سمعني أحلى سلام يا جدع للفساد و الفاسدين و اللي منه

مش من عادتي أني أنقل المقالات الي بقراها أو بتوصلني على الأيميل من شوية بفتح الإيميل بشوف ايه الحصيلة بتاعة النهاردة كالعادة كانت يا أما رسائل معتادة من الزملاء او الاصدقاء أو النشرات الدعائية لبعض المواقع اللي أشتركت فيها يا إما بالخطأ أو المواقع اللي فعلا بهتم بيها ... لكن النهارده كانت الحصيلة كبيرة شوية مش عارف ليه وصلني حوالي 40 ايميل مرة واحدة أغلبهم يترمي فورا في صفيحة الزبالة الاليكترونية الهوتملية لكن رسالة واحدة شدتني كانت عن مقال كتبه كاتب سعودي حط أيده على نقط قوية جدا حبيت تشاركوني المقال ده هو أتنشر في جريدة الوطن السعودية و مش عارف إزاي عدى من تحت أيدين الرقيب !

 

نحن و السويد : تحليل لمرتبة الفساد

السبت 13 نوفمبر

الكاتب : علي سعد الموسى

ما بين ترتيب بلد مثل السويد وبين موقعنا في قائمة – الفساد – الدورية تكمن مسافة التربية التي تتلقاها الشعوب المختلفة وتؤثر في تصديها للظواهر والممارسات السيئة والخاطئة. تتصدر السويد قائمة – النزاهة والشفافية – بينما سأحتفظ بترتيبنا لأنه لا يصح أن يصبح وثيقة في مقال مكتوب

ولكن في المقابل كيف وصل المجتمع السويدي إلى صدارة التصنيف العالمي وكيف تربعنا بامتياز على مكان قصي في الصفحة الثالثة من أسماء المجتمعات العولمية ، رغم أن – الأدبيات – التي يتلقاها الشعبان المتناظران (هم ونحن) نظرياً يجب أن تؤدي إلى النقيض

لا يستمع المجتمع السويدي إلى مئة ألف خطبة جمعة في الأسبوع، وكلها تحث على مخافة الله وتقواه

مثلما لا يوجد في السويد نصف مليون مسجد للصلاة التي تجب أن تنهى عن الفحشاء والمنكر

لا توجد في السويد وزارات للأوقاف ولا للشؤون الدينية وفي سجلاتها ثلاثون ألف داعية يقيمون في العام الواحد مليوني منشط دعوي هدفها حض المجتمع على الصلاح والنزاهة

لا يوجد في السويد مخيم أو معسكر توعوي دعوي

مثلما لا يوجد فيها عشر كليات للشريعة تضم الآلاف من الدعاة ومن طلبة العلم الذين يقرؤون على هذا المجتمع عقاب الآخرة ويحذرونه ليل نهار من أكل المال الحرام ومن مغبة هضم حقوق الخلق بالباطل

لا يوجد في فضاء السويد 47 قناة فضائية دينية تبث ليل نهار تعاليم هذا الدين العظيم عن تحريم الربا حتى - وإن تكن حبة من خردل

لا يدرس الطالب السويدي عشرين حصة في الأسبوع من كتاب الله وسنة نبيه التي لم تترك فضيلة واحدة أو سيئة من دبيب النمل إلا ووضعت لها منهاجاً في الترغيب والترهيب

لا يقرأ المجتمع السويدي هذا القرآن العظيم الذي لو أنزل على جبل لتشقق من خشية الله فيما نحن نقرؤه تلاوة وتفسيراً وتجويداً بهذه الكثافة ونحمله أمانة فلم نتشقق ، وهذا من طلب المستحيل، ولكن لم نرتفع في ترتيب الفساد سطراً واحداً من الصفحة الثالثة حيث موقعنا في ترتيب المجتمعات والأمم

سؤالي : أنا لا أسأل عن السويدي لو أنه أيضاً استمع إلى كل ما نستمع إليه وأين سيكون، ولكن سؤالي أين سنذهب لو أننا، مع وضعنا المخيف، لم نستمع أيضاً إلى كل هذه التعليمات السماوية الخالدة؟

تعليقات

  1. أزيك يا عمر

    المشكلة يا عمر مش فى الدين صدقنى

    طب و ليه تقارن بدولة أوربية قارن بدولة اسلامية زى ماليزيا

    المشكلة فى ضمائر الناس صدقنى

    المشكلة اللى بيديك الدين بيدهولك ازاى

    فى مرة قلت لواحد دلوقت مبقاش فى واعز دينى عند الناس

    بقيت التربيه هى الأساس فى الأنسان دة يكون كويس و لا لأ

    كان هيكولنى صدقنى

    الشكلة فى الناس يا عمر صدقنى مش فى الدين

    الدين بقى شكل مش مضمون

    ردحذف
  2. مين قال أن المشكلة في الدين يا رامي
    أما متفق مع اللي قلته أن المشكلة في الناس

    كاتب المقال حط أيده على نقطــة مهمة جدا ، القضية هي إننا لازم نغير من نفسنا قبل كل شىء لازم نتعلم معيش الحياة بشكل صحيح و يبقى عندنا ولو جزء بسيط من اللي عند الناس في السويد و هي الصدق مع النفس

    ردحذف
  3. أنا فاهم

    بس أصلى زى ما قلت لك مثل الراجل اللى كان هيكولنى

    أن الناس محروقة على الدين و مبتعملش بيه

    طب ما اليابان مفهاش دين سماوى و اللى فبها قليلون
    لكن اخلاقهم و كل تقالديهم مطبوعة عليهم مهما جه عليهم تطور
    و عُمرْ ما تقالهم كانت سبب فى تأخرهم

    الموضوع كبير جداً

    ردحذف
  4. بس اعلى نسبة انتحار في السويد ياريس؟ الجو والرفاهية وقلة الدين...احنا عايزين نرجع زي قبل ما اتسعودتنا واتوهبنا من اول السبعينات كدة وانت جاي نبقى مية فل وعشرة

    ردحذف
  5. أهلا تراكيب

    لا أعلى نسبة أنتحار مش في السويد ، ده كان ممكن في فترة الثمانينات بسبب الأزمة الأقتصادية اللي حصلت عندهم هناك لكن حاليا مش هي صاحبة اعلى نسبة أنتحار

    راجع القائمة

    http://ar.wikipedia.org/wiki/ملحق:قائمة_الدول_حسب_نسبة_الانتحار

    ردحذف

إرسال تعليق

المشاركات الشائعة من هذه المدونة

و رحل مفكر آخر “نصر حامد أبو زيد“

تنظيم القاعدة بيقتل 37 مسيحي عراقي علشان كامليا المصرية !!

الرأسمالية : قصة حب !