Free Mass - آراء على هامش الحياة

بما أني بقالي أسبوع مش عارف أدخل على الفيس بوك و يظهر أن الأكونت بتاعي أتسرق أو حصل فيه حاجة مش عارفها ، رغم أن أصحابي قالولي أن الأكونت ما أتغيرش فيه حاجة ، لكن بصراحة قلقان و يمكن مش مفتقده قوي لأني من البداية ما كنتش من المهوسيين بيه و بتعامل معاه بشكل عادي جدا و يمكن ما أهتمتش بيه بقوة إلا من بداية الدعوة للثورة ... المهم النهاردة الأخبار بدأت بتنتشر إن جوجول هتدخل مجال الشبكات الأجتماعية بموقع جديد سموه “Google Circles”   لكن ايه موضوع دواير الجوجول اللي أعلنوا عنها ، بالرغم أن المعلومات شحيحة جدا لكن هيبدأ تدشين الموقع خلال أيام و حسب المعلومات المتوفرة هيكون في أوائل الشهر القادم يعني بعد أيام ، و جوجول كان عندها مشروع من فترة بعتبره من أكثر المشروعات فشلا في تاريخ الانترنيت من بداية انشاءها لغاية النهاردة ، و هو مشروع Google Wave أو بالعربي موجات الجوجول ، الي تشرفت أني أكون من اوائل اللي تم تجربة المشروع ده عليهم قبل ما يتم فتحه على للجمهور ، و كان بيتم دعوة الناس ليه بدعوات خاصة إما من خلال الشركة أو من خلال بعض مستخدمي خدمات جوجول بشكل عشوائي و الظاهر طلع أسمي قدا...

النظام السابق و خصوصا سامح فهمي وزير البترول اللي مرمي في السجن دلوقتي ، كانوا دايما بيعيشونا في الوهم ان احتياطي الغاز و البترول في مصر من اعلى المعدلات في العالم ، لكن الأرقام الحقيقية أن احتياطي الغاز مش هيكفي مصر أكثر من 15 سنة حسب التقديرات الأولية بعد الثورة و بعد ما أنفتح صندوق الأسرار اللي كانوا خافيين فيه بلاويهم ، ده على طول بيفكرني بمصر في فترة الستينات ، لما كان عبد الناصر بيرفض دخول أي شركة أجنبية مجال التنقيب على البترول لأن اسلوب التعامل مع الشركات دي لا يمكن يكون لصالح الدولة بأي حال من الأحول ، جرت العادة أنه يتم أعطاء مساحة ارض للشركة الاجنبية المتقدمة للعمل ف مصر للتنقيب فيها على أن يتم اقتسام العائد بنسبة 1 : 3 لصالح الشركة المنقبة على أساس انها هي اللي بتتحمل تكاليف التنقيب و البحث ، طبعا في الحالة دي ممكن الشركة الأجنبية تلعب في كميات البترول اللي بيتم اكتشافها أو تعلن عن كميات تعتبر كاحتياطي أكبر بكثير من الحقيقي فتسمح ليها وزارة البترول باستخراج كميات أكبر من المسموح بيه ، لان من المعروف عالميا أنه بيتم استخراج ما يوازي 30٪ من اجمالي الاحتياطي للحفاظ على نسبة اح...

يا ترى بتحب الفن و الجمال و لا من هواة الكراهية و المنع و الأرهاب ، يا ترى بتقدر تتذوق ريشة فنان على لوح من القماش و الا بتشوفها عبارة عن مجموعة الوان متلخبطة مش فاهم منها حاجة ، يا ترى بتحب تتفرج على الباليه مثلا و الا بتشوفه قلة أدب و ناس لابس هدوم معرية نص جمسها من فترة اليوتيوب بدأ يسمح لبعض المشتركين بالبث على الهواء بصراحة شيء ممتع خصوصا أن في بعض القنوات في غاية الجمال منها القناة اللي لقيتها النهاردة بالصدفة و هي أسمها DanceSportTotal بتذيع على الهواء بطولة أوربا في رقص الصالونات شىء في غاية الجمال و الرقة هسيبكوا تتفرجوا ... مش عارف هتفضل لغاية امتى شغالة بس أنا هسهر معاها النهاردة و أدعوكم تسهروا معاها و متعة الفن الراقي

كلمة بقت عاملة زي اللبانة في بق الناس ، ليبرالية ، ساعات تلاقي ناس عمالة تهتف باسمها ، و ساعات تلاقي ناس عمالة تلعن سلسفيل أبوها ، طيب يا ترى حد فيكم عارف معنى الليبرالية الحقيقي ، معلش هحاول ادعي الثقافة و استحملوني في الكلمتين دول ... أول حاجة لازم نعرفها هي الكلمة دي جت منين ، هي مشتقة من كلمة انجليزية liberal يعني متحرر و أتحورت و بقت Liberalism يعني ليبرالية ، كثير فاكرنها أنها الفوضى أو التحرر من كل القيود ، لكن للأسف الشديد المعنى ده غير صحيح أو بمعنى ادق مدسوس دس على المعنى الحقيقي و الفلسفي لليبرالية ، الليبرالية بتدي للفرد كافة الحقوق و الحريات الخاصة به في حدود نفسك ، يعني مثلا عايز تلتزم بدينك حقك و محدش هيعترض عليك ، لكن في نفس الوقت مش من حقك أن تفرض ده على الآخرين إلا إذا ارتضوا بده ، بمعنى أدق أن الليبرالية تعطيك حق الحياة وفق قناعاتك الشخصية ، إذا الحرية هنا حرية فردية تعطي لك كامل الخيارات لحياتك ... الليبرالية مش بس في حياة الانسان لكن كمان في الاقتصاد هي حرية المعاملات الاقتصادية و التجارية بدون تدخل الدولة في أطار مجموعة من القوانين المنظمة لها ، لكن في نفس ...

يا ترى فاكرين الاغنية دي ، عن نفسي بحبها جدا ، التسجيل ده كان في نادي ظباط القوات المسلحة في الاحتفال بعيد الثورة سنة 55 كلمات: حسين السيد ألحان: محمد عبد الوهاب غناء: محمد عبد الوهاب دقت ساعة العمل الثوري لكفاح الأحرار.. تعلن زحف الوطن العربي بطريقه الجبار والثوار هم الشعب والأحرار هم الشعب والثوار هم الشعب والأحرار هم الشعب عارفين المشوار هي إرادة شعب أتحرر يوم تلاتة وعشرين طلع الفجر عليه كان عارف هو طريقه منين راح للماضي بعت له جبابرة خلي عبيد الأرض أسياد ميت سنة وأكتر قلته في عشرة لا رجعية ولا استعباد لا رجعية ولا استعباد من أول مشوار دقت ساعة العمل الثوري لكفاح الأحرار تعلن زحف الوطن العربي بطريقه الجبار والثوار هم الشعب والأحرار هم الشعب والثوار هم الشعب والأحرار هم الشعب عارفين المشوار ومشي الركب يواصل سيره وحارب الاستعمار في ألوان الذل وطارد شبحه في كل جدار طلعوا علينا بعدوان فاشل قمنا نرد النار بالنار ظهر الحق ورجع الباطل لا حرية مع استعمار لا حرية مع استعمار وما كملش المشوار دقت ساعة العمل الثوري لكفاح الأحرار تعلن زحف ا...

أمبارح صديق على الفيس بوك حط كلمتين حلويين فيهم شوية حاجات تغيظ تحطهم مع بعض التعديلات و شوية إضافات من عندي أولا رد على الرسالة اللي كانت شغالة لفترة من الفترات و كانت بتججن الواحد الرسام الدنماركى لسة عايش و متحرقش لو اشترك خمسميت مليون واحد في جروب ... برده اسرائيل مش هتخرج من فلسطين مفيش حاجة اسمها خلى بروفيلك يشغل موسيقى ما تصدقش اللي يقولك واحد مسيحي أتحداني اني اجمع 10 مليون مسلم خلال اسبوع ... مش هتكسب مليون دولار ولا هتقبض 300000 دولار كل شهر من شوية ضغطات على بانرات واعلانات سخيفة !!! وان مش معنى ان نجمة داوود بتنزل مع الأوفيس يبقى اسرائيل اخترقت جهازك وهتسرق منه المعلومات النووية اللى سيادتك مخبيها كان فيه جروب منتشر اوي عايزين 30 مليون واحد عشان نحط الفانوس علي جوجل ولما نحط الفانوس علي جوجل يعني المدفع هيضرب بدري؟ نيجي بقى للإيميلات المتخلفة عقليا خصوصا الرسائل اللي تقولك أبعت و هتكسب مليون حسنة تقولش مسابقة الشمعدان يعنى ايه جهل ع الفيس بوك :يعنى تلاقى "خالد" كاتب نكته و حلوة و بتضحك عليها رلاغم كده محدش يعبره و لا حتى يعمله لايك .....و بعد شوي...

النهاردة كنت مع بعض الأصدقاء مجتمعين في أحد المقاهي بوسط البلد ، كنت لسه مشتري اللاب توب الجديد ، و فرحان بيه ، و احنا قاعدين قلت أجرب بالمرة أدخل بيه على النت و فعلا نجحت و قلت نبص على الأخبار ليظهر لينا الخبر اللي كت منتظره الإخوان:نسعى لإقامة الحكم الإسلامي وتطبيق "الحدود" بعد امتلاك الأرض ، حسيت فجأة أن حلم الديمقراطية و الحرية ... أنتهى ، حقنا في أننا تقول رأينا بحرية في أي حاجة أنتهى حقنا حتى أننا تلبس اللي احنا عايزينه ... أنتهى حلم الدولة المدنية اليمقراطية أعلن الأخوان موتها بالضربة القاضية و عندنا كثير من الدلائل اللي بتأكد ده ، أكبر مثال هو السودان دولة بيحكمها فرع الأخوان في السودان شوفوا بيعملوا أيه في الناس البنت اللي بتنجلد بكل وحشية طفلة عندها 16 سنة كل تهمتها أنها لبست بنطلون جينز ، تخيل نفسك لما تتجلد علشان لبست بنطلون جينز ، و بما أني اشتغلت فترة مش قصيرة في السودان ، هناك اللي عايز يشتغل لازم يكون منهم ، هما محتكرين كل حاجة مش بيدوا الفرصة لأي بني آدم أنه يعل أي مشروع أو تجارة إلا إذا كان منهم فأنتشر في السودان النفاق و الكذب و الخديعة و كله باسم ال...

  خبر محدش عايز ينشره مش عارف ليه ...السيد الدكتور محمود محي الدين اللي دلوقتي قاعد على كرسي مدير البنك الدولي – و طبعا كلنا عارفين أيه هو البنك الدولي – و وزير الاستثمار السابق رفض أنه يرجع لمصر لانه متهم بالفساد و طبعا السادة الأمريكان اللي بيتحكموا في البنك الدولي مش عايزين يرفدوه و سيابين حرامي قاعد على أكبر كرسي اقتصادي في العالم ... معروف أن محمود محي الدين كان من المشاركين في كارثة بيع القطاع العام و تخريب الاقتصاد المصري ، ده خلاني أفكر قوي ليه الحكومة لغاية دلوقتي ساكته على موضوع القطاع العام تحس كده أن في ضبابية في الموضوع ، شركات زي غزل شبين و عمر أفندي و غيرها مئات من الشركات تم تدميرها تقريبا و اتباعت أجزاء كثير منها كأراضي فضاء و أترفد عدد كبير من العمال و الموظفين ، و الحكومة الجميلة قاعدة ساكتة ليه ! الغريب رجعت تاني اليومين دول نغمة رجال الأعمال و أنهم الخلاص اللي هينقذ مصر ، مش عارف يعني بعد السنين دي كلها من الفساد و السرقة و تدمير شعب مصر على ايديهم لسه ليهم عين يتكلموا .. طيب ليه دايما لما حد يجيب سيرة القطاع العام قدامهم يتخضوا و يهاجموه كأنه بيطلب من...

كثير قوي قعدت اسأل نفسي ليه في ناس بتطلع على ميدان مصطفى محمود و تعمل مظاهرات بتؤيد الرئيس المخلوع اللي قاعد يتشمس في شرم الشيخ و يدلي بتصريحات ، لغاية لما شوفت الفيديو ده بيأكد أن الناس دي فاهمة كويس قوي القضية و عارفة هي بتقول أيه أتفرج علشان تقتنع بآراء قوية بأدلة غير قابلة للنقاش

كلنا عرفنا اللي حصل النهاردة الفجر و عمليات التدمير اللي حصلت الفيديو ده بيوضح حقيقة اللي حصل و تقدر تعرف منه مين دول

لحظة القبض على زكريا عزمي … أول الغيث قطـــــــرة

لا أعرف لماذا كلما شاهدت أحد هؤلاء النخبة و هم يتحدثون على شاشات التلفزيون أتذكر الفنان الكبير يوسف وهبي في فيلم ”إشاعة حب“ و هو يهتف غاضبا من زوجته ذات الأصول الأناضولية ”فلتسقط بنت سلطح بابا“ ، فخلال الفترة الأخيرة خرج علينا بعض النخبة على شا شات التلفزيون يتحدثون عن فشل المنظومة التعليمية في مصر ، توقعت في البداية أن يتطرق النقاش إلى تحديث العملية التعليمية و أساليب الامتحان و حذف الحشو الزائد و ما شابه من الموضوعات الخاصة بتطوير العملية التعليمية في مصر ، لكن الغريب في الأمر كان التركيز على مجانية التعليم و أنه السبب الأساسي في فشل المنظومة بالكامل في رؤية ضيقة تعكس نظرة طبقية استشرت خلال السنوات الأخيرة ، متناسين في وسط رؤيتهم المتعالية للمجتمع أن غالبية الشعب المصري يعيش تحت خط الفقر ، فأنت تحجر بهذا الرأي على أكثر من 70٪ من هذا الشعب ، فمجانية التعليم هي أكثر الآليات نفعا و إيجابية في زيادة مدخلات الأسر الفقيرة و المعدمة فهي تمثل بالنسبة لهم مورد مستقبلي بعد نهاية تعليم أولادهم ، ثم يأتي البعض ليحطم تلك الآمال بهدم مستقبل تلك الأسر بدعوى عدم جدوى مجانية التعليم. مازال هؤلاء ي...

شوية فرفشة لأن بقالنا كام يوم الأخبار و التوقعات بقت متسرش عدو لا حبيب ، الناس خلاص قربت تنفجر من عدم وضوح الرؤية و كل شوية يطلع علينا واحد في التلفزيون يفتي بحاجات تجيب ضغط الدم حتى ماتش الكورة اللي قلنا يمكن يرفه عننا شوية قلب بكارثة ، المهم امبارح و أنا بقلب في التلفزيون جبت محطة اليورو نيوز ... بصراحة مش بتابعها كثير انا من محبي الـ BBC بس الخبر اللي شوفته خلاني أبتسم لأول مرة من كام يوم و يمكن يرسم ابتسامة على وجوهكم لو كنتم مهمومين زي.