أي مرشح للرئاسة مجنون ... في تونس الحال من نفس الحال !
حقيقي شر البلية ما يضحك ، كنت بتسكع على موقع العربية فوجئت بالخبر ده ”خروج مرشح مستقل لرئاسة تونس من مستشفى للأمراض العقلية“ ، الراجل أول ما أعلن ترشيح نفسه في انتخابات الرئاسة لقى نفسه فجأة مجنون و تم إيداعه في مستشفى الأمراض العقلية لأنه غير مسئول عن أفعاله و خطر على الآخرين !!
الموضوع فكرني على طول باللي حصل لأيمن نور سجنوه و سحلوه و لعلنوا سلسبيل أبوه علشان رشح نفسه للرئاسة ، ولما رجع أيمن نور أعلن أنه سيواصل كفاحه و ترشيح نفسه للرئاسة بدأت حرب إعلامية غريبة و قرارات بحرمانه من ممارسة حقوقه السياسية ... و أعتقد أن قريب قوي هيعلنوا أنه مجنون و يجب إيداعه في مستشفى الخانكة نظرا لخطورة حالته على الآخرين ... أحسن حد يقلده و يرشح نفسه ، قدام السيد جمال “عزو” ... آسف أقصـد جمال مبارك.
خبوا عيالكم اوباما جاي
حملة تنظيف واسعة و إيقاف الامتحانات في جامعة القاهرة ، وشوارع بيتم تلميعها و تزويقها من أول وجديد علشان خاطر السيد أوباما ، الأخوان بيعلنوا إنهم هيقابلوا السيد أوباما بالرغم من رفض اغلب أحزاب المعارضة المصرية للقائه ، ياله ما هي السياسة مالهاش مبدأ و اللي تكسب بيه ألعب بيه ، حتى لو كان دماء البشر ...
تعليقات
إرسال تعليق