عمرو أديب على الحياة !
خبر نشرته اليوم السابع مش عارف نزل امتى لسه شايفه من شوية ، ممكن في ناس بتختلف معاه و ناس بتتفق معاه بس في النهاية ليه شعبية قوية ، كانت "أوربيت" قائمة على برنامجه السابق "القاهرة اليـوم" ، المهم مش عارف ليه جواية إحساس أن فيه حاجة ورا الموضوع ده ، فجأة أوربيت توقفت و السبب مشاكل مالية مع مدنية الإنتاج الإعلامي علشان مديونية يقال إنها وصلت لـ 2 مليون جنيه ، رغم إن المديونية دي قديمة و حصل أكثر من اتفاق على جدولتها لكن فجأة برده المدينة تراجعت عن الجدولة و تم إيقاف القناة.
مش هطول في الكلام لكن مبروك للحياة إعلامي ليه شعبية كبيرة ، ناس كثير كانت بتسمع عنه من غير ما تشوف البرنامج بتاعه لانه على المشفر ، النهاردة بقى متاح للجميع على المفتوح ، و بقى قدام "عمرو" مشكلة لتغير نوعية المشاهدين و زيادة مساحة المشاهدة بشكل أصبح في غاية الخطورة ، و بقت فرصة لعمرو يصلح غلطته اللي قفلت "أوربيت" على المكشوف مش متشفر ، و بكره نقعد جنب الحيطة و نسمع الزيطة
صباح الخير
ردحذفللاسف الخبر نزل من مده بس تم تكديبه وعمرو رافض الظهور غير عن طريق شاشه اوربيت
ياريت يطلع من اى حته ان شالله من البوتجاز ولا من بتنا بس يطلع
تحياتى
أهلا بيكي
ردحذفواضح إنك معجبة قوي بعمرو أديب ... بس فعلا مضوا العقـد أمبارح الصبح و موضوع تكذيب عمرو أديب لموضوع الحياة ده كان يوم 1 أكتوبر كان على أمل أن أوربيت ترجع تاني ، لكن لما خلاص الأمل راح قرر أنه يطلع على الحياة بس من غير أحمد موسى هيكون معاه رجاء و عزت بس و فريق الإعداد
عمرو أديب بتاع الحكومة و معروف من زمان سيبكم من الحركات القارعة بتاعته
ردحذفلابجد طب قول والله ههههههههههههههه
ردحذفروح ياشيخ ربنا يفتحه فى وشك يارب
يارب يرجع بالسلامه يارب
اشكرك وليك الف تحيه
الخبر صحيح روحت اتاكدت منه بنفسى والله
ردحذفهاينزل من نوفمبر فى البيت الكبير مصر
اشكرك جدا
عمري ما أجيب أخبار مشكوك فيها ;)
ردحذفالجديد إن البرنامج هيبدأ في الأسبوع الأول من الشهر القادم