر عن حاجة غير حالةالتيه اللي كنت فيه