Free Mass - آراء على هامش الحياة

بما أني زهقان و طهقان و طالع دين اللي خلفوني بقالي كام يوم كل اللي بعمله أتفرج شوية على التايم لاين في التويتر ، و بعد كده ألف شوية على اليوتيوب أتفرج على شوية فيديوهات في منها اللذيذ و في منها الغير لذيذ بالمرة لكن مر عليا فيديو لذيذ قلت تشاركوني فيه ... حركة أحتلوا وول أستريت بدأت من فترة تتحرك بشكل شعبي أكثر و أختارت نوع من المسرح أسمه مسرح الشارع و الفيديو اللي أخرته جزء من مسرحية تم عرضها في الشارع أسمها في أي جانب أنت – بالبلدي يعني ... أنت مع مين بالظبط – هسيبكم مع جزء من المسرحية دي يعني ده الجزء اللي أتنشر على اليوتيوب يمكن يكون فيه جزء تاني أكبر شوية بس هو ده اللي لقيته ده خلاني أفكر ليه في مصر منعملش مسرح شارع .. على فكرة بداية مسرح الشارع بدأت في السبعينات في امريكا الجنوبية في الأرجنتين تحديدا و كان هو القوة المؤثرة في الاجتجاجات العمالية و الطلابية ضـد الممارسات الرأسمالية معلش طولت شوية و هسيبكم مع الفيديو

إهداء خاص لكل القراصنة الأحرار ( المظلومين )

مع انتهاء الموسم الكروي كالعادة و فوز الأهلي ببطولته المفضلة الدوري العام –سواء كان بالتحكيم أم بغيره - لكن من الواضح أن موسم الانتقالات السنة دي أتنقل من الكورة للسياسة خصوصا و أن الموسم السياسي يأتي ميعاده هذه المرة متزامن مع نهاية الموسم الكروي ، و كانت أكبر تلك الصفقات هي صفقة أنتقال إبراهيم عيسى من فريق ”الثوار“ إلى فريق ”الفلول“ بعد نشره لمقال غريب يعلن فيه أن ”الحرية أهم من الفقراء“ ، من الحروف الأولى في المقال نقرأ تكذيبات إبراهيم عيسى لشعار الثورة الأساسي ”العيش و العدالة الاجتماعية“، رفض عيسى خروج الناس من أجل لقمة العيش ، و اختزل الثورة في شعار نخبوي خاص بأمثاله من النخبة المتأنقة بملابسها و رائحة برفاناتها النافذة التي أشعر معها بالشفقة عليهم و هم يحاصرون انفسهم داخل مكاتبهم المكيفة كاميرات التلفزيون و الصحافة تزن حولهم و البعض من السذج و مسطحي الفكر مبهورين بشعارات براقة ولكنها خادعة مزيفة أتذكر هنا جزء من خطاب لجمال عبد الناصر أعتقد أنه يرد على السيد إبراهيم عيسى و توضح الكثير من المفاهيم النخبوية التي لا تنظر إلا لنفسها و إذا كانت لم تقتنع بكلمات ناصر و التي أعتقد أنه...

كنت اخدت فترة هدنة من التدوين ، لان المسألة بقت تغم النفس ، نفسي أكتب حاجة مفرحة ، مش لاقي ، كل اللي شايفه قدامي خلافات و تفاهات و صراع على أوهام ، و كله بيتاجر بكله ، من كام يوم قابلت صديق ليا على القهوة كان بقاله فترة عامل غياب و مش بيظهر ، استقبلناه كالعادة و بدأت النميمة اليومية عن اللي بيحصل في البلد ، بصراحة محدش في الشلة متفائل ، كله بيقول الثورة خلصت خلاص قبل ما تتحقق مطالبها الحقيقية ، دستور أيه و انتخابات أيه الأول شوفوا الناس عايزة ايه ! المهم سيبكم من الكلام اللي مش هيودي و لا يجيب لان الوضع دلوقتي بقى مختلف عن فترة الثورة الحقيقية النهاردة السيد أوباما و السيدة مريكيل أتفقوا على أن موضوع القضية الفلسطينية مش عايزينه يدخل الأمم المتحدة لان كده الوضع هيتغير ، الخبر ده خلاني أبص لحاجات تانية كثير بتحصل حوالينا ... من أمتى أمريكا بتحب الثورات الشعبية أو هي بتدعم أي ثورة شعبية ، و يكون عندها استعداد تحارب علشانها ، الموقف في ليبيا مش حلو ... عذرا يا ثوار ليبيا بلدكم بتتباع دلوقتي في المزاد ! تونس من ثورة شعبية لخناقة على ماهية الدولة !! سوريا ثورة شعبية و دلوقتي بقت ط...

طبعا كلنا اليومين دول عمالين نردد كلمة " العدالة " زي اللبانة في بقنا ، لكن يا ترى حد يعرف يعني أيه عدالة بمفهومها الواسع ، العدالة الاجتماعية ذات شقين ، شق اقتصادي و شق اجتماعي ، لان العدالة مش هتكتمل من غير الجزئين دول بس ايه هو الشق الاجتماعي و أيه هو الشق الاقتصادي ... هبدأ بالشق الاجتماعي العدالة كمفهوم اجتماعي تتلخص في كلمة واحدة هي "العدل" ، و العدل هنا بمعنى الانصاف ، و العلماء اختلفوا بينهم على تحديد مفهوم جامع مانع لمفهوم العدالة ، ولكن هناك رأي بميل ليه وهو نتاج التراث الانساني بشكل عام ، هو ان العدالة الاجتماعية يجب أن تسير على مفهومين الأول يمثل القيم و الاخلاق العامة و ده بيعتبر محور هام في الفضائل الانسانية اللي اكتسبتها من خلال خبرات متراكمة على مدى سنين عمر البشر على الكرة الارضية ، و المفهوم الثاني هو اجراءات تطبيق العدالة اللي بتحمي الجميع بشكل متساو بلا تفرقة ... بيقول الفيلسوف الايطالي المعروف توما الإكويني أن العدالة هي اللي بتمنح القانون قوته أي ان القانون يستمد قوته من عدالته ، و كلما القانون قويا فهو عادلا ، و في الحضارة الاسلامية شر...

كلمة بقت عاملة زي اللبانة في بق الناس ، ليبرالية ، ساعات تلاقي ناس عمالة تهتف باسمها ، و ساعات تلاقي ناس عمالة تلعن سلسفيل أبوها ، طيب يا ترى حد فيكم عارف معنى الليبرالية الحقيقي ، معلش هحاول ادعي الثقافة و استحملوني في الكلمتين دول ... أول حاجة لازم نعرفها هي الكلمة دي جت منين ، هي مشتقة من كلمة انجليزية liberal يعني متحرر و أتحورت و بقت Liberalism يعني ليبرالية ، كثير فاكرنها أنها الفوضى أو التحرر من كل القيود ، لكن للأسف الشديد المعنى ده غير صحيح أو بمعنى ادق مدسوس دس على المعنى الحقيقي و الفلسفي لليبرالية ، الليبرالية بتدي للفرد كافة الحقوق و الحريات الخاصة به في حدود نفسك ، يعني مثلا عايز تلتزم بدينك حقك و محدش هيعترض عليك ، لكن في نفس الوقت مش من حقك أن تفرض ده على الآخرين إلا إذا ارتضوا بده ، بمعنى أدق أن الليبرالية تعطيك حق الحياة وفق قناعاتك الشخصية ، إذا الحرية هنا حرية فردية تعطي لك كامل الخيارات لحياتك ... الليبرالية مش بس في حياة الانسان لكن كمان في الاقتصاد هي حرية المعاملات الاقتصادية و التجارية بدون تدخل الدولة في أطار مجموعة من القوانين المنظمة لها ، لكن في نفس ...

بسبب الاحداث اللي عمالة تجري بسرعة الصاروخ في البلد اليومين دول الواحد بقى مش عارف يتابع الأخبار في العالم .. على فكرة انجلترا فيها احتجاجات قربت تاخد شكل الثورة على جيمس كاميرون رئيس الوزراء الانجليزي اللي قرر اتخاذ قرار بالتقشف الاقتصادي و بسببه هتزد معدلات التضخم و كمان هتزيد معدلات البطالة بسبب تسريح الشركات لعدد كبير من العمال و الموظفين ... أمبارح لأول مرة من فترة طويلة أفتح الماسينجر ، لقيت اغلب الناس اللي أعرفهم أوف لاين قلت مش مشكلة أحسن برده أنا يدوبك هقرى شوية أخبار و ادخل انام لغاية لما نط قدامي صديق انجليزي كنت أتعرفت عليه من فترة في منتدى رياضي ايام كاس العالم للقارات بعد مباراة البرازيل الشهيرة كنت ضيفته عندي و أتكلمنا كذا مرة مع بعض عن حاجت كثير منها مثلا بعد نجاح الثورة في تنحي مبارك بعتلي رسالة تهنئة جميلة جدا ... المهم و أحنا بنرغي لقيته بيسألني تفتكر هننجح أننا نخلي كاميرون يستقيل من الحكومة ... بصراحة معرفتش أرد عليه لأني مش عارف ابعاد الموضوع آخر حاجة كنت اعرفها من فترة انه أعلن سياسة التقشف و ان فيه اعتراضات لكن أكثر من كده معلوماتي شبه معدومة ، كل تركيزي كان ع...

اليومين دول كلمة مشغول قليلة و عندي حاجات كثير عايز أكتب عنها ، السنة دي باينة من أولها حادث الكنيسة ، و بعد كده موضوع الشخص اللي تم تعذيبه لغاية لما مات على ايد أمن الدولة ... مواضيع بصراحة تغم النفس ... كملت بقى النهاردة على الصبح بتكلم مع بعض الزملاء فوجئت بواحد جي بيقولي الظاهر أننا لازم نعمل حملة للتحرش ضد الرجال ... قعدنا نضحك كلنا و نتريق ، وهو بيبص لينا بستغراب و راح مسلمنا ورقة فيها خبر عن اغتصاب ثلاث سيدات لرجل لمدة اربع ايام و في الآخر رموه في الشارع بين الحياة و الموت ... الحكاية دي حقيقية و حصلت في باكستان و الشرطة بتدور على الجناة الي هربوا ، لكن الأهــم اغتصبوه أزاي. الموضوع نشرته صحيفة باكستانية اسمها ديلي تايمز ، ثلاث نساء عجبهم واد حليوة اسمه خليل و عنده 23 سنة بيشتغل جرسون في مطعم ... المهم الثلاث ستات طلبوا من الواد الحليوة ده أنه يجبلهم الأكل يوميا على شقتهم ، و الواد وافق الظاهر كان طمعان في البقشيش ، و خدوه يعرفوه على بيتهم و رحبوا بيه و قدموا ليه كوباية لبن و حطوا فيها مخدر ، و عينك يا محترم ما تشوف ألا النور اربعة ايام بيتناوبوا على اغتصابه لغاية لما الولد...

واضح أن ويكليكس هتفضح الناس كلها ، اكتشفت جريدة جارديان البريطانية أن من ضمن الوثائق المنشورة على موقع ويكليكس ، واحدة تخص المخرج الأمريكي ستيفان سبليبرج ، و ذكر في الوثيقة أن السيد سبيلبيرج تبرع بمبلغ مليون دولار لصالح الجيش الإسرائيلي أثناء النزاع في جنوب لبنان عام 2006 ، و أن جامعة الدول العربية قررت وقتها منع افلامه من التداول في جميع الدول العربية خلال اجتماع عقد في إبريل 2007 حضره مندوبي 14 دولة عربية و كلها صوتت لصالح حظر أفلام المخرج الأمريكي ، و حضر كذلك في الاجتماع مندوبين من ماليزيا ، إيران ، اندونيسيا ، و باكستان ، و أن الدول العربية التي لم تحضر هذا الاجتماع هي الدول الموقعة اتفاقات سلام أو اتفاقات تجارية و هي : مصر ، قطـر ، فسلطين ، الأردن ، موريتانيا ، جيبوتي ، و الصومال ، و اشارت الوثيقة أن سبيلبيرج استخدم ارباحه الشخصية في افلام قائمة شانديلر ، و ميونيخ لدعم مؤسسات صهيونية لبناء مستوطنات.

آخر يوم في العيـد كان لازم يقفل بابتسامة ، أتلمت شلة الفقر لأول مرة مجتمعة من سنين ، اللي كان مسافر رجع في أجازة العيد و اللي موجود في مصر أنتهز الفرصة بعد ما خلص كل واجبات العيد من زيارات عائلية و خلافه لنجتمع على القهوة اللي شافت أحلى سنين عمرنا من ايام ثانوي ... الظاهر أن لمتنا دي قلبت على كوميديا لمت علينا القهوة كلها بدأت من صديق الدراسة القديم "اشرف" ، بالرغم أنه يعمل في مجال الإليكترونيات و بقى في منصب كبير لكن زي ما هو من أيام الصعلكة هوايته السخرية و النكتة و بيحول أي قعدة أو مناقشة لحالة من هستريا الضحك ... البداية كانت نقاش عن الانتخابات و قعدنا نتناقش على فرص المرشحين عندنا في الدايرة اللي بقينا مش عارفين أولها من آخرها بعد ما بقى حي المعادي ضمن محافظة حلوان يعني بقينا من الأقاليم مش من العاصمة ... المهم النقاش فجأة قلب بتهريج على الموضوع ده و صديقنا العزيز "أشرف " أنتهز الفرصة و هاتك يا نكت كلها نكت تودي في داهية هحاول أفتكر شوية منها ... اوباما اتصل بمبارك قاله ابعتلي ناس من عندك عشان الانتخابات عندي صعبة السنة دي ، مبارك قاله من عينيه و بعتلة...

أعلم أنني تأخرت كثيرا لاستكمال تلك السلسلة التي بدأتها ، ولكن ذلك كان لأسباب خراجة عن إرادتي ، و لكني عدت اليوم أكثر حماسا و إصرارا على استكمال ما بدأت ؛ خلال قراءاتي للتجهيز لمقالي الثاني ضمن تلك السلسة التي أردت من خلالها شرح التغيرات التي حدثت في مصر خلال الخمسة و العشرين عاما الأخيرة و كيف و صلنا إلى هذه الدرجة و إلى أين نحـن ذاهبون ، طفت على سطح الأحداث قضية في غاية الخطورة و هي قضية الغذاء و اكتفاء مصر من أحد أهم المنتجات الزراعية و هي "القمح" ، فخلال السنوات الأخيرة ارتفعت اسعار القمح في العالم إلى مستويات غير مسبوقة ، مما زاد العبء المالي على الدولة لتوفير رغيف العيش بسعر مناسب ، ليصل سعر الرغيف الصالح للأكل إلى 25 قرش. فجرت القضية من خلال برنامج مانشيت بقناة "أون تي في" بعد استضافته الأديبة "سكينة السادات" و التي أطلعتنا على تجربة مصرية رائعة أقدمت عليها إحدى الباحثات في مجال الأنثربولجي ، و التي أثبتت أبحاثها و تجاربها الفعلية إلى استطاتنعا زيادة ناتج الفدان إلى أرقام قياسية نستطيع لو عممنا هذا المشروع أن يكون لدينا اكتفاء ذاتي من القمح ، لن أس...

ثورة المعلومات و الحريات ، منذ أوائل التسعينات و العالم يعيش ثورة جديدة هي ثورة المعلومات و التي توجت بانتشار شبكة الإنترنيت ، فأصبحت العلاقة بين الجمهور و وسائل الإعلام تتغير فلم يعد الجمهور متلقي فقط للمعلومة أو للخبر بل أصبح هو صانع الخبر و مقدمه ايضا ، لتطرح شبكة الإنترنيت ما يعرف اليـوم بوسائل إعلام النحن ، فاليوم يمكن نقل الخبر من خلال الإنترنيت ليس عن طريق الشبكات و المواقع الإخبارية المعروفة بل تعداها إلى الشبكات الاجتماعية مثل الفيس بوك ، أو مواقع الاتصال الجماعي مثل التويتر ، أو المدونات ، فوسائل الإعلام اليوم اصبحت اليـوم أكثر ديمقراطية من الأمس ، فلم تعد محتكرة من قبل الحكومات أو اصحاب رؤوس الأموال ، بل أصبح اليوم افقر فقراء العالم يمكن أن يتحول مالك لشبكة إخبارية خاصة به. إن شبكة الإنترنيت أصبحت اليوم تتحدى كل المجالات الإعلامية التقليدية ، فمن شبكات التواصل الاجتماعي ، إلى شبكات المشاركة في الملفات ، إلى سلسلة مواقع الويكي و اشهرها ويكبيديا أكبر موسوعة معلوماتية يشارك في تحريرها كل من لديه القدرة على ذلك لتبدأ بعدها سلسلة من مواقع الويكي مثل dokuwiki ، المتخصص في تت...

نقاش طويل كان بيني و بين احد الاصدقاء امس حولين الازمة الاقتصادية ، هو كان بيتكلم كأن كل من أمريكا و أوروبا هتنهار و هيتم القضاء عليهم في غفلة من الزمن ، الراجل قعد يتكلم معايا ثلاث ساعات بحماس غريب و انا بحاول أشرح ليه ان الازمة دي عابرة و ان الاقتصاد الامريكي عنده آليات للخروج من الازمة ، و التاريخ يؤكد كلامي ، في العشرينات حصلت ازمة مشابهة و يمكن أكبر و لغاية النهاردة الاقتصاديين بيقولوا انها اكبر ازمة اقتصادية شهدها العالم ، لكن في النهاية خرجت أمريكا وأوروبا من الازمة رغم ان الآليات اختلفت كثير ، و امريكا النهاردة هي المتحكمة في الاسواق. لما احتدم النقاش جاب سيرة جنرال موتور و انها افلست بسبب الازمة ، أيوه ده صحيح ممكن شركة تتعرض للإفلاس لكن صعب ان دولة زي امريكا تقع بسبب ازمة ، انا مش بدافع عن امريكا و انا نفسي تتنسف من على الخريطة تماما لكن الامريكان لغاية النهاردة اجر ائتهم كويسة ، و مش شايف أي اهتزاز قوي ، يمكن اوروبا فترة الاهتزاز هتطول شوية. كان في نقاش برده بيني و بين احد الزملاء على مندرة كفاية ، هو من رأيه أن الامريكان بينهاروا تماما ، و انا من رأي ان امريكا في ازمة ...

سؤال على ألسنة البعض أنت بتدون ليه أقول ليهم ، بكتب كل اللي بحب أكتب فيه من غير حسابات ، التدوين حرية ، انطلاق ، احتجاج ، تأييد ، تعبير عن الذات ، في ناس تقولك و أنت بتكتب لمين ، و تاعب نفسك ليه ، و علشان مين ، الرد كان بسيط علشان التدوين بيخليك تحس أنك حر أكثر من غيرك بتقول كل اللي نفسك فيه من غير ما تحسب حساب لحد ، حتى لو كنت مش مخبي نفسك زي غيرك ما بيعمل ، لكن اللي أقدر أقوله كل واحد وله ظروفه ، في ناس بتحب تخفي نفسها ، و في ناس بتحب تعلن عن نفسها علشان يمكن تشتهر ، و في ناس مش فارقة معاهم و يمكن أكون أنا منهم ... مش فارقة و أخبي نفسي ليه ! كلمة عايز اقولها للي مش بيدون ... أو اللي مش عاجبه فكرة التدوين ياريت يجرب مش هيخسر حاجة ، زي ما تشرب فنجان قهوتك الصبح ، أو و أنت بتشرب شايك الصبح أكتبلك كلمتين عبر فيهم عن نفسك و مشاكلك و إحساسك ، انتصاراتك و هزيمك أكتب و قول و حس بطعم الحرية مع كل كلمة بتكتبها و أنت أكيد مش هتبطل تدوين علامات Technorati: تدوين , بلوجرز

مشروع رائع يتم حاليا من خلال مكتبة الإسكندرية ... لا تلقى عليه الأضواء وسط الزخم الذي يحدث حاليا من حوادث القتل التي كثرت أو حوادث الأتوبيسات أو عملية بيع مصـر بالأسهم ، المهم مشروع لتوثيق تاريخ مصر المعاصر و رصدته وكالة رويترز للأنباء قائلة شهدت ساقية الصاوي وهي مركز ثقافي بالقاهرة ليل الثلاثاء الاحتفال بمشروع (ذاكرة مصر المعاصرة) الذي تنفذه مكتبة الإسكندرية على الانترنت وتتيح من خلاله بانوراما عن مصر الحديثة في القرنين التاسع عشر والعشرين. ويضم الموقع الالكتروني "أندر فيلم تسجيلي" عن رئيس الوزراء الأسبق أحمد ماهر (1888-1945) الذي اغتيل في البهو الفرعوني بالبرلمان المصري يوم 24 فبراير شباط 1945. وفي بداية الاحتفال عرض الفيلم الذي يتضمن مشاهد نادرة منها استقبال ماهر للرئيس السوري الأسبق شكري القوتلي وجولاته مع ملك مصر الأسبق فاروق الأول ومشهد خروج المحمل المتوجه إلى الأراضي الحجازية حاملا كسوة الكعبة إضافة إلى مشاهد من جنازة ماهر التي شارك فيها "كبار الضباط" الأمريكيين والبريطانيين وفصيلة جنود من الولايات المتحدة. وقال إسماعيل سراج الدين مدير مكتبة...

راجع تاني للتدوين جواي حماس غير عادي بعد إنقطاع زاد عن العام ، مش عارف هبدأ منين لكن هبدأ و خلاص ، جوايا أفكار جديدة بشكل غير عادي ، بعـد إبتعادي عن الوطن ما يقرب من العام... انا هنا في السودان بلد جميل ، لكن الحر لا يطاق بالمرة ، الحاجة الوحيدة اللي مخلاني أصبر مجموعة من الأصدقاء كان لا يمكن أشوفهم في أي مكان تاني ، المرة اللي جاية هيكون فيه صور كتير ... من الحاجات الغريبة اللي قابلتها هنا ، أني لأول مرة أشوف محاولة إنقلاب ... حقيقي محاولة إنقلاب يمكن كتير الموضوع ده غريب عليه ، و أكيد كتير قرى عن محاولة أقتحام مدينة الخرطوم عن طريق متمردي دارفور و جماعة خليل إبراهيم تفاصيل أكثر في المرة الي جاية مع صور حقيقية من أرض المعركة. معلش لسه أنا بعيد عن فورمة التدوين ... لكن معلش كلها يومين و ارجع الفورمة أنا عامل معسكر جامد قوي J. هسيب اللي دخل يقرا شوية السطور اللي كتبتها بسرعة و على عجل معلش انا بكتب من جوة إنترنيت كافيه و ده موضوع أنا مش متعود عليه و ما كنتش بحبه و أنا في مصر ، لكن للضرورة أحكام ...