و أنا بشرب شاي الصبح

أغرب حاجة بقابلها و أنا بتصفح المواقع وعلى النت قبل ما أنزل ، هي التعليقات اللي بتبقى على الأخبار من الزوار خصوصا موقع العربية اللي قدر يجب عدد كبير جدا من القراء و المعلقين ، و ده خلى مواقع تانية كتير تعمل زيه

أكثر الأخبار إثارة للتعليقات هي على الأحداث الإيرانية ، طبعا فيه عدد كبير من الشيعة العرب بيدخل موقع العربية خصوصا من العراق ، و تقدر بسهولة تعرفهم رغم أنهم بيحاولوا بكل الطرق أخفاء هويتهم الحقيقية لكن تعليقاتهم و لغة الكلام المكتوب بتفضحهم.

بصراحة الواجد بيشوف فيها العجب ، كثير بدخل مش علشان اقراء الأخبار لكن علشان اقراء التعليقات اللي بيكتبها الناس ، هتلاقي أن الإسلاميين و الشيعة متغاظين قوي من موضوع موسوي الراجل بيهد في حلم دلتهم اللي بيبشروا بيها ، و أغرب حاجة الاتهامات اللي عمالين يحدفوها على الراجل أنه مدعوم من إسرائيل و أمريكا علشان هما بيكرهوا الإسلام ، الغريب ان نفس الناس دي من كام يوم كانوا فرحانين بالكملة اللي قالها أوباما في القاهرة خصوصا أنه أستشهد بآيات من القرآن علشان هو في الأساس مسلم – ده كان رأي واحد من اللي بيعلقوا في العربية - ، يجي واحد تاني يروح قايل ، إسلامي بس واضح أنه مصري و أخواني كمان كاتب كلمتين زي العسل دول بقى اللي لازم يتنقلوا زي ما هما علشان أحتفظ بيها

صبح صبح يا عربيه ==== ايه آخر إخباركم للفتن والنكت النهارده ====== اأأأأأ ه === تانى موسوى وايران +++++++ طيب انا هاقترح علشان العربية تحل المشكلة اللي تعباها من اسبوعين وتريح دماغها ودماغ موسوى والإصلاحيين والمعلقين والديمقراطيين وكل الناس الطيبين والغير طيبين هههههه وتستريحوا من القهر والحقد من ساعة ما فاز نجاة==== اقترح ان تشكل العربيه حمهوريه جديده فى اى مكان ولو حتى على النت ولا فيس بوك ولا يو تيوب وتسميها ( جمهوريه موسوى والعربيه نكت المشتركه الديمقراطيه الحره الابديه ..........) ههههه ويبقى موسوى الرئيس والعربيه نكت المتحدث الرسمى ------- وخلاص نحل مشكلة العرييه ومشكلة موسوى ونحقق لكم احلامكم واوهامكم -------------- و أي واحد في العالم عايز يباى رئيس ييجى للعربية نكت تعملوا دوله ويباى رئيس لها ----- والله ناس كتيره غلابه عايزين يباى رؤساء هيدعولكم يا عربيه نكت هههههههههه===== وتطوروا الفكره فى المستقبل وتعملوا برنامج ((( أستار أكاديمي ---- كيف تباى رئيس) واللى يفوز تعملو له دوله ويباى رئيس هههههه --- ايه رأيك يا ديمقراطي العربية نكت؟؟؟ هتباى ديمقراطى وتنشر ههههههههههههههه ولا زى امبارح ؟؟؟؟؟؟؟؟ لو مانشرت يبقى من القهر اللى لسه عندكم ههههههه ولو نشرت يباى برضه من القهر هههههههه حيرتك مش كده القهر بيعمل اكتر من كده اتحمل يا ديمقراطي هههههه

أما أخوانا الليبراليين فموقهم برده معروف ضد خامئني على طول الخط و بيؤيدوا موسوي ، منهم واحد مسمي نفسه ديمقراطي علماني ، كاتب كلمتين حاطتهم زي ما هما في كل الأخبار الخاصة بإيران الظاهر أن حد كتبه ليه و هو واخدهم قص و لزق في كل أخبار إيران.

بقول أيه كفاية كده أحسن الوقت جري

سلام

تعليقات

المشاركات الشائعة من هذه المدونة

و رحل مفكر آخر “نصر حامد أبو زيد“

تنظيم القاعدة بيقتل 37 مسيحي عراقي علشان كامليا المصرية !!

الرأسمالية : قصة حب !