Free Mass - آراء على هامش الحياة

الرسالة دي وصلتني وواضح إنها هتلف لفة جامدة قوي في مصر اليومين دول هي عبارة عن حتى حلمنتيشي بتشرح إحنا مين ! احنا اللى بيضنا الأرنب بالفهلوة وحلبنا التور احنا اللى كعبلنا النملة وجبنا لبن العصفور احنا اللى يحكمنا مبارك ونظيف وشريف و سرور احنا اللى عشان رغيف ناكله واقفين فى بالدور احنا اللى نص مرتبنا رايح فى فاتورة مية و نور احنا اللى نرصف فى الشارع والصبح نلقاه محفور احنا اللى كل ساعة حادثة نطلع منها بضحايا وكسور احنا اللى أ كلنا الفول ابو سوس فى طبق مكسور احنا اللى أتهرينا ضرايب من وزير غالى مسعور احنا اللى فينا يقول لأ … يصبح جانى وكلنا جايين بالدور احنا اللى زهرة خشخاشنا فلسعت مع واحد و ياه باسبور احنا اللى كبيرنا بياخد رشوة و عاوزين الطابق مستور احنا اللى عاوزينا نهاجر م الدنيا نبعد و نغور احنا اللى اعضاء مجاليسنا جايين بالزور احنا اللى فينا يقول حقى فى القسم يتشد على خابور احنا اللى بهدلنا الفلاح وحولنا المزروع الى بور احنا اللى ابن الباشا يغش وان قلنا لا نلاقى ساطور احنا اللى اى حد يتكلم فى اى حاجة ويصبح دكتور احنا اللى بنن...

كأنهم مش شايفين البلد اللي بقت قاعدة على وابور جاز منفس قرب ينفجر تطلع لينا جبهة علماء الأزهر ببيان يولعها أكثر ما هي والعة ... يا عم حسوا شوية بدل ما تهدوا الموقف ، مش عارفين أنه ممكن واحد أهبل و الا عبيط و عقله على قده ممكن ياخد الكلام ده و تاخده الغباوة ويعمله عملة منيلة و يروح فيها ناس ملهمش دعوة ، الموضوع مش هيكون قاطعوهم بس يا بتوع الأزهر الموضوع هيتطور و هيبقى دم و موت و ابقوا قابلوني ساعتها ، كل ده علشان واحدة أسلمت و الكنيسة خدتها ... ما تسلم و لا تروح في داهية هتزود ايه في الإسلام و الا هتقلل منه ، أيه اللي هتستفيده الأمة الأسلامية بجلالة قدرها من إسلامها ، لكن أني أولع في نار الفتنة بالشكل الساذج ده مصيبة يا جبهة الأزهر ... مصيــــــبة ! الحاجة التانية قبل ما أدخل أنام قلت أبص على قناة الجزيرة لقيت عمك الشيخ الظواهري طالع فارد ريشه و بيهاجم البرادعي و بيوصفه أنه مبعوث العناية الأمريكية يا عم روح أتغطى و نام بصراحة الغباء موهبة و لما الموهبة بتزيد بتبقى عبقرية و الفرق بين العبقرية والجنون شعرة و شكلك قطعت الشعرة دي هو في أيه ! شكل كده بكرة هيبقى يوم مش طالع ليه نهار ...

خلال الست سنوات الأخيرة تشهد مصر صراع سياسي بين قوى المعارضة و المجموعة الحاكمة خصوصا بعـد أن تزايدت الأزمات الاجتماعية نتيجة لممارسات اقتصادية خاطئة أثرت على التركيبة الأساسية للمجتمع المصري فنتج عنه انهيار في التركيبة الاجتماعية للمجتمع المصري. منذ عام 1974 و إطلاق السادات ما عرف وقتها باسم ورقة أكتوبر و التي تبعها إطلاق سياسة الانفتاح الاقتصادي و التي كان من المفترض ان تعيد معدل التنمية في مصر إلى ما كان عليه قبل 1967 و الذي وصل فيه إلى 6,7% سنويا حسب بيانات البنك الدولي في تلك الفترة بعد أن أنخفض إلى 4,8% سنويا نتيجة لزيادة معدل الإنفاق العسكري نتيجة للاستعداد للحرب ، إلا إن رغبة السادات في الإسراع بالعودة لمعدل التنمية السابق و رغبته في التحول الى النظام الرأسمالي جعله يجنح إلى جذب استثمارات خارجية لضخ أموال لزيادة معدلات التنمية ، و لذلك أصدر العديد من القوانين لفتح المجال للاستثمار الخارجي في مصر كان من اهم تلك القوانين قانون 43 لسنة 1974 و الذي نتج عنه فتح المجال أمام رأس المال العربي و الأجنبي للاستثمار في مصر ، كذلك قانون النقـد الأجنبي رقم 97 لسنة 1976 ، و الذي من شأنه تحر...

من بداية شهر رمضان و قضية كامليا شحاتة هي القضية الرئيسية في أغلب المنتديات و النقاشات على الشبكة ، كل واحد يغني على ليلاه المسلم يؤكد إنا أسلمت و المسيحي يسال أشمعنى الستات بس اللي بيعلنوا إسلامهم و يا ترى لو مسلمة أعلنت اعتناقها المسيحية هيكون رد فعل الشارع المصري أيه ! ، الحكاية بقت عاملة زي الصراع بين الأهلي و الزمالك أخدنا منكم جدو ، هنرد عليكم بعصام الحضري. من سنوات أعتنق شاب مصري أسمه محمد حجازي و زوجته الدين المسيحي و ظهر العديد من الدعاة على شاشات القنوات الدينية يتحدثون عن حد الردة ، ثم بدأت بعدها عملية تشويه إعلامية لشخص حجازي ، و لم تمر شهور حتى ظهرت قضية وفاء قسطنطين ، و استرحنا لفترة من الزمن من صراع خطف اللاعبين ... آسف أقصد صراع التأسلم و التنصير. و فجأة ظهرت من أسابيع ظهرت أمريكية على شاشات التلفزيون الأمريكية تعلن إنها تراجعت عن إسلامها و نشر الفيديو على اليوتيوب و اثار غضب الكثير من المتأسلمين ، و كان لابد من الرد فظهرت فجأة قضية كامليا شحاتة. بالمناسبة عن نفسي لا يعنيني أن تعتنق كامليا الإسلام أو المسيحية أو حتى البوذية كل ما يعنيني هو الحقيقة و حرية الاعتن...

زي ما قلت من البداية المسلسل لن يصل إلى أهدافه ، وحيد حامد كان أمينا بشكل كبير في تحليله لتاريخ الجماعة ، و الرأي ده أكدته وكالة الأسوشييتدبرس في تقريرها الأخير اللي بثته النهارده قالت فيه : أكدت وكالة (الأسوشييتدبرس) أن مسلسل الجماعة الذي يعرض على بعض الفضائيات المصرية، و يتناول تاريخ تأسيس جماعة الاخوان المسلمين و مؤسسها الشيخ حسن البنا ، خالف كل التوقعات التي كانت مخططةً له، وجاء بنتائج عكسية تمامًا لما كان مستهدفًا له. وأكدت الوكالة أن الحزب الوطني الحاكم في مصر، حاول استغلال المسلسل لتشويه صورة جماعة الإخوان المسلمين قبل ثلاثة أشهر من إجراء انتخابات مجلس الشعب في نوفمبر القادم، حينما حاول مؤلفه إظهار الشيخ حسن البنا مؤسس الجماعة على أنه متشدِّد، يستخدم أتباعه العنف لتحقيق أهدافهم، فضلاً عن محاربته القيم الغربية. ونقلت الوكالة عن الدكتور محمد بديع المرشد العام لجماعة الإخوان المسلمين- في ردِّه على المسلسل- أن الذين يعرفون الإخوان سيرون أكاذيب الحكومة وأداتها الإعلامية ، أما الذين لم يلتقوا بالإخوان فسيحرصون على معرفتهم وربما الانضمام إليهم أيضًا. ونقلت الوكالة تصريحاتٍ لع...