المشاركات

عرض الرسائل ذات التصنيف شخابيط

الثعلب ... ناضل من اجل الحق و أوقعته الخيانة

صورة
ا لكثير من الجيل الحالي لا يعرف من هو "كارلوس" ، هو "إلييتش راميريز سانشيز" الذي أشتهر بأسم "كارلوس" ، فنزويلي ولد عام 1949 ، ورغم أنه من أسرة ثرية و كان يمكن أن ينعم بثرائها إلا أن أقتناعه بالقضية الفلسطينية و نبلها جعله ينخرط مع المقاومة الفلسطينية و انضم للجبهة الشعبية لتحرير فلسطين ، درس كارلوس الهندسة في موسكو ، و اعتنق المبادىء الشيوعية و هناك تعرف على العديد من الفلسطينين الذين كانوا يدرسون معه في تلك الفترة ، و فور انتهائه من الدراسة أنتقل إلى لبنان لينضم إلى صفوف الجبهة الشعبية لتحرير فلسطين ، ليبدأ معها طريق النضال ضد الصهيونية. كانت أولى عمليات كارلوس يوم 6 سبتمبر 1970 في مطار "داوسن" في كندا ، شارك معه في تلك العملية الفدائية ليلى خالد ، و كان لها صدى كبير في العالم بعد طائرات شركة "العال" الموجودة في المطار بالكامل ... في فبراير عام 1972 كانت أكثر العمليات أثارة عندما قام و معه عدد من أعضاء الجبهة الشعبية بأختطاف طائرة لأحدى الشركات الأمريكية و كان عليها "جوزيف كينيدي" أبن السيناتور "روبرت كينيدي" أ...

ثورة مرتبكة

صورة
خلال أتون الثورة المصرية في 2011 نادى العديد من الثوريين و أنا كنت منهم للأسف الشديد بمدنية الدولة و لكن في وسط خضم هذا الحماس كنت أحيانا أقف مرتبكاً ما هي الدولة المدنية التي أريدها هل دولة فقط لا يحكمها شخص يرتدي البدلة العسكرية و لكن إذا جاء هذا الشخص من خلال انتخابات ديمقراطية و نزيهة هل أرفضه فقط لانه تاريخه كان عسكري و في نفس الوقت أنكر مدنية مؤسسات الدولة القائمة بالفعل منذ القرن الثامن عشر ، و خلال التاريخ الإنساني الحديث هناك من كان يرتدي البدلة العسكرية و ترأس بلاد ديمقراطية مثل الولايات المتحدة و على راس هؤلاء دوايت ايزنهاور الذي كان قائداً لجيوش الحلفاء في أوروبا ، و آخر الرؤساء الذين لهم خلفية عسكرية جورج بوش الأب الذي كان طيارا في الجيش الأمريكي ثم بعد ذلك تقلد منصب مدير المخابرات المركزية الأمريكية ثم أنتقل لعالم السياسية ليصل إلى منصب رئيس الجمهورية ... في بدايات الثورة المصرية طرح النموذج التركي للحفاظ على مدنية الدولة و أن يكون الجيش حامي لها ، ولكن تلك الفكرة لم تلقى رواجاً بين الثوار و النخبة السياسية سواء العلمانية منها أو الدينية و كان لكل منهم اسبابه فالليبرال...

كومديا ديلارتي و كوميديا "سلفي لارتي" !

طبعا كلنا الفترة الأخيرة تابعنا خبر وفاة نيل أرمسترونج رائد الفضاء الأمريكي و هو أول انسان لمست قدمه سطح القمــر ، لكن الغريب في الأمر أن صفحة "كلنا خالد سعيد" لما نزلت الخبر كانت التعليقات أكثر من كوميدية من أصدقائنا السلفيين ... أنا مش عارف أقول أيه لكن هما فعلا تخطوا كل الحدود و فاقت الكوميديا السلفيا ... كوميديا ديلارتي الإيطالية الشهيرة .. لكن للأسف الشديد سخرية الكوميديا السلفي لآرتي وصلت إلى حد الجنون لما نط واحد منهم و كتب تعليق قال فيه أن نيل أرمسترونج أسلم من فترة لأنه سمع الآذان على سطح القمر و الأغرب أنك تلاقي تعليق تاني من واحد سلفي برده بيقول أن الصعود للفضاء و خروج الانسان خارج الغلاف الجوي للأرض والابتعاد عن الجاذبية الارضية امر مكذوب ، لم يخرج اي انسان الى الفضاء الخارجي منذ ان اسرى الله بنبينا محمد صلى الله عليه و سلم بالسماء ... للأسف الشديد الناس دي مصدقة الكذبة بشكل عجيب ، و ده بيخليني خايف من بكره لما يسيطروا على التعليم في مصر ولادنا هيتعلموا ايه !!!!

لو حطيت للمجنون ميت عقل على عقله ميعجبوش إلا عقله

صورة
من فترة قررت أني منزلش الميدان و كتبت ده في التدوينة اللي فاتت لأني كنت عارف كويس قوي أن جمعة لم الشمل أو جمعة تصحيح المسار هتبقى جمعة الصوت العالي ، 11 منصة أترفعت في الميدان محدش بسمع حد ... لدرجة واحد صاحبي خدته الحماسة و كان بيحاول أني أرجع عن رأيي و قعد يقولي أن أجواء الثورة الحقيقية هترجع تاني و أنا بصراحة كنت بسمعه و اضحك و أعيط في نفس الوقت ، لأن المواقف خلاص أتكشفت و بقت بزرميط ... السادة الأخوانجية عايزين ثورة على مقاسهم مرة معاها و مرة ضـدها ، و السلفيين شايفين الثورة برده بطريقتهم و واضح أن عم الشيخ حازم – اللي لغاية دلوقتي محدش قادر يحدد جنسية أمه ايه - كان معيشهم في حلم دولة الخلافة و إعلان الحدود و أنهم هيقطع رقبة كل العلمانيين الكفرة ... طيب نشوف كده ايه اللي حصل في التحرير ... 11 منصة أتنصبت ، عشرات الميكرفونات كل ميكرفون بيحاول يغطي على اللي جنبه كأننا في مولد سيدك الثورجي ... اللي بقوله مش انتكسه عن موقفي السابقة أو يأس من الثورة .. لكن كفر بكل التيارات اللي بترفع راية الدين علشان مكاسب شخصية ... نبدأ مع بعض كانوا بيقلوا علينا أيه ! عمك الشيخ الهمام أعتبر أن ا...

الكذاب لما يصدق نفسه

صورة
معنديش كلام اقوله الصورة بمليون كلمة ممكن تتقال  

الكذاب "السلفي" مالوش رجلين !

صورة
  مش عارف أقول أيه ! قالوا علينا كفار قالوا علينا مش عايزين نطبق شرع الله قالوا علينا عايزين نمشي الناس عريانين في الشوارع قالوا علينا بتوع ترامادول قالوا علينا كل اللي يخطر على بالك من تهم و افتراء طيب هما طلعوا أيه !! الأول نائب في البرلمان منهم طلع كداب الثاني مرشح للرئاسة طلع نصاب ده غير ما خفي من المصايب خلص الكلام !

هاري بوتر و الثورة

منـذ ظهور سلسلة أفلام هاري بوتر كنت مبهور بالقصة و الأخراج ، لكن بالأمس و أنا أشاهد حديث الدكتور الببلاوي أحسست اني أستمع إلى الساحر الشرير "فولدمورت" عدو هاري بوتر الطفل الطيب الذي حمل على أكتافه مصادفة أن يحارب هذا الكائن الشرير ، الببلاوي هنا يمثل الساخر الشرير و الثوار الحقيقيين أصبحوا يمثلون هاري بوتر فهم حملوا على أكتافهم حمل ثقيل خاصة بعد الانتخابات الاخيرة ، فالاخوان يمثلون الإسلام الطبقي الرأسمالي و برنامجهم الاقتصادي لا يختلف عن برنامج ننوس عين أمه أللي قاعد في طره ، و السلفيين ايدك منهم و القبر هما بيمثلوا الاسلام البدوي الصحراوي فموضوع الاقتصاد و المجتمع مش في دماغهم القضية بالنسبة ليهم توزيع المعونات اللي بيشحتوها من الخليج كأن الشعب المصري اتحول لشعب من الشحاتين لما تيجي تقرا برنامجهم الاقتصادي متلاقيش حاجة .... نيحي بقى للمهم عصبة الليبراليين اللي نجحوا في المجلس كلهم بيمثلوا الطبقة البرجوازية اللي برده هتحارب علشان مكاسبها مش علشان الشعب ، و في الناحية الثانية بيقف الشعب بيحلم مستني الفرج على ايد بطل زنهار يجي يغير اللي هما ما قدروش يغيروه كأن الثورة ما قمتش...

الكلاب بطلت تنبح !

صورة
الظاهر أن الكلاب عرفوا ان نباحهم مش هيجيب نتيجة فشالوا الصفحة بتاعتهم من على الشبكة و أختفوا بعد ما عرفوا أن عصر القهر أنتهى و أن شمس الحرية سطعت و هيزيد نورها ... صفحة هيئة الأمر بالمعروف و النهي عن المنكر في مصر اختفت من على شبكة الفيس بوك النهارده بشكل مفاجئ و من غير إنذار ، واضح أن المسئولين عن الصفحة عرفوا بعد ما شافوا الويل اليومين اللي فاتوا أن اللي بيعملوه ده أقل حاجة يتوصف بيها أنه غباء × غباء ، بصراحة عمري ما شفت حد أتشتم أد ما أتشتم الناس لدرجة انهم كانوا ساعات بيصعبوا عليا و اقول طيب طالما انك مش قد العملة دي بتعملها ليه ... نقول أيه ناس غاوية تتشتم و خلاص فاكرين أنهم علشان كسبوا شوية كراسي في البرلمان خلاص هيتحكموا الناس مش عارفين أنها مرة و خلصت و الناس هتعرف كويس أنهم مش هيعملوا حاجة و مش هيكونوا مش أكثر من أراجوزات في مولد سيدك البرلماني و ان المجلس اللي فرحانين بيه من غير صلاحيات يعني وجوده زي عدمه و الدستور مش هنسمح ليهم أنهم يكتبوه و هنقف و نحارب ضـد اي كلمة ممكن تتفسر على هواهم ... النهارده رجعت البيت متأخر شوية و قلت ياض أفتح التلفزيون و اتفرج و انت قاعد تتغدى...

حاليا في المتاجر هيئة الأمر بالغباء في مصر !

صورة
الظاهر أن الغباء زاد قوي اليومين دول ، طلع علينا بتوع حزب النور الوهابي اللي قبل كده رفعوا أعلام السعودية في ميدان التحري بدل ما يرفعوا علم بلدههم ، معلش أعذروهم أصل عندهم عمى ألوان و لا حرج على المريض زي ما هو معروف لكن اليومين اللي فاتوا طلعوا علينا ببيان كوميدي عن هيئة الأمر بالمعروف و انه جاري حاليا إجراءات تفعيلها  ، و النهارده طلعوا بيان تاني أنهم تلقوا  مئات الطلبات للانضمام للهيئة و ده نص البيان و بمناسبة تكوين الهيئة قررت مع بعض الأصدقاء إننا نتجمع مع بعض و هنشرب في الشارع و اللي هيقرب محضرين ليه مفاجأة حلوة ( جزمة قديمة وسخة تليق بمقامه ) في صحتكم كلكم

بشاير الانتخابات !

صورة
  طبعا بعد النتائج الاولية للانتخابات الموضوع كده حاسس إننا رجعنا لعصر الكهف من تاني ... اللي كان بيخطط علشان يحتفل لراس السنة المرة دي اعتقد ان تخطيطه هيروح فاشوش ، عن نفسي مسافر و طالع بره البلد علشان أحتفل براحتي من غير ما حد ينغص عليا عيشتي ... المهم انتظروا التغيرات الجديدة اللي هتحصل في البلد مؤمن هيبقي الدليفري الوحيد في مصر سيتم تغيير الطريق الدائري الي الطريق المستقيم درينكيز ..... هتبيع سوبيا التوحيد و النور حيفتح في سيتي ستارز مكان زارا ..! هيشيلو التفاحه بتاعة اى فون ... و يحطو بلحه ! تدخل كنتاكي تطلب دينر بوكس تلاقيه مغطيلك الصدر و الورك بمنديل ( علشان تبقى شرعي ) مصر هتختار شيبسي بطعم التمر اقوى شتيمة هتكون ''ثكلتك أمك" و طبعا ما تنساش التيت سيتم إضافة إن شاء الله بعد كلمه انتر في الكيبورد ... بس مش عارف إزاي بس مش هيغلبوا !! اما تكلم حد و الرقم ما يجمعش معاك ... هتطلع الست الغلسة دي و تقولك ... لا آسف مش ست هيغيروها براجل غلس برده و هيقولك "الرقم المطلوب مغلق و اللة أعلم" أسيبكم بقى أحسن الموضوع قالب معايا كوميديا سوداء...

ليه بنخجل من حقيقتنا !

بقالي فترة بعيد عن الانترنيت بسبب بعض المشاغل و السفر في مهمة عمل ، و من يومين لقيت وقت فاضي أتابع التويتر لقيت هوجة و زعيق و نعيق ، أيه في أيه يا معشر التويتر ، واحد بعاتلي رابط للمدونة قلت أبص في أيه ... و انا في البداية قلت تلاقي واحدة نشرت صورة ليها بمايوه بكيني مع أصحاب ليها مثلا في شرم و لا كانت بتغردق ، لكن المفاجأة الصورة فعلا عارية تماما ليها ! في الأول المفاجأة أخدتني ، لكن قعدت أفكر شوية طيب ما أحنا بنيجي الدنيا عرايا و بنخرج منها برده عرايا ، و موضوع الموديلات العاريات فعلا كان عامل ضجة كبيرة في فترة السبعينات و الثمانينات ، لأن جزء أساسي من دراسة الفن التشكيلي هو تشريح جسم الانسان ، مش التشريح بالمعنى الطبي ، لكن للتمرس على رسم ثنايا الجسم الإنساني و التعرف على جمالياته ، فجسم الإنسان هو جزء من مكونات الكون و التعرف على الجماليات اللي فيه جزء من دراسة الفن التشكيلي طبعا الموضوع أخد أكبر من حجمه بكتير و الإقبال على المدونة فاق الحد و وصل لأكثر من 900 ألف زيارة في اقل من يومين ، أغلبهم رايح بسبب الفضول عايز يعرف ، و في منهم عايش في حالة حرمان فراح يتفرج ، عدد كبير من المحا...

أغبى 275 مليون شخص في العالم

وسط شدة الأعصاب و التوهة اللي أحنا فيها قررت أني مفكرش و فعلا أول أمبارح قررت أتسكع شوية على اليوتيوب و جاتلي فكرة أني أدور على أكثر فيديو حاز على مشاهدة على الموقع و فعلا لقيت قايمة بأكثر الفيديوهات مشاهدة فوجئت بفيديو ظريف لطفلين شاف الفيديو البسيط الجميل ده أكثر من 380 مليون شخص من كل انحاء العالم شاركوني متعة الطفولة البريئة في نفس الوقت لقيت فيديو تاني مش عارف أوصفه بأيه شافه أكثر من 275 مليون واحد ، و كل التعليقات اللي عليه شتيمة و تريقة على غباء اللي عمل الفيديو ده مش هقدر أحطه لكن هسيب رابط ليه للي عايز يشوفه ... بس مقدما اللي هيغامر و يشوفه ياريت مايشتمش لأنه فعلا فيديو غبي و الأغبى منه الملايين اللي شافوه http://youtu.be/91rvea6mKEA يومكم سعيد و زي الفل

توكل ... نوبل ... غنيم ... ماسونية وهابية

صورة
جايزة نوبل راحت لتوكل ، كويس أنها ما رحتش لغنيم و الا كان خرج علينا مشايخ السفه الوهابي ، أن الجايزة دي صهيونية ماسونية ، حتى شوفوا شكل الجايزة عاملة إزاي على شكل فرخة بتبوس بيضة ، و دي متاخدة من كتاب بروتوكولات حكماء صهيون الصفحة 1017 لمل قالوا فيه أننا هنحكم العالم زي الفراخ ... يارب أرحمنا من الأغبياء و الجهلاء و السفهاء مبروك يا توكل الجايزة تستاهليها بجـد ، زي ما يستهلها كل ثوري شارك في ثورة بلاده ضـد الطغيان ، الجايزة مش لتوكل بس الجايزة لبو عزيزي في تونس ، و احمد و بطرس في مصر ، و فراس و كفوركيان في سوريا و غيرهم في كل دولة عربية ثائرة للحق و الحرية كلمتين كنت عايز اقولهم قبل ما أنفجر خصوصا و ان الواحد اليومين دول على حافة انه يتفقع ليه المرارة من اللي بيحصل

كله في الكلتش !

صورة
- الثورة فين يا عم أحمـد - ثورة ... ثورة ايه ! - 25 يناير يا عم - ياه ... انت لسه فاكر ما خلاص ... هوجة و خلصت - يعني أيه خلصت ! - يا عم ده دلوقتي عاوزين يطلعونا من بيوتنا و يرمونا في الشارع بأسم العدالة الاجتماعية - أنت بتقول أيه ! - هو أنت ما بتقراش جرايد و لا بتشوف التلفزيون - لا أصلي مطحون طول اليوم في الشغل صبح و بعد الظهر عايز أوفر للعيال لقمة عيش بعد الحاجة ما بقت نار .. بس هما هيطرودنا أزاي من بيوتنا - بيقولك عايزين يلغوا قانون الإيجارات القديم و يخلوها عرض و طلب - يعني أيه ! - الأول أنت ساكن فين - في مصر الجديدة - بتدفع ايجار قد ايه ! - بدفع 11 جنيه بس الشقة متأجرة من أيام والدي و أنا أتجوزت فيها لان الشقق غالية نار زي ما أنت عارف - أنسى خلاص ... أعمل حسابك لو عايز تفضل في الشقة هتدفع 2000 جنيه على الأقل - يا راجل بطل كلام فارغ - و الله الوزير أتكلم في الموضوع ده و عملوا حلقة في قناة كده برنامج اسمه الستات ما بيعرفوش يكدبوا على تصريحات السيد الوزير - يا نهار مهبب ... انا كل مرتبي 1200 جنيه بالحوافز أودي العيال فين ؟! - أقولك بيعهم و اشرب ...

سلملي بقى على التروماي

بقالي كثير مبتكلمش يمكن بسبب إحساسي بخيبة الأمل بعد كل اللي عملناه ، كل ما تفتح التلفزيون أو تقرأ جرنال أو تدخل على موقع على النت كله بيتكلم عن قانون الانتخابات و تسليم السلطة للمدنيين ، كأن الانتخابات دي هي عصا موسى اللي هتحل كل المشاكل اللي كل يوم عمالة تزيد خصوصا الأسعار اللي عمالة تطلع كل يوم لفوق لغاية لما الواحد بقى مش طايلها ... طيب انتخابات و هنقعد في الدوامة دي لغاية فبراير لما نخلص من انتخابات الشورى ، يعني البلد هتقعـد كده من يوم 28 نوفمبر لغاية نص فبراير السنة الجاية في مولد سيدك الانتخابي ... المشكلة بقى ان حتى البرلمان اللي جاي مش مهمته أنه يحل المشاكل اللي عمالة تزيد و تفرقع كل يوم لكن كل مهمته الدستور الجديد و طبعا مش هينتهي منه قبل سبتمبر أو أكتوبر اللي جاي و مش هيتم طرحه للاستفتاء قبل ديسمبر ، و إذا أتوافق عليه من غير خناقات و مشاكل لازم نحل البرلمان اللي فات لأنه بقى غير دستوري ، و نرجع تاني لمولد سيدك الانتخابي خلال 6 شهور من نتيجة الاستفتاء على الأقل يعني الانتخابات الثانية هتكون في أكتوبر 2012 أقول أيه حسبي الله و نعم الوكيل على اللي وافقوا على التعديلات الد...

المجلس العسكري و التعدي على الذات الملكية

صورة
  لما قريت موضوع قضية اسماء محفوظ و تحويلها للتحقيق لأنها تعدت على المجلس العسكري لأنها قالت رأيها بصراحة ، في الأول قلت أزمة و هتعدي و تحقيق روتيني و تخرج ، لكن لما عرفت ان النيابة العسكرية قررت الإفراج عنها بكفالة 20,000 جنيه ، افتكرت على طول قانون قديم كان موجود ايام الملكية أسمه التعدي على الذات الملكية بيعاقب كل من ينتقد الملك بالحبس أو الغرامة أو ليهما و أعتقد ان القانون ده أتلغي في 2/8/1952 و تم العفـو عن كل المحكوم عليهم في تلك الجريمة الشنعاء ، بس الظاهر أن القانون ده بعث مرة أخرى من غياهب صفحات التاريخ لكن باسم جديد ... اسمه العيب في ذات المجلس العسكري ، كل ده بسبب تويتايه غاضبة من أسماء بسبب حالة التيه اللي احنا عايشين فيها و بقينا مش عارفين هي كانت ثورة و الا انقلاب عسكري ، و ان اللي بيحصل كله مش أكثر من تمثيلية غبية وقعنا فيها بطهرنا و مثليتنا وسط قذارة السياسيين و العسكريين اللي واضح انهم مش بس بيسرقوا الثورة لكن بيشوهوها مرة باسم المعونات و مرة يقولوا لواحد من المشايخ بسك عليه فيهوهو بالتكفير مرة و بالإلحاد مرة تانية. آه صحيح الجملة اللي غرمت اسماء 20,000 جنيه...

إبراهيم عيسى أنضـم للفلول ... يا حلاوة !

صورة
مع انتهاء الموسم الكروي كالعادة و فوز الأهلي ببطولته المفضلة الدوري العام –سواء كان بالتحكيم أم بغيره - لكن من الواضح أن موسم الانتقالات السنة دي أتنقل من الكورة للسياسة خصوصا و أن الموسم السياسي يأتي ميعاده هذه المرة متزامن مع نهاية الموسم الكروي ، و كانت أكبر تلك الصفقات هي صفقة أنتقال إبراهيم عيسى من فريق ”الثوار“ إلى فريق ”الفلول“ بعد نشره لمقال غريب يعلن فيه أن ”الحرية أهم من الفقراء“ ، من الحروف الأولى في المقال نقرأ تكذيبات إبراهيم عيسى لشعار الثورة الأساسي ”العيش و العدالة الاجتماعية“، رفض عيسى خروج الناس من أجل لقمة العيش ، و اختزل الثورة في شعار نخبوي خاص بأمثاله من النخبة المتأنقة بملابسها و رائحة برفاناتها النافذة التي أشعر معها بالشفقة عليهم و هم يحاصرون انفسهم داخل مكاتبهم المكيفة كاميرات التلفزيون و الصحافة تزن حولهم و البعض من السذج و مسطحي الفكر مبهورين بشعارات براقة ولكنها خادعة مزيفة أتذكر هنا جزء من خطاب لجمال عبد الناصر أعتقد أنه يرد على السيد إبراهيم عيسى و توضح الكثير من المفاهيم النخبوية التي لا تنظر إلا لنفسها و إذا كانت لم تقتنع بكلمات ناصر و التي أعتقد أنه...

سمعني أحلى سلام يا جدع للفساد و الفاسدين و اللي منه

مش من عادتي أني أنقل المقالات الي بقراها أو بتوصلني على الأيميل من شوية بفتح الإيميل بشوف ايه الحصيلة بتاعة النهاردة كالعادة كانت يا أما رسائل معتادة من الزملاء او الاصدقاء أو النشرات الدعائية لبعض المواقع اللي أشتركت فيها يا إما بالخطأ أو المواقع اللي فعلا بهتم بيها ... لكن النهارده كانت الحصيلة كبيرة شوية مش عارف ليه وصلني حوالي 40 ايميل مرة واحدة أغلبهم يترمي فورا في صفيحة الزبالة الاليكترونية الهوتملية لكن رسالة واحدة شدتني كانت عن مقال كتبه كاتب سعودي حط أيده على نقط قوية جدا حبيت تشاركوني المقال ده هو أتنشر في جريدة الوطن السعودية و مش عارف إزاي عدى من تحت أيدين الرقيب !   نحن و السويد : تحليل لمرتبة الفساد السبت 13 نوفمبر الكاتب : علي سعد الموسى ما بين ترتيب بلد مثل السويد وبين موقعنا في قائمة – الفساد – الدورية تكمن مسافة التربية التي تتلقاها الشعوب المختلفة وتؤثر في تصديها للظواهر والممارسات السيئة والخاطئة. تتصدر السويد قائمة – النزاهة والشفافية – بينما سأحتفظ بترتيبنا لأنه لا يصح أن يصبح وثيقة في مقال مكتوب ولكن في المقابل كيف وصل المجتمع السويدي إلى صدارة ال...

شوية أفكار خبيثة زي الفيروسات الخبيثة !

كنت اخدت فترة هدنة من التدوين ، لان المسألة بقت تغم النفس ، نفسي أكتب حاجة مفرحة ، مش لاقي ، كل اللي شايفه قدامي خلافات و تفاهات و صراع على أوهام ، و كله بيتاجر بكله ، من كام يوم قابلت صديق ليا على القهوة كان بقاله فترة عامل غياب و مش بيظهر ، استقبلناه كالعادة و بدأت النميمة اليومية عن اللي بيحصل في البلد ، بصراحة محدش في الشلة متفائل ، كله بيقول الثورة خلصت خلاص قبل ما تتحقق مطالبها الحقيقية ، دستور أيه و انتخابات أيه الأول شوفوا الناس عايزة ايه ! المهم سيبكم من الكلام اللي مش هيودي و لا يجيب لان الوضع دلوقتي بقى مختلف عن فترة الثورة الحقيقية النهاردة السيد أوباما و السيدة مريكيل أتفقوا على أن موضوع القضية الفلسطينية مش عايزينه يدخل الأمم المتحدة لان كده الوضع هيتغير ، الخبر ده خلاني أبص لحاجات تانية كثير بتحصل حوالينا ... من أمتى أمريكا بتحب الثورات الشعبية أو هي بتدعم أي ثورة شعبية ، و يكون عندها استعداد تحارب علشانها ، الموقف في ليبيا مش حلو ... عذرا يا ثوار ليبيا بلدكم بتتباع دلوقتي في المزاد ! تونس من ثورة شعبية لخناقة على ماهية الدولة !! سوريا ثورة شعبية و دلوقتي بقت ط...

نحلم أيه !

بعد ما رجعنا من التحرير ، كانت الغنوة عنونا و الأغاني طالعة من الكاسيت اللي في العربية كلها بتشجي بحب الوطن و الحياة و الأمل في بكره ، لكن أغنية واحدة كلنا وقفنا عندها خلت دموعنا تسيل .. مش عايز أضيع الفرحة اللي كانت على وجوهنا بعد يوم جميل فكرتنا بأيام 25 يناير لما كنا أيد واحدة صوت واحد ... نفس واحد ياريت أوعوا تنسوا أخوتنا الشهداء اللي ضحوا بحايتهم علشانا ... بسببهم كل واحد فيكم النهارده بيقول اللي هو عايزه من غير خوف و لا رعب ، لولا دمهم اللي سال على الأرض ماكانتش طلعت زهور الأمل في بكره هسيبكم مع ذكرى و أنغام اللي مات علشان بلاده لا مامتش ده يوم ميلاده