19 يونيو، 2009

الفول المدمس غلب البيتزا

حاسس أني في حلم من أمبارح ، مصر تهزم إيطاليا بطلة العالم ، أبن خديجة و نفوسة و نحمده ، كسبوا ولاد ماريكا ، الواد عسوي ضرب ابن الباشا و قطعلوا هدومه يا جدعان ، كما هي العادة لفيت على المواقع منهم منتدى كروي ساعات بروح أدردش فيه ، أغلب أعضائه من الطلاينة و الانجليز و الأمريكان مش مصدقين اللي حصل ، واحد أمريكاني منهم قالي ما معناه إنهم خايفين قوي من المنتخب المصري ، و إن مصر بقت دولة كبرى في عالم كرة القدم ... حلوة دولة كبرى دي ... والله قعدت أضحك على الجملة دي ربع ساعة ، أحنا دولة كبرى يسمع من بقك ربنا يمكن يتسجيب لدعاك بس أحنا مش عايزين نبقى دولة كبرى في الكورة عايزين نبقى دولة كبرى بجـد ، المهم سبت العالم دي و رحت أشوف المواقع الإيطالية و صاحبكم في الإيطالي ما يتوصاش يعني من أول كاليسبيارا سنيوريتا و أنت .... نازل .. هو ده إيطالي. ... المهم رحت على موقع أشهر جرنال رياضي اسمع عنه بس كانت أول مرة أعدي عليه ، لقيته الحمد لله عامل نسخة انجليزي لقيت الصورة و العنوان ده متصدر الموقع

0KLG9BOF--620x300

Italy beaten pants down

يعني إيطاليا أتعرت يا جدعان و حاطين صورة الواد جاتوسو لما الشورت وقع منه و كاتبين تحتها حاجة كده معناها جاتوسو قلعوه هدومه على حين غفلة.

و الله رفعت راسانا يا حسن يا ابن العم شحاته و خليتنا نحس بالفخر و نستطعم شوية فرح في دنيا اختفى منها طعـم الفرحة

علامات Technorati: ,,