إسلام أون لاين .... حوار و اسئلة غبية و شوية طرطشة
من بداية أزمة موقع إسلام أون لاين ، و الحديث عن اللي بيحصل لا ينتهي ، الموقع يعتبر من أكبر المواقع الإسلامية و المعبرة عن تنيار الإسلام السياسي مش في مصر بس ولكن في المنطقة العربية ، إمبارح و بعد يوم عمل شاق و مرهق للغاية قررت و صديق لي أن نروح أحد المقاهي لشرب الشيشة كما هي العادة في آخر اليوم قبل ما يروح كل واحد لبيته ، و فعلا رجلينا و ديتنا لقهوة في وسط البلد ، جلسنا و طلبنا الشيشة و ملحقاتها من شاي و قهوة ، وبدأنا ندردش و جت سيرة اللي بيحصل في إسلام أون لاين ... فوجئت بيه بيسألني مجموعة أسئلة و قالي لو قدرت توصل للإجابات تبقى أنت الوحيد اللي عندك حقيقة اللي بيحصل !!
هو : تفتكر أنها صفقة بين الحكومة المصرية و القطرية لضرب أحد أبواق الدعاية للأخوان؟
أنا : لا ما أفتكرش !!
هو : طيب ترجح أنه يكون صراع ما بين السلفيين و المعتدلين في التيار الإسلامي ؟!
أنا : هممم ....... و الله أحتمال !!
هو: تفتكر أنه صراع على الزعامة و قيادة الجمعية الراعية للموقع ؟!
وهو : من الجائز
هو : طيب تفتكر أنها غيرة من السادة القطريين أن الموقع أصبح ينسب إلى مصر و ليس إليهم !!
وهو : نفنسة يعني ... ماشي شغال الناس دي بتحب انها تكوش على كل حاجة و عندك اللي حصل في الفترة الأخيرة الجزيرة الرياضية و شرائها للـ ART
لقيته فجئة بيبص ليا بخبث كده من و أخد نفس طويل من الشيشة و من وراء سحابة الدخان التي أطلقها قال : تفتكر ايه دور الشيخ الشيخ حمد بن جبر آل ثاني وزير خارجية قطر في كل الللي بيحصل ؟
أنا : هممممم .... لا تعليق !!!!
تعليقات
إرسال تعليق