أرحمونا يا سلفيين !

من لحظة الدعوة للخروج للشوارع يوم 25 يناير ، و التداعيات كثير ناس موافقة و ناس خايفة ، و كل واحد ليه مبرراته العقلانية المتزنة ، لكن اللي قريته صدفة النهاردة على موقع كورة كان مستفز لأقصى درجة

salfi

السادة السلفيين يسوقوا فتوى من فتاويهم الغريبة و طبعا انضم ليهم شوية مخبرين من الحزب الفاشل ، ان الخروج على الحاكم خروج على الدين ، لأن الطاغية أهون و اصلح للمسلمين ، اقول ليهم اولا الشعب المصري مش كله مسلم ، ثانيا اللي يرضى بالظلم يستاهل اللي يجرى ليه من مذلة و هوان ، أرجوكم اسكتوا ... سكوتكم رحمة و نور

النهاردة قريت على الحوار المتمدن مقالة لصاحبة رأي متزن للكاتبة و المترجمة إكرام يوسف لديها تخوفات من صعود سارقي ثورات الشعوب من مخنثي السياسة اللي بيلعبوا على جميع الأطراف ... تخوفك صحيح يا إكرام ، كمان المدونة مها الخضراوي في مدونتها أفكار حرة كان ليها أيضا تخوفات ...

لكن هقول كلمة صغيرة ... ده وقت الجد لو منزلناش بجد الشارع دلوقتي مش هننزل ابدا ، و المنافقين معروفين عن نفسي عارف أربعة و للأسف موجودين في البتاع الجديد اللي بيسموه البرلمان الموازي ... و الأسامي هتطلع و هفضحهم و هنشر إزاي عملوا الملايين اللي عندهم بالرشاوى و السرقة مش بس في مصر و في دول تانية استغلوا الفساد اللي فيها و اخدوا أراضي آلاف الأفدنة  سرقة من اصحابها الأصليين من الشعوب المطحونة بحجة الاستثمار في الزراعة بمبالغ بخسة واحد فيهم اخد أكثر من 30 الف فدان بمبلغ لا يزيد عن 50 ألف دولار فقط لكن دفع حوالي 100 ألف رشاوي للمسئولين هناك علشان ياخد الأرض رغم أن ثمنها يزيد عن مليون و نص على الأقل

بقولها يا إكرام ... يا مها ما تخفوش أحنا عارفين المخنثين كويس و عارفين هنعمل معاهم أيه !

تعليقات

  1. افروديتالاثنين, 17 يناير, 2011

    فعلآياعمرو الناس دي لازم تسكت خالص يرحمونابسكوتهم كلامهم مؤذي ونفاق كله

    "لأن الطاغية أهون وأصلح للمسلمين"

    جملة غريبةجدآ تعتدت حد النفاق

    مش عارفه أقول عليهاأيه .....

    ردحذف
  2. مسلمة حرةالاثنين, 24 يناير, 2011

    على فكرة مش السلفيين بس هم اللى بيقولوا كده ..ديه قيادات الكنيسة كمان
    بتقول نفس الكلام والدليل أهو
    http://www.tanseerel.com/main/articles.aspx?selected_article_no=17495
    بس أنا ملاحظة إنك مش بتأخد بالك إلا من كلام السلفيين بس
    ياريت لو ح نكتب يكون بعدل مش بإنحياز
    مش كده ولا إيه؟؟؟

    ردحذف
  3. Amr Omarالاثنين, 24 يناير, 2011

    يا استاذة ... لما كتبت عن ما ذكره أحد مشايخ السلفية كانت الدعوة لمظاهرة يوم 25 في بدايتها ، و ما كنتش متأكد إذا كانت الدعوة هيكون ليها الصدى الكبير ده ... و لما شوفت رد فعل الناس و ترحيبهم بيها توقفت عن نقـد التيارات السلفية و الإسلامية ، لسبب أهم و هو إن الموقف مش محتاج فرقة و تجاهلت بالتالي كل الآراء سواء كانت من التيارات المسيحية أو الإسلامية لأن هناك ما هو أهم البلد اللي احنا كلنا عايشين على ارضها ... حاجة تانية مين قال أن كل المسيحين موافقين على كلام القمص بيشوي ، عدد كبير من الناشطين اللي هيقودوا المظاهرات بكرة مسيحيين يبقى الموضوع غير ذات أهمية إننا نقعد نتكلم عليه
    و أرجوكي أغلب وسائل الإعلام الغربية بتابع المدونات علشان تعمل رصد ردود الفعل ، حاجة تانية لو حضرتك لاحظتي أثناء ثورة الشعب التونسي ما فيش هتاف واحد فيه شبهة دينية لانهم واعيين أن مطالبهم مش بتفرق بين مسلم و مسيحي مطالبهم بتشمل شعبهم بالكامل مش طايفة بعينها ... ياريت نترفع عن الصغائر و نكون قد المسئولية .. معلش أستحمليني شوية اليومين دول لغاية لما نعرف أحنا هنروح لغاية فين

    ردحذف

إرسال تعليق

المشاركات الشائعة من هذه المدونة

و رحل مفكر آخر “نصر حامد أبو زيد“

صورة
يبدو ان سنة 2010 زاد فيها عدد الراحلين بدأ من اسامة أنو عكاشة كاتب الليالي ، للشاعر الجميل محمـد عفيفي مطــر ، و اليوم نصحوا على خبر وفاة الكاتب و المفكر الدكتور نصر حامد أبو زيد نصر حامد ابو زيد لم يشأ القدر أن ألتقي بهذا الرجل إلا على صفحات كتبه و مقالاته و اعجبت بجرائته في البداية ، ولكن مع مرور الزمن و زيادة الخبرات بدأت اعيد قراءة ما كتبه لاتفق معه في أغلب ما كتبه ، بل كنت ارى تطابقا غريبا بين افكار كانت تراودني كثيرا و بين ما أقراءه بين صفحات كتب هذا الرجل ، ثم جاءت المهزلة الكبرى عندما قام شخص لن اذكر أسمه حتى لا أكون سببا في التعريف به فهو اقل ما يوصف أنه ضحل العقـل ، ليرفع قضية بردة الدكتور العالم ، و وجوب تفريقه عن زوجته ، و كان القانون المصري للأسف في ذلك الوقت يأخذ بمبدأ "الحسبة" ، كان نصا قانونيا قديما عفا عليه الزمن استغله هذا الشخص و نجح في الحصول على حكم قضائي نتيجة لما كتبه عبد الصبور شاهين في تقرير عن بحث تقدم به الدكتور ابو زيد بعنوان "نقد الخطاب الديني" ، و الذي أنتقد فيه اسلوب الفكر السلفي و تأويل القرآن ، و الأخذ باسلوب التفسير النصي للقرآن ب
قراءة المزيد

تنظيم القاعدة بيقتل 37 مسيحي عراقي علشان كامليا المصرية !!

صورة
  الظاهر أن مقولة أن "الغباء موهبة نادرة" بقت مقولة خاطئة الغباء النهاردة بقى ظاهرة كاسحة ناطحة مسطحة زى عقول أصحابها لدرجة أنهم يقتلوا الناس في العراق علشان موضوع تاني في مصر ... عجبت لك يا زمن ! قعدت ساعة و نص على النت أجري ما بين المنتديات السلفية و مواقعهم اشوف ردود الفعل على الخبر ده ... لقيت شيء غريب في كل المنتديات و المواقع ...لا يوجد أي تعليق عليه كأنه غير موجود و المرة الوحيدة اللي لقيت الخبر موجود في أحد المنتديات مشرفين المنتدى أغلقوا الموضوع و بعد شوية لقيته أتحذف ... تجاهل غريب !! طبعا معروف أن تنظيم القاعدة و تنظيم دولة العراق الإسلامية بانتمائهم للفكر الوهابي السلفي ، و طبعا الحادث كان من القذارة أنهم يقدروا يردوا عليه فواضح ان التعليمات وصلت ليهم تجاهلوا الحادث مش عايزين مشاكل اليومين دول كفاية اللي حصل للقنوات بتاعتنا اللي كانت راس حربة موجه لعقول الشباب ... مش ناقصة حرب جديدة. نيجي للحادث الثاني اللي انا شايفه على قد تفكيري المتواضع انه ما يقلش أهمية عن موضوع الكنيسة العراقية ، و هو زيادة الحد الأدنى من المرتبات ... الموضوع ده هيعمل أزمة جديدة
قراءة المزيد

الرأسمالية : قصة حب !

صورة
هذا هو العنوان الذي أختاره مخرج فيلمنا اليــوم "مايكل مور" ، أنه يبحث عن اسباب هذا الحب القبيح الذي يربط الأمريكان بما يسمى بالرأسمالية ، فكان عليه أن يستكشف أو يكشف لنا - و هذا هو التعبير ألادق – عن أسباب هذا الحب الذي يجمع أمريكا بالرأسمالية و هو الجشع ، ليس جشع الشعب الأمريكي ، ولكنه جشع أصحاب رؤوس الأموال اللذين لا يكتفون بما يمتلكونه بل يتصيدون الفرص لأخـذ ما يمتلكه الفقراء حتى لو كانت منازلهم التي يسكنون بها. في فيلمه السابق Sico كان موضوعه الأساسي هو قوانين الـتأمين الصحي أو الرعاية الصحية كما يفضل أن يسميها الأمريكان ، و كيف أستغلوا هذا الهدف النبيل لتوفير رعاية صحية متكاملة للشعب لكسب مزيد من المال لصالح الرأسماليين ؛ يبدأ "مور" فيلمه بقصة أسرة أمريكية بسيطة سيتم إلقاءها في الشارع بسبب عدم وفائها لقرض أستدانوه من أحـد البنوك ، ربما البعض يرى أنها مشكلة فردية إلا أن الفردي يصبح عام عندما يكون النظام بأكمله مدان ، فالقرض الذي فشلت تلك الأسرة في تسديده ، ما هو إلا جزء من عملية نصب كبيرة تقوم بها البنوك ، فصاحب المنزل يشرح لنا في موقف آخر كيف أنه بدأ في
قراءة المزيد