المشاركات

عرض الرسائل ذات التصنيف كفاية خراب

الصراع في مصر هل هو طبقي أم صراع على الهوية ( 1 )

تحاول التيارات الأسلامية نقل الصراع من صراع طبقي إلى صراع على الهوية الدينية ، فيقول دكتور رفيق حبيب في مخطوطته ”الدين أم الطبقة ، من يشكل الهوية السياسية ؟“ « فصورة المجتمعات العربية و الإسلامية ، لا تكشف عن التشكيل الطبقي الاقتصادي الموجود في الغرب ، حيث تظهر العديد من الانتماءات القوية ، و التي تبدو أقوى من أي انتماء طبقي اقتصادي» ، و هو هنا يدفعنا لمعالجة تلك الفرضية على اساس مجموعة من العلاقات مثل المؤسسات الدينية ، الممارسة دينية ، الدين و المجتمع ... الخ. كما نلاحظ عادة ما يبدأ الباحثون الأسلاميون كتاباتهم عند نقـد المخالفين عنهم بآية « و َلَن تَرضى عَنكَ اليَهودُ وَ لا النَّصارى حَتّى تتَّبِعَ مِلَّتَهُم قُل إنَّ هُدَى الله هُوَ الهُدى وَ لَئن اتَّبَعتَ أَهواءَهُـم بَعدَ الّذي جاءَكَ مِنَ العِلمِ ما لَكَ مِنَ الله من وَّليٍّ وَّلا نَصيرٍ » ، فاختيارهم لتلك الآية يفسر الأرضية الفكرية التي يتحركون عليها في طرح مفاهيمهم عن الصراع داخل المجتمع المصري و لتكون حجة في تحويل الصراع من طبقي إلى صراع على الهوية الدينية ، فمن الملاحظ أنهم درسوا جيدا طبيعة الصراع الطبقي في مصر و أن الت...

مآسي الخصخصة في الصناعات الغذائية قها و أدفينا

صورة
أثناء التحضير لحرب أكتوبر 1973 ، كان من المشكلات الهامة التي يجب وضع حلول لها هي الفترة ما بين وصول القوات المصرية للشاطىء الشرقي لقناة السويس و قدرتها على المواجهة مع العدو أطول فترة ممكنة فكان لابد من حساب كمية الذخيرة و المياه و المواد الغذئية و وزنها حتى لا تكون عبء على الجندي المقاتل في حركته ، و كانت شركتي قها و أدفينا من الشركات التي تم الأعتماد عليهما في صناعة معلبات لمواد غذائية جاهزة التحضير يحملها الجندي و لا تكون عبء عليه و فعلا بعد عدة تجارب أستطاع المختصين في تلك الشركات الوصول إلى أسلوب لتجهيز المواد الغذائية يمكن حفظها لمدة ثلاثة ايام بدون الحاجة للتبريد يمكن أن يستخدمها المقاتل بسهولة و يسر فوراً ، هذا لم يكن دورها الوحيد فتلك الشركات كانت تصدر لأكثر من 45 دولة على مستوى العالم و كانت لها شهرة عالمية ، هذا فضلاً عن أنها كانت توفر المواد الغذائية المحفوظة للسوق المصرية بأسعار رخيصة ، كل هذا لم يرضي النظام الذي كان يقف في وجه القطاع العام لصالح الأستثمار فتم تخريب تلك الشركات حتى تستحوذ شركات مثل جهينة و فرج الله و غيرها على السوق المصري و بدأت عمليات أفشالها من أوائل تس...

سياسة التقشف "عسرٌ ... لا يسر"

صورة
إن حدة الأزمة الحالية التي تخيم على الوضع السياسي في مصر وصلت إلى مداها مع تعاظم الأزمة الاقتصادية في وقت لم تطرح الحكومة حلول سوى عن طريق زيادة الاقتراض من الخارج مما يزيد الأعباء على المواطن المصري من خلال إقرار سياسة التقشف الاقتصادي التي سيتبعها بالتالي خفض الأنفاق الحكومي و الغاء الدعم و زيادة الضرائب و تلك السياسات ثبت فشلها التام ، فالاحتجاجات التي شهدتها كل من اليونان و اسبانيا و فرنسا في الفترة الأخيرة تؤكد فشل النظرية ، فالشعوب هي التي عانت و في نفس الوقت لم تؤدي تلك السياسات إلى رواج أقتصادي في وقت يعاني الاقتصاد العالمي من حالة ركود ، و للاسف الشديد لم تحاول الحكومة الحالية أن تضع بديل آخر يزيد من معدلات الانتاج حتى يخرج من ازمته بل على العكس فسياسة التقشف ستقلل من معدلات الاستهلاك للمواطنين نتيجة لأرتفاع الاسعار و بالتالي ستقل الجباية الضريبية المفروضة على السلع ، كذلك زيادة معدلات البطالة بسبب قلة الاستثمارات ، مما يؤدي إلى زيادة الامراض الإجتماعية و التوتر السياسي. كان رئيس البرلمان الأوروبي السيد مارتن شولتز قد اعلن أنتقاده لسياسة التقشف التي أعتمدها الاتحاد ال...

أضحك علشان الصورة تطلع حلوة !!

صورة
بقالي فترة ما بكتبش حاجة معلش كنت مسافر لأن أكل العيش مر .... و ساعات بيبقى علقم كمان ... المهم أديني رجعت و صممت أني أعيد في مصر ... و أجلت السفر شهر ، طبعا في الفترة الأخيرة كنت بشوف الأوضاع من بره بشكل أوضح بصراحة الوضع مخيف و غريب و محدش يقولي بكره هيبقى أحسن ، الكل خارج مصر بيتكلم عن حاجة واحدة أن الثورة تاهت بوصول التيار الديني العنصري المسمى الأخوان للسلطة و حتى لو كان وصل بديمقراطية وأنتخابات صحيحة لكن ياريت مننساش أن "هتلر " وصل للحكم عن طريق الانتخابات و هما ما يفرقوش كثير عن هتلر نفس الأيديولوجية الفاشية العنصرية ... في الفترة الأخيرة كثرت اللجان الاليكترونية الاخوانية ، و ياريت فضلت على قد كده لكن حتى المساجد اللي كان الواحد عارف أن الخطباء فيها معتدلين تم استبعادهم و حطوا بدلهم ناس تبعهم بتدعي ليهم في كل جمعة و بتكفر أي حد ينتقضهم او يبين عوراتهم القذرة ... النهارده على الصبح الواحد صحي على خبر يفطس من الضحك تحويل ثلاث رؤساء تحرير لنيابة أمن الدولة و التهمة العيب في الذات الملكية ... آسف العيب في ذات الريس كأنه ملاك أو أله لا يجوز الاقتراب منه ... فكرتني لما ...

لو حطيت للمجنون ميت عقل على عقله ميعجبوش إلا عقله

صورة
من فترة قررت أني منزلش الميدان و كتبت ده في التدوينة اللي فاتت لأني كنت عارف كويس قوي أن جمعة لم الشمل أو جمعة تصحيح المسار هتبقى جمعة الصوت العالي ، 11 منصة أترفعت في الميدان محدش بسمع حد ... لدرجة واحد صاحبي خدته الحماسة و كان بيحاول أني أرجع عن رأيي و قعد يقولي أن أجواء الثورة الحقيقية هترجع تاني و أنا بصراحة كنت بسمعه و اضحك و أعيط في نفس الوقت ، لأن المواقف خلاص أتكشفت و بقت بزرميط ... السادة الأخوانجية عايزين ثورة على مقاسهم مرة معاها و مرة ضـدها ، و السلفيين شايفين الثورة برده بطريقتهم و واضح أن عم الشيخ حازم – اللي لغاية دلوقتي محدش قادر يحدد جنسية أمه ايه - كان معيشهم في حلم دولة الخلافة و إعلان الحدود و أنهم هيقطع رقبة كل العلمانيين الكفرة ... طيب نشوف كده ايه اللي حصل في التحرير ... 11 منصة أتنصبت ، عشرات الميكرفونات كل ميكرفون بيحاول يغطي على اللي جنبه كأننا في مولد سيدك الثورجي ... اللي بقوله مش انتكسه عن موقفي السابقة أو يأس من الثورة .. لكن كفر بكل التيارات اللي بترفع راية الدين علشان مكاسب شخصية ... نبدأ مع بعض كانوا بيقلوا علينا أيه ! عمك الشيخ الهمام أعتبر أن ا...

حداد على مذبحة في بورسعيد

صورة
أقروا الفاتحة لشباب مصر

العلاقة ما بين الأخوان و زكي رستم !

صورة
دخلت على الفيس بوك النهاردة لقيت الكاريكاتير ده مبعوت ليا رسمه واحد أسمه سامح على ما أظن  

هاري بوتر و الثورة

منـذ ظهور سلسلة أفلام هاري بوتر كنت مبهور بالقصة و الأخراج ، لكن بالأمس و أنا أشاهد حديث الدكتور الببلاوي أحسست اني أستمع إلى الساحر الشرير "فولدمورت" عدو هاري بوتر الطفل الطيب الذي حمل على أكتافه مصادفة أن يحارب هذا الكائن الشرير ، الببلاوي هنا يمثل الساخر الشرير و الثوار الحقيقيين أصبحوا يمثلون هاري بوتر فهم حملوا على أكتافهم حمل ثقيل خاصة بعد الانتخابات الاخيرة ، فالاخوان يمثلون الإسلام الطبقي الرأسمالي و برنامجهم الاقتصادي لا يختلف عن برنامج ننوس عين أمه أللي قاعد في طره ، و السلفيين ايدك منهم و القبر هما بيمثلوا الاسلام البدوي الصحراوي فموضوع الاقتصاد و المجتمع مش في دماغهم القضية بالنسبة ليهم توزيع المعونات اللي بيشحتوها من الخليج كأن الشعب المصري اتحول لشعب من الشحاتين لما تيجي تقرا برنامجهم الاقتصادي متلاقيش حاجة .... نيحي بقى للمهم عصبة الليبراليين اللي نجحوا في المجلس كلهم بيمثلوا الطبقة البرجوازية اللي برده هتحارب علشان مكاسبها مش علشان الشعب ، و في الناحية الثانية بيقف الشعب بيحلم مستني الفرج على ايد بطل زنهار يجي يغير اللي هما ما قدروش يغيروه كأن الثورة ما قمتش...

كله في الكلتش !

صورة
- الثورة فين يا عم أحمـد - ثورة ... ثورة ايه ! - 25 يناير يا عم - ياه ... انت لسه فاكر ما خلاص ... هوجة و خلصت - يعني أيه خلصت ! - يا عم ده دلوقتي عاوزين يطلعونا من بيوتنا و يرمونا في الشارع بأسم العدالة الاجتماعية - أنت بتقول أيه ! - هو أنت ما بتقراش جرايد و لا بتشوف التلفزيون - لا أصلي مطحون طول اليوم في الشغل صبح و بعد الظهر عايز أوفر للعيال لقمة عيش بعد الحاجة ما بقت نار .. بس هما هيطرودنا أزاي من بيوتنا - بيقولك عايزين يلغوا قانون الإيجارات القديم و يخلوها عرض و طلب - يعني أيه ! - الأول أنت ساكن فين - في مصر الجديدة - بتدفع ايجار قد ايه ! - بدفع 11 جنيه بس الشقة متأجرة من أيام والدي و أنا أتجوزت فيها لان الشقق غالية نار زي ما أنت عارف - أنسى خلاص ... أعمل حسابك لو عايز تفضل في الشقة هتدفع 2000 جنيه على الأقل - يا راجل بطل كلام فارغ - و الله الوزير أتكلم في الموضوع ده و عملوا حلقة في قناة كده برنامج اسمه الستات ما بيعرفوش يكدبوا على تصريحات السيد الوزير - يا نهار مهبب ... انا كل مرتبي 1200 جنيه بالحوافز أودي العيال فين ؟! - أقولك بيعهم و اشرب ...

سلملي بقى على التروماي

بقالي كثير مبتكلمش يمكن بسبب إحساسي بخيبة الأمل بعد كل اللي عملناه ، كل ما تفتح التلفزيون أو تقرأ جرنال أو تدخل على موقع على النت كله بيتكلم عن قانون الانتخابات و تسليم السلطة للمدنيين ، كأن الانتخابات دي هي عصا موسى اللي هتحل كل المشاكل اللي كل يوم عمالة تزيد خصوصا الأسعار اللي عمالة تطلع كل يوم لفوق لغاية لما الواحد بقى مش طايلها ... طيب انتخابات و هنقعد في الدوامة دي لغاية فبراير لما نخلص من انتخابات الشورى ، يعني البلد هتقعـد كده من يوم 28 نوفمبر لغاية نص فبراير السنة الجاية في مولد سيدك الانتخابي ... المشكلة بقى ان حتى البرلمان اللي جاي مش مهمته أنه يحل المشاكل اللي عمالة تزيد و تفرقع كل يوم لكن كل مهمته الدستور الجديد و طبعا مش هينتهي منه قبل سبتمبر أو أكتوبر اللي جاي و مش هيتم طرحه للاستفتاء قبل ديسمبر ، و إذا أتوافق عليه من غير خناقات و مشاكل لازم نحل البرلمان اللي فات لأنه بقى غير دستوري ، و نرجع تاني لمولد سيدك الانتخابي خلال 6 شهور من نتيجة الاستفتاء على الأقل يعني الانتخابات الثانية هتكون في أكتوبر 2012 أقول أيه حسبي الله و نعم الوكيل على اللي وافقوا على التعديلات الد...

المجلس العسكري و التعدي على الذات الملكية

صورة
  لما قريت موضوع قضية اسماء محفوظ و تحويلها للتحقيق لأنها تعدت على المجلس العسكري لأنها قالت رأيها بصراحة ، في الأول قلت أزمة و هتعدي و تحقيق روتيني و تخرج ، لكن لما عرفت ان النيابة العسكرية قررت الإفراج عنها بكفالة 20,000 جنيه ، افتكرت على طول قانون قديم كان موجود ايام الملكية أسمه التعدي على الذات الملكية بيعاقب كل من ينتقد الملك بالحبس أو الغرامة أو ليهما و أعتقد ان القانون ده أتلغي في 2/8/1952 و تم العفـو عن كل المحكوم عليهم في تلك الجريمة الشنعاء ، بس الظاهر أن القانون ده بعث مرة أخرى من غياهب صفحات التاريخ لكن باسم جديد ... اسمه العيب في ذات المجلس العسكري ، كل ده بسبب تويتايه غاضبة من أسماء بسبب حالة التيه اللي احنا عايشين فيها و بقينا مش عارفين هي كانت ثورة و الا انقلاب عسكري ، و ان اللي بيحصل كله مش أكثر من تمثيلية غبية وقعنا فيها بطهرنا و مثليتنا وسط قذارة السياسيين و العسكريين اللي واضح انهم مش بس بيسرقوا الثورة لكن بيشوهوها مرة باسم المعونات و مرة يقولوا لواحد من المشايخ بسك عليه فيهوهو بالتكفير مرة و بالإلحاد مرة تانية. آه صحيح الجملة اللي غرمت اسماء 20,000 جنيه...

أوجه الشبه بين مبارك و ديفيد كاميرون ؟

صورة
اللي تابع أحداث لندن على شاشات البي بي سي سواء العربية أو العالمية ، هيلاقي وجه سبه كبير قوي بين ماسبيرو و البي بي سي ، الاثنين وصفوا المحتجين بالبلطجية و المشاغبين ، واحد كل همه أنه يصور النيل ، و الثاني بيصور حاجات تانية غير اللي بتحصل ، أيام المخلوع حسني ، كان عامل لجان اليكترونية بتتابع مواقع التواصل الاجتماعي و المدونات و لما زهق قطع النت و اتصالات المحمول ، أما ديفيد كاميرون فيدرس دلوقتي امكانية غلق شبكات التواصل الاجتماعي على الانترنت و وقف الرسائل النصية عبر الهواتف اثناء و صرح ان اجهزة المخابرات والشرطة تدرس اذا كان "صحيحا وممكنا" قطع الاتصال. الموضوع ده خلى الواحد يبص للدول الأوروبية المتقدمة بنظرة مختلفة شوية ، معلش هتكلم عن نفسي ، كنت دايما ببص لأنجلترا أنها أم الديمقراطية في العالم ، و أنهم بيعالجوا المشاكل من خلال دراسة علمية و سياسية و أجتماعية يقدروا من خلالها أنهم يوصلوا لأقرب الحلول الصحيحة ، على فكرة لانه مافيش حاجة أسمها صح مطلق ده وهم ساعات بنقع فيه ... ديفيد كاميرون وعد مجلس العموم البريطاني أنه هيستعيد السيطرة على الأمور مرة ثانية و أنه هيستخدم ا...

ثورة تايهة يا ولاد الحلال

صورة
  أول ما خرجت الناس يوم 25 كانت أول حاجة بتهتف بيها عدالة اجتماعية ، و النهاردة الأحزاب و القوي السياسية بتتخانق و سايبة الناس بتاكل في نفسها ، ووسط كل ده يخرج علينا الدكتور حازم الببلاوي وزير المالية ، وهو بيهتف بعلوا الصوت الدولة تتبنى آليات اقتصاد السوق ، بس على فكرة هنعمل حسابكم برده و هنراعي الأبعاد الاجتماعية .... طب أزاي ، على اي أساس ، آليات السوق مافيش حاجة بتحكمها غير قواعد المكسب و الخسارة ، و طبعا الخسران الوحيد هو المواطن الغلبان اللي طلع يوم 25 و حاطط كفنه على أيده و حلف ما يرجع بيته إلا لما يهد النظام ... و يا ألف خسارة أنضحك عليه ، و شالوا العبيط اللي كان قاعد على الكرسي لكن اللي بيحكموا من ورا الكرسي لسه موجودين و بيحكموا و بيقرروا نيابة عن اللي مات و ضحي بعمره علشان يقدر يلاقي لقمة العيش ... الأسبوع ده حصلت فيه حاجات كثير قوي للي متابع ، أمريكا تقريبا على شفا الانهيار الاقتصادي مرة تانية ، البورصة شبه منهارة ، أوروبا بتعاني بشدة من حالة عدم استقرار اقتصادي ، حتى اسرائيل الناس هناك هاجت و عاملة أحتجاجات ، و السادة الرأسماليين الكبار و معاهم المجلس العسكري و ...

رمضـان كريم !

صورة
المجلس العسكري بعت تحياته لكل الثوار و أهالي الشهداء في ميدان التحرير أمبارح ، و بصراحة تحيته كانت فوق الوصف ، و عن نفسي بشكره شكر برده مايتوصفش ، على العموم الفنان البرازيل الجميل اللي  كارلوس لاطوف عمل كاريكاتير بيعبر عن تحيات المجلس العسكري بمناسبة رمضان … و كل سنة , انتم طيبين

إبراهيم عيسى أنضـم للفلول ... يا حلاوة !

صورة
مع انتهاء الموسم الكروي كالعادة و فوز الأهلي ببطولته المفضلة الدوري العام –سواء كان بالتحكيم أم بغيره - لكن من الواضح أن موسم الانتقالات السنة دي أتنقل من الكورة للسياسة خصوصا و أن الموسم السياسي يأتي ميعاده هذه المرة متزامن مع نهاية الموسم الكروي ، و كانت أكبر تلك الصفقات هي صفقة أنتقال إبراهيم عيسى من فريق ”الثوار“ إلى فريق ”الفلول“ بعد نشره لمقال غريب يعلن فيه أن ”الحرية أهم من الفقراء“ ، من الحروف الأولى في المقال نقرأ تكذيبات إبراهيم عيسى لشعار الثورة الأساسي ”العيش و العدالة الاجتماعية“، رفض عيسى خروج الناس من أجل لقمة العيش ، و اختزل الثورة في شعار نخبوي خاص بأمثاله من النخبة المتأنقة بملابسها و رائحة برفاناتها النافذة التي أشعر معها بالشفقة عليهم و هم يحاصرون انفسهم داخل مكاتبهم المكيفة كاميرات التلفزيون و الصحافة تزن حولهم و البعض من السذج و مسطحي الفكر مبهورين بشعارات براقة ولكنها خادعة مزيفة أتذكر هنا جزء من خطاب لجمال عبد الناصر أعتقد أنه يرد على السيد إبراهيم عيسى و توضح الكثير من المفاهيم النخبوية التي لا تنظر إلا لنفسها و إذا كانت لم تقتنع بكلمات ناصر و التي أعتقد أنه...

برومو جميل و صورة لجمعة حسم الثورة 8 يوليو

صورة
و صلتني النهاردة تويتاية صغيرة فيها الفيديو ده ، عن جمعة حسم الثورة يوم 8 يوليو ... البرومو مقتبس لقطات من فيلم brave heart ، لكن الصورة هي من تصوير المصور الصحفي حسام عرباوي لقيتها على الحساب بتاعه في flickr ياريت حسام مايزعلش أنا عارف أنه ليه حقوق ملكية فكرية و بصراحة مسـتأزنتش أني أحطها في المدونة قلة أدب بقى ، بصراحة عجبتني جدا و حطيت ليه تعليق محترم لأن الصورة بصراحة معبرة و قوية جدا نبدأ بالصورة  و بعدها البرومو … فاكرين الكليب بتاع هتلر و الثورة هو حاجة زيها ملحوظة ممكن الكليب ما ييشتغلش معاك على المدونة بسبب حقوق الملكية الفكرية :(

يا عزيزي كلهم لصوص !

صورة
  خرج علينا مصراوي النهاردة بخبر على الصبح أو بيان اصدره ملاك شركة أوليمبيك جروب ، بعد ما تم كشف فضايح البيع في خصخصة شركة ايديال المصرية ، البيان بيقول أن أوليبمبيك اشترت ايديال بمبلغ 450 مليون جنيه ، و أنهم  استثمروا حوالي 2 مليار دولار في المصانع طيب هنمشي معاكم في موضوع الـ 2 مليار اللي مش عارف جابوهم منين ، بس نيجي للأهـم القيمة الحقيقية للشركة تزيد عن 4 مليار جنيه بأسعار سنة 1997 ليه هناخدها كده واحدة واحدة الشركة كانت بتمتلك أرض مساحتها 181 ألف متر لو حسبنا متوسط سعر المتر في الفترة دي 1000 جنيه و ده أقل قيمة ممكن تتحسب هيبقى الأرض بس تساوي مليار و 810 مليون جنيه نيجي للمصانع ، المخازن كان فيها أصول على حسب التقارير اللي قدمها الاستاذ زكي فرج رئيس جمعية العاملين في شركة أيديال كان فيها أصول قيمتها بتقدر بأسعار 1997 بمبلغ 506 مليون جنيه ( التقرير على فكرة صادر من الجهاز المركزي للمحاسبات ) الشركة استولت على أرض بمنطقة النزهة الجديدة مساحتها 5.3 فدان قيمتهم 320 مليون جنيه وفقا لأقل تقديرات و الأرض دي تم تخصيصها عام 1982 من قبل الدولة لبناء مساكن للعاملين ب...

سخافات سلفية على طريقة إهدار دم ميكي ماوس ... أحد أئمة المنصورة يكفر كمبورة

استكمال لكوميديا الفتاوي السلفية الوهابية رصـد الاستاذ طارق الطاهر بمجلة أخبار الأدب إمام مسجد السيدة عائشة في خطبته يوم الجمعة و هو يفتي بتكفير الشخصية الكاريكاتورية كمبورة ، تذكرت على الفور فتوى أحد مشايخ الوهابية السلفية وهو الشيخ محمـد المنجــد ، الذي كالعادة تراجع و ذكر الجملة الشهيرة أن كلامه أخذ خارج السياق و فهم خطأ ، حتى أنني كرهت هذا الشخص المسمى السياق و اخذت أتسائل لماذا لا نصدر فتوى بتكفير أو إهدار دم السياق حتى نرتاح منه الجديد أن مجمع البحوث الإسلامية دخل على الخط من خلال الدكتور محمـد مختار المهدي عندما وصف اللذين يدعون لانتخاب أي تيار غير الإسلاميين فهو يسعى للزنا. لا أعرف إلى أين نحن ذاهبون ، هل يعتقد هؤلاء أن السياسة و الحكم يدار بسلسلة بفتاوى التكفير و إهدار الدماء ، فإذا حدث ذلك هنيئا لكم يا شعب مصر نهر الدم الجديد الذي سيمر بديلا لنهر النيل فإهدار الدماء و القتل سيكون مشهد يومي نصحوا عليه كل صباح

أوهام البورجوازية الصغيرة و الثــورة

صورة
خلال الفترة الأخيرة تكاثرت تحليلات التيار اليميني الرأسمالي و معه التيار التيار الديني كما تتكاثر البكتريا العقيمة وحيدة الخلية حول شعار العدالة الاجتماعية ، ليتوه العامة بين الفاظ جذلة عالية الجودة براقة ، مرة باسم الحرية و مرة باسم الدين ، و لكن في النهاية لم يحاول أي من التيارين أن يشرح للعامة آلياته لتحقيق تلك العدالة المنشودة ، للأسف الشديد رؤية كل من الاتجاهين لا تزيد عن رؤية اي برجوازي صغير ينظر للأحداث بوجهة نظر إصلاحية بعيدة كل البعد عن الرؤية الثورية الحقيقية لتحقيق واحدة من أهم مطالب الثورة و هي العدالة الاجتماعية يتزامن مع ذلك خبر نشر على بوابة الأهرام الاليكترونية بتوصية لمؤتمر الغرف التجارية بوضع دستور اقتصادي قبل الدستور السياسي ، في محاولة منهم لإبقاء الأوضاع على ما هي عليه و المحافظة على ما اكتسبوه من مكاسب قبل الثورة ، و من بين الأفكار التي أخرجها علينا هؤلاء السادة أصحاب رؤوس الأموال في مصر ان تطبيق سياسة الحد الأدنى للأجور سيترتب عليها زيادة معدلات البطالة في مصر ، كأن الثورة لم تقم من الأساس في وسط كل ذلك يخرج علينا بعض الشباب المحسوبين على الثورة يؤيد تلك التو...

سمعني أحلى سلام يا جدع للفساد و الفاسدين و اللي منه

مش من عادتي أني أنقل المقالات الي بقراها أو بتوصلني على الأيميل من شوية بفتح الإيميل بشوف ايه الحصيلة بتاعة النهاردة كالعادة كانت يا أما رسائل معتادة من الزملاء او الاصدقاء أو النشرات الدعائية لبعض المواقع اللي أشتركت فيها يا إما بالخطأ أو المواقع اللي فعلا بهتم بيها ... لكن النهارده كانت الحصيلة كبيرة شوية مش عارف ليه وصلني حوالي 40 ايميل مرة واحدة أغلبهم يترمي فورا في صفيحة الزبالة الاليكترونية الهوتملية لكن رسالة واحدة شدتني كانت عن مقال كتبه كاتب سعودي حط أيده على نقط قوية جدا حبيت تشاركوني المقال ده هو أتنشر في جريدة الوطن السعودية و مش عارف إزاي عدى من تحت أيدين الرقيب !   نحن و السويد : تحليل لمرتبة الفساد السبت 13 نوفمبر الكاتب : علي سعد الموسى ما بين ترتيب بلد مثل السويد وبين موقعنا في قائمة – الفساد – الدورية تكمن مسافة التربية التي تتلقاها الشعوب المختلفة وتؤثر في تصديها للظواهر والممارسات السيئة والخاطئة. تتصدر السويد قائمة – النزاهة والشفافية – بينما سأحتفظ بترتيبنا لأنه لا يصح أن يصبح وثيقة في مقال مكتوب ولكن في المقابل كيف وصل المجتمع السويدي إلى صدارة ال...