عندما تغتصب امرأة رجل !

اليومين دول كلمة مشغول قليلة و عندي حاجات كثير عايز أكتب عنها ، السنة دي باينة من أولها حادث الكنيسة ، و بعد كده موضوع الشخص اللي تم تعذيبه لغاية لما مات على ايد أمن الدولة ... مواضيع بصراحة تغم النفس ...

كملت بقى النهاردة على الصبح بتكلم مع بعض الزملاء فوجئت بواحد جي بيقولي الظاهر أننا لازم نعمل حملة للتحرش ضد الرجال ... قعدنا نضحك كلنا و نتريق ، وهو بيبص لينا بستغراب و راح مسلمنا ورقة فيها خبر عن اغتصاب ثلاث سيدات لرجل لمدة اربع ايام و في الآخر رموه في الشارع بين الحياة و الموت ... الحكاية دي حقيقية و حصلت في باكستان و الشرطة بتدور على الجناة الي هربوا ، لكن الأهــم اغتصبوه أزاي.

Woman Raped a Man الموضوع نشرته صحيفة باكستانية اسمها ديلي تايمز ، ثلاث نساء عجبهم واد حليوة اسمه خليل و عنده 23 سنة بيشتغل جرسون في مطعم ... المهم الثلاث ستات طلبوا من الواد الحليوة ده أنه يجبلهم الأكل يوميا على شقتهم ، و الواد وافق الظاهر كان طمعان في البقشيش ، و خدوه يعرفوه على بيتهم و رحبوا بيه و قدموا ليه كوباية لبن و حطوا فيها مخدر ، و عينك يا محترم ما تشوف ألا النور اربعة ايام بيتناوبوا على اغتصابه لغاية لما الولد انهار تماما و بقى بينزف و في الآخر رموه في الشارع بين الحياة و الموت ...

طيب اليومين دول ماسكين دماغنا تحرش و أن الرجالة دي عالم و حشة و قليلة الأدب و أنا فاكر من كام سنة حد كان عامل حملة أن كل واحدة عايزة تركب الأتوبيس تشيل معاها دبوس أظن و الا مسمار و اللي يقرب منها تغزه ، طيب أنا هعمل حملة ... كل واحد من الرجالة الغلابة المظلومة يشيل مطوه قرن غزال و اللي هتقرب هغزها و قد أنذر من أعذر ... و كل عام و أنتم بخير

قرن غزال

تعليقات

  1. richardCatheartالثلاثاء, 11 يناير, 2011

    ههههههههههههههههههههههه

    طيب اقولك ايه ياعمرو على الصبح

    ياعنى دا كلام يرضى ربنا

    ياعنى مره اغتصاب تعمل فيكم كده وعايزين تعملو ايه وماعرفش ايه
    علشان حاله وحده ومش هنا

    لالالالالالالالالالالالالالالالا

    حريمك يابلدى ليهم الجنه

    امال احنا نعمل ايه اللى مغتصبون عبر العصور يارجل
    ولا يازال التحرش والاغتصاب مستمرين على مرئى ومسمع من الدنيا

    ياراجل سيب الحريم ياخد بطار السنين ههههههههههههههه

    صباحك فل

    ردحذف
  2. شهر زادالثلاثاء, 11 يناير, 2011

    صباح الخير
    ضحكتني عالصبح كده والله
    اغتصاب الرجاله موجود من زمان انت نسيت قصة سيدنا يوسف مع امرأة العزيز لولا برهان ربنا كان الاغتصاب حدث فعلا
    ابقى خلي بالك في الطريق وخد معاك مطوة ولا حاجه الزواج قل في البلد والنسوان كثرت هههههههههههههههههههههههه

    ردحذف
  3. Amr Omarالأربعاء, 12 يناير, 2011

    يا قلب القطة ... اليومين دول لو الواحد ماشي في حاله في وسط البلد مهموم من الأرف اللي شايفه و بالصدفة خبط في احدة معدية جانبه تفاجىء أنها صرخت بالصوت الحياني.... يالهوي ده بيتحرش بيا !

    يا ستي أنا ماشي سرحان و ماخدتش بالي
    و كمان مش شايفني ... ايه معجبش و الا أيه !

    و الله العظيم احنا مظلومين .. أنتم بتغتصوبونا كل يوم

    أول ما تبدأ العلاقة ... طبعا الراجل اللي بيتدبس في كل خروجة ... و يا يعيني لما يتقدم ، خلاص وقع في الخاية ... كل أسبوع لازم خروجة و في كل مرة يتصرف فيها مبلغ محترم يخرب بيت أي حد

    و يقع المسكين في الجوازة ... و تبدأ عمليات الأستنزاف المستمرة

    لو ممشيتي في الشارع هتلاقي نص الرجالة دلوقتي ماشين يكلموا نفسهم مش عارفين لموها منين و الا منين

    حررررررررام كفاية

    ردحذف
  4. Amr Omarالأربعاء, 12 يناير, 2011

    يا شهر أنا حاسس ان قرن الغزال مش هتنفع معاكم .. بفكر في حاجة أكبر

    هجيب سنجة أو سيف


    حلاوتك يا شهريار كنت مجننهم بسيف مسرور

    ردحذف

إرسال تعليق

المشاركات الشائعة من هذه المدونة

الرأسمالية : قصة حب !

صورة
هذا هو العنوان الذي أختاره مخرج فيلمنا اليــوم "مايكل مور" ، أنه يبحث عن اسباب هذا الحب القبيح الذي يربط الأمريكان بما يسمى بالرأسمالية ، فكان عليه أن يستكشف أو يكشف لنا - و هذا هو التعبير ألادق – عن أسباب هذا الحب الذي يجمع أمريكا بالرأسمالية و هو الجشع ، ليس جشع الشعب الأمريكي ، ولكنه جشع أصحاب رؤوس الأموال اللذين لا يكتفون بما يمتلكونه بل يتصيدون الفرص لأخـذ ما يمتلكه الفقراء حتى لو كانت منازلهم التي يسكنون بها. في فيلمه السابق Sico كان موضوعه الأساسي هو قوانين الـتأمين الصحي أو الرعاية الصحية كما يفضل أن يسميها الأمريكان ، و كيف أستغلوا هذا الهدف النبيل لتوفير رعاية صحية متكاملة للشعب لكسب مزيد من المال لصالح الرأسماليين ؛ يبدأ "مور" فيلمه بقصة أسرة أمريكية بسيطة سيتم إلقاءها في الشارع بسبب عدم وفائها لقرض أستدانوه من أحـد البنوك ، ربما البعض يرى أنها مشكلة فردية إلا أن الفردي يصبح عام عندما يكون النظام بأكمله مدان ، فالقرض الذي فشلت تلك الأسرة في تسديده ، ما هو إلا جزء من عملية نصب كبيرة تقوم بها البنوك ، فصاحب المنزل يشرح لنا في موقف آخر كيف أنه بدأ في ...
قراءة المزيد

"سلطة بلدي" ... بس دلعة شوية !

صورة
البداية مع تكبيرات صلاة العيـد ، و لحظات التوجه الي تجمعات الصلاة و مع الوجوه الفرحة بقدوم العيد و التهنئات بعــد الصلاة ، ليفاجئني الفيــلم بخطبة لاحـد الشيوخ و التي عادة ما تكون فور أنتهاء الصلاة ، و التي أتت حادة عن الصراع المقبل بين المسلمين و الكفار ، شرد زهني للحظات في تلك اللحظة للأفلام الدينية القديمة و مسلسلات التلفزيون في رمضان ، أحسست أن الزمن يعود بي إلى الخلف قرون مع صوت الشيخ ، هذه الإفتتاحية هي أختزال لفكرة لفيلم وهي التعددية ، ليطرح سؤال هل نستطيع أن نتقبل الآخر حتى لو أختلفنا معه ؟. يتجول بنا الفيلم داخل أسرة حيث نرى طفل لا يحمل جنسية فهو من اب فلسطيني و أمه مصرية ، و الجدة مسيحية من عائلة في الأصل يهودية ، اما العمة فهي أمريكية الجنسية "مصادفة" ، هي بالفعل "سلطة بلدي" ، لكن في نفس الوقت ذكرتني بما كان عليه المجتمع المصري في الماضي حيث كنا نرى اليونان و الأتراك غيرهم من الجنسيات الأوروبية تختلط بالمجتمع المصري ، حتى ان الكثيرين منهم حملوا الجنسية المصرية و تزاوجوا مع العائلات المصرية ، لم يكن الدين خط فاصل أو حاجز بين البشر بل كان هناك أحترام ل...
قراءة المزيد

تطور الحياة السياسية و الاجتماعية فى مصر

1) حكم الترك و المماليك إن اكبر الأزمات التى تعيشها منطقتنا العربية هى عدم قدرتها على اللحاق بما وصلت إليه الحضارة الإنسانية ، فالمشكلة فى أساسها هى أزمة تطور و ليست أزمة سياسية بل إنها أزمة فى بنية الحضارة العربية أجبرتها على التوقف و عدم اللحاق بركب التطور الحضارى ، لذا لابد البحث فى الأبعاد المسببة لها ، التى عملت على تأصيل تلك العلة الأساسية فى الإنسان و المجتمع العربى ، فالأزمة كما شرحها ” مهدى عامل “(1) حتى نستطيع قراءة الواقع الحالى لابد من قراءته فى ذاته أى بعلاقة قطع مع الماضى ، فالحاضر عند ” عامل “ هو الذى يملك مفتاح الماضى و ليس العكس ، فحركة التاريخ ليست متواصلة بل على العكس تتقاطع مع حركة تطور أنماط الإنتاج المختلفة فى بنيتها ، فلا يمكن – كمثال - قراءة نمط الإنتاج الرأسمالى فى بنية تعتمد نمط الإنتاج الإقطاعى ، فالعلاقة بين هذين النمطين لم تكن أستمرارية يتوالد فيها الثانى من رحم الأول بل هى علاقة قطع على مستوى البنية تولد على أثرها بناء فوقى هى الدولة و أجهزتها ، و عملت على خلق شكل أيديولوجى اثر على حركة الفكر ، الفن ، الدين ، العادات ، الأ...
قراءة المزيد